完整藏文原文 · 德格版页 当前仅加载第 80 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །མིང་དང་བཅས་ནས་བསྒྲུབས་ནས་ནི། །བསམ་པ་ཙམ་གྱིས་འགྲུབ་པར་འགྱུར། །ངས་བསྟན་པ་ལ་ཐེ་ཚོམ་མེད། །སྔོན་གྱི་མཚན་ཉིད་ཐམས་ཅད་ནི། །སྔར་བཞིན་དུ་ནི་སྟོང་པ་ཉིད། །ཐམས་ཅད་བདག་ཉིད་བསམས་ནས་སུ། །ཟླ་བའི་དཀྱིལ་འཁོར་
D428.080.0209b01.01དབུས་གནས་པར། །བདུད་རྩི་ཀུན་རིག་ཕྱི་མོར་བཅས། །འོད་ཟེར་སྣ་ཚོགས་རྣམ་པར་འཕྲོ། །འོད་ཟེར་སེར་པོ་ཤིན་ཏུ་མཛེས། །གཟུགས་སྡུག་འོད་ཟེར་འཕྲོ་བར་བསམ། །རིན་ཆེན་ལ་སོགས་གང་འདོད་པ། །ཐམས་ཅད་རང་གི་དབུགས་ཀྱིས་དགུག །སྒྲུབ་པ་པོ་
D428.080.0209b02.01ཡི་ལུས་ལ་ནི། །དེ་ཡི་དཀྱིལ་འཁོར་དབུས་གནས་པར། །རླུང་གི་ས་བོན་གྱིས་བསྐོར་བའི། །ལྕགས་ཀྱུའི་ཡི་གེ་བསྒོམ་པར་བྱ། །ཁ་དོག་ལ་སོགས་དམར་བསམས་ཤིང་། །གཟུགས་ཀྱང་ཁ་དོག་དམར་པོར་བསྒོམ། །ཟླ་བའི་དཀྱིལ་འཁོར་དབུས་གནས་པར། །
D428.080.0209b03.01ཡེ་ཤེས་མཁའ་འགྲོ་བསྒོམ་པར་བྱ། །གཟུགས་མཛེས་ཤིན་ཏུ་རྫོགས་པ་སྟེ། །རྒྱན་རྣམས་ཀུན་གྱིས་རྣམ་པར་བཀླུབས། །གཡོན་པ་ལྕགས་ཀྱུའི་ཚུལ་གྱིས་ནི། །ཡིད་ནི་འགུགས་པ་བསྒོམ་པར་བྱ། །ལྕགས་ཀྱུའི་ཡི་གེ་བསྒོམས་པ་ཡིས། །མཛུབ་མོ་ལྕགས་
D428.080.0209b04.01ཀྱུ་བསྐྱོད་པར་བྱ། །ཡི་གེ་ཉིས་འགྱུར་ཐིགས་པ་དང་། །རྩ་བར་སྒྲ་ནི་སྦྱར་བར་བྱ། །བདུད་རྩིའི་མཐའ་ཞེས་བྱ་བ་སྟེ། །འབུམ་ཕྲག་གཅིག་གིས་དབང་དུ་འགྲུབ། །དེ་ལྟར་བསྒོམ་ཞིང་བཟླས་ནས་སུ། །སོར་མོ་ཡང་ནི་བསྐྱོད་བྱས་ན། །བསྒྲུབ་བྱའི་ཡིད་ནི་
D428.080.0209b05.01བསྐྱེད་འགྱུར་བར། །འབུམ་ཕྲག་གཅིག་གིས་འགྲུབ་པར་འགྱུར། །འཁོར་ལོ་འདབ་མ་མེད་པ་ལ། །མུ་ཁྱུད་ཀྱིས་ནི་བསྐོར་བར་བྱ། །དབྱངས་ཀྱི་ཡི་གེ་ཐམས་ཅད་ཀྱིས། །མུ་ཁྱུད་མཁས་པས་བསྐོར་བར་བྱ། །སྡེ་ཚན་ལྔ་པ་གང་ཡིན་པ། །ཡི་གེ་གསུམ་
D428.080.0209b06.01པ་བཟུང་ནས་སུ། །ཨི་དང་རེ་ཕ་སྦྱར་ནས་སུ། །འབད་པས་དབུས་སུ་བཞག་ནས་ཀྱང་། །ཡེ་ཤེས་ཅན་གྱི་ས་བོན་འདི། །སྒྲ་ཡི་བདུན་པ་དང་སྦྱར་ལ། །འདབ་མ་རྣམས་ལའང་དེ་ཉིད་བྱ། །འདབ་མར་འདི་ཉིད་གཞག་པར་བྱ། །རྣལ་འབྱོར་མ་ཡི་གྲུབ་འདོད་
D428.080.0209b07.01