完整藏文原文 · 德格版页 当前仅加载第 80 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
པས། །ཉོན་མོངས་འཇོམས་པའི་མཚན་མ་སྟེ། །རྡུལ་ཕྲན་དཀར་པོའི་ཚུལ་གྱིས་ནི། །དེ་བཞིན་ཕྱོགས་བཅུར་མཐོང་བར་འགྱུར། །འདོད་པ་ལྷ་ཡིས་ལོངས་སྤྱོད་རྣམས། །སེམས་ཀྱིས་མཐོང་བ་བཞི་པ་སྟེ། །མཐོ་རིས་གཟུགས་ཀྱི་
D428.080.0229a01.01ལྷ་རྣམས་ནི། །སེམས་ཀྱིས་མཐོང་བ་ལྔ་བ་ཡིན། །གཟུགས་མེད་ལོངས་སྤྱོད་དྲུག་པ་སྟེ། །བདུན་པ་ཆོས་ཀྱི་ས་ལའོ། །སངས་རྒྱས་འབྲས་བུ་བརྒྱད་པ་སྟེ། །རྣལ་འབྱོར་པ་ནི་རང་དགར་སྤྱོད། །མཆོད་རྟེན་གཟུགས་ཀྱི་ཁྱད་པར་ལས། །དབྱིབས་ཀྱི་
D428.080.0229a02.01གཟུགས་ནི་ཇི་ལྟ་བུ། །ལྷ་ཡི་རྣམ་དག་བསྒོམས་པ་རྣམས། །བཅོམ་ལྡན་འདས་ལ་ཉན་པར་འཚལ། །ལུས་ཅན་རྣམས་ལ་ཡང་དག་བལྟ། །ཡང་དག་དེ་ཉིད་ཤེས་ནས་སུ། །དེ་ཉིད་སྦྱོར་བ་བརྩམ་པ་ཡི། །རབ་སྦྱོར་རྡོ་རྗེ་མཉན་པར་གྱིས། །སྙིང་གར་ཟླ་བ་
D428.080.0229a03.01བསམས་ནས་སུ། །དབུས་སུ་ཧཱུྃ་ནི་བསྒོམ་པར་བྱ། །མེ་ལྟར་འབར་བའི་འོད་ཟེར་གསལ། །སྤྱི་གཙུག་དཀར་པོར་ཡང་དག་ལྡན། །མེ་ལྕེ་འབར་བས་བཅོམ་ནས་ནི། །ཐམས་ཅད་ཀུན་ནས་ཟད་པར་བྱ། །སྔོན་གྱི་མཚན་ཉིད་དེ་ཁོ་ནས། །དེ་ཉིད་སྟོང་པ་ཉིད་དུ་
D428.080.0229a04.01བྱའོ། །དེ་ནས་ཟླ་བར་ས་བོན་ནི། །མཁས་པ་ཡིས་ནི་བསམས་ནས་སུ། །མཆོད་རྟེན་ཕོ་བྲང་གནས་ཉིད་ནི། །དེ་ལ་སེམས་ཀྱིས་བསྐྱེད་པར་བྱ། །གྱ་གྱུ་ས་ཞེས་བརྗོད་པ་སྟེ། །ཕྱོགས་བརྒྱད་དག་ནི་ཁམས་ཡིན་ན། །དྲིལ་བུ་ནམ་མཁའི་དབུས་གནས་པ། །
D428.080.0229a05.01ལྷུན་པོའི་ལྷ་ཡི་གནས་ཉིད་དོ། །འདོད་ན་སྤྱོད་པའི་ལུས་ཅན་རྣམས། །བྲེ་རུ་ངེས་པར་བརྟག་པར་བྱ། །འོག་དང་སྟེང་དང་དབུས་ཉིད་ཀྱི། །དབུས་སུ་གནས་པ་བདག་མེད་ཆོས། །གཟུགས་ཁམས་ཞེས་བྱའི་མཐོ་རིས་རྣམས། །འཁོར་ལོའི་ཕྲེང་བས་རྣམ་
D428.080.0229a06.01པར་བརྒྱན། །གཟུགས་ཅན་བཅུ་དང་བརྒྱད་པོ་ནི། །{གོ་རིམས་,གོ་རིམ་}ཇི་བཞིན་རྣམ་པར་གནས། །གཟུགས་མེད་སྲིད་པའི་སེམས་ཅན་ནི། །ཆོས་ཀྱི་སྲོག་ཤིང་ཉིད་དུ་ཐིམ། །ལྷ་རྣམས་ཀུན་གྱི་ཕོ་བྲང་ནི། །གཟུགས་སུ་མཆོད་རྟེན་བསྐྱེད་པར་བྱ། །སྟེང་གི་
D428.080.0229a07.01