完整藏文原文 · 德格版页 当前仅加载第 80 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
རྡུལ་ཕྲན་དཀར་པོས་དགང་། །ཕ་རོལ་དངོས་པོ་དམར་པོ་རུ། །ཟླ་བའི་དཀྱིལ་འཁོར་དབུས་གནས་པར། །པདྨའི་སྟན་ལ་བཞུགས་པ་ཡི། །རྡོ་རྗེ་སེམས་དཔར་བསམས་ནས་སུ། །གང་གི་སྙིང་གི་དབུས་སུ་ནི། །དེ་ཡི་རྣམ་ཤེས་གཟུང་བར་
D428.080.0224a01.01བྱ། །ཧཱུྃ་ཞེས་བྱ་བའི་ཕྱོགས་བརྒྱད་དུ། །ཁ་དོག་དམར་པོ་བསམས་ནས་ནི། །རྟག་ཏུ་མཉམ་ཉིད་ལྟ་བ་ཡིས། །བློ་ལྡན་ཕ་རོལ་སེམས་ཤེས་བྱ། །ཀུན་ནས་དཔག་ཚད་ཕྱི་རོལ་དུ། །རྣལ་འབྱོར་པས་ནི་གང་བསམས་ན། །དེ་ཡི་བསམ་པ་ཐམས་ཅད་ནི། །
D428.080.0224a02.01ཡི་གེ་དེ་ཡིས་སྟེན་པར་འགྱུར། །གལ་ཏེ་ཕ་རོལ་ཆ་ཡིས་ནི། །སེམས་ཀྱི་མཚན་ཉིད་ཤེས་འདོད་པས། །གཞན་གྱི་སེམས་ནི་རིག་པ་ཡིས། །ཀུན་ནས་ཐམས་ཅད་ཤེས་བྱས་ལ། །དཔའ་བོ་སེམས་ཅན་ཀུན་དོན་ཕྱིར། །རྣལ་འབྱོར་འདི་ཡིས་སྦྱར་བར་
D428.080.0224a03.01བྱ། །དེ་ནས་མེ་ཡི་ལས་ཀྱི་བདག །སྦྱོར་བ་ཇི་ལྟར་འཚལ་བར་བགྱི། །ཡེ་ཤེས་མེ་ཡི་བདག་ཉིད་ལ། །སྦྱིན་སྲེག་མཚན་ཉིད་ཇི་ལྟར་ལགས། །ཐམས་ཅད་སེམས་ཀྱིས་བྱིན་བརླབས་པས། །སྐྱེ་བོའི་ལུས་ཅན་ཡེ་ཤེས་མེ། །ཐམས་ཅད་ཡེ་ཤེས་བྱིན་
D428.080.0224a04.01བརླབས་པ། །མེ་ཡི་དེ་ཉིད་མཉམ་པར་གྱིས། །བདག་ཉིད་སེམས་ཀྱིས་བསྲེགས་པས་ནི། །རྣལ་འབྱོར་ཅན་གྱིས་སྦྱིན་སྲེག་བྱ། །མདུད་པའི་ལྟེ་བའི་དབུས་ཉིད་ཀྱི། །དངོས་སུ་སོར་ནི་བདུན་པ་སྟེ། །མེ་ཡི་ཐབ་ཀྱི་གནས་ཡིན་ལ། །ཀླུ་དབང་འཁྱིལ་བའི་
D428.080.0224a05.01བསྐོར་བ་ཡིན། །ཡི་གེ་ཐམས་ཅད་འབར་བར་བྱ། །དེ་དབུས་པདྨ་རིག་པ་ཡིས། །ཉི་མའི་དཀྱིལ་འཁོར་དབུས་གནས་པར། །ཡེ་ཤེས་ལུས་ནི་འབར་བར་གཟུང་། །མདུད་པའི་མེ་ལ་དཀར་པོ་རུ། །རྡོ་རྗེ་མཁའ་འགྲོ་ཐིམ་པར་བྱ། །གཡས་ཀྱི་ཆ་ཡི་ལོགས་སུ་
D428.080.0224a06.01ནི། །དྲག་པོ་ཐིམ་བྱ་མེ་དང་འདྲ། །ལྟེ་བ་དམར་བོ་འབར་བ་ལ། །ལྷ་མོའི་རྩེ་མོ་རོ་ལངས་མ། །གཡོན་ཕྱོགས་ཆ་ནི་སྔོན་པོ་ལ། །དྲག་ཏུ་འབར་བ་གཏུམ་མོ་སྟེ། །མེ་ལྔ་ཡི་ནི་བདག་ཉིད་རྣམས། །གཟུགས་མཛེས་མཐེ་བོའི་ཚད་དུ་བལྟ། །ཆུ་དང་མེ་དང་
D428.080.0224a07.01