完整藏文原文 · 德格版页 当前仅加载第 80 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཆུ་མིན་སྒོ་ཡིན་ཏེ། །སྒོ་དགུ་ཡི་ནི་མཚན་ཉིད་ཡིན། །ལྟེ་བ་འདོད་ཅན་མཐོ་རིས་ཏེ། །ཐིག་ལེས་གཟུགས་ཁམས་ཀྱི་ལུས་ཅན། །སྟེང་ནས་སྟེང་དུ་གནས་དེ་རུ། །མི་གདུང་ལ་སོགས་དེ་རུ་འགྲོ། །སྣ་ནས་གནོད་སྦྱིན་གནས་སུ་སྟེ། །
D428.080.0226a01.01རྣ་བ་དག་གིས་གྲུབ་པའི་ལྷ། །གལ་ཏེ་མིག་ལས་ཡེ་ཤེས་འགྲོ། །མི་རྣམས་ཀྱི་ནི་བདག་པོར་འགྲོ། །སྲིད་པའི་སྒོ་ཡིས་{ཡི་དགས་,ཡི་དྭགས་}ཏེ། །དེ་བཞིན་གཅི་བས་དུད་འགྲོའོ། །ཆུ་མིན་རྣམ་ཤེས་མྱུར་བ་རུ། །དམྱལ་བ་བརྒྱད་དུ་ཤེས་པར་བྱའོ། །སྒོ་རྣམས་ཀྱི་ནི་བྱེ་
D428.080.0226a02.01བྲག་གིས། །འཁོར་བའི་བྱེ་བྲག་འབྱུང་བ་ཡིན། །དེ་བས་སྒོ་ཡི་བྱེ་བྲག་ལས། །སྒྲུབ་པོས་ལམ་ནི་བཟང་པོ་སྟེ། །འཆི་བའི་མཚན་མ་སྟོན་པ་དང་། །འཆི་བའི་དུས་ལ་བབ་པ་ན། །རིམས་ལ་སོགས་པས་མ་ཕོག་པར། །གོང་དུ་འཕོ་བ་སྦྱོར་བའི་མཆོག །
D428.080.0226a03.01སྔོན་དུ་བུམ་པ་བརྩམས་པ་ཡིས། །སྒོ་རྣམས་ཐམས་ཅད་བཅིང་བར་བྱ། །རྒྱས་པ་ལྔ་ཡི་མཆོད་རྟེན་གྱིས། །སྒོ་ནི་དགག་པ་བསྒོམ་བྱ་སྟེ། །དེ་ལ་འོག་གི་སྒོ་རུ་ནི། །ཆུ་ཡི་ས་བོན་དཀར་པོ་བསམ། །ཆུ་དང་ཆུ་མིན་སྒོ་ལ་ནི། །མེ་ཡི་ས་བོན་འབར་བ་སྟེ། །དེ་
D428.080.0226a04.01ལ་ཤིན་ཏུ་མཉམ་གཞག་པས། །དབུགས་ནི་བུམ་པ་ཅན་དུ་བསྒོམ། །ལུས་ནི་རླུང་གི་མདོག་ཏུ་སྟེ། །སེམས་ནི་རླུང་གི་དཀྱིལ་འཁོར་ལ། །རྩ་བ་རླུང་གི་ས་བོན་ནོ། །རླུང་གི་མཐའ་ནི་རྩ་བ་ཅན། །ཐིག་ལེ་སྒྲ་དང་ལྡན་པ་ཡི། །རྩ་བའི་ས་བོན་དྲང་བར་བྱ། །རྡོ་རྗེའི་
D428.080.0226a05.01ས་བོན་དྲག་མོ་ཡིས། །ལྕགས་ཀྱུ་ལ་སོགས་སྦྱར་བར་བྱ། །ཉི་ཤུ་རྩ་གཅིག་དབུགས་རྣམས་ཀྱིས། །གནས་ནས་དྲག་ཏུ་དྲང་བར་བྱ། །གནས་དང་གནས་ནས་སྟེང་དུ་དབྱེ། །ཚིགས་དགུ་ལས་ནི་སྟེང་དུ་བྱ། །སྟེང་དུ་སྨིན་པའི་ས་བོན་དང་། །ཡི་གེ་ཕྱེད་དང་
D428.080.0226a06.01གཉིས་ཀྱིས་སྦྱང་། །དྲག་མོའི་ང་རོ་བརྗོད་བྱ་སྟེ། །བརྒྱད་ཀྱི་མཐའ་ཡི་ས་བོན་ལ། །སྡེ་ཚན་དང་པོའི་དབང་པོ་ནི། །ཡི་གེ་ཕྱེད་དུ་སྦྱར་བར་བྱ། །འོག་ཏུ་རླུང་གི་དཀྱིལ་འཁོར་གྱིས། །སྒྲ་ཡི་དབྱེ་བས་བསྐུལ་བར་བྱ། །རླུང་གི་ས་བོན་ལྡན་པ་ཡི། །རླུང་གི་དཀྱིལ་
D428.080.0226a07.01