完整藏文原文 · 德格版页 当前仅加载第 80 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
དགོད། །བྱང་གི་ཆ་ཡི་འདབ་མ་ལ། །དོན་ཡོད་གཙོ་བོ་བསམ་པར་བྱ། །དབྱངས་ཡིག་ཐོག་མ་སོགས་ས་བོན། །ཐིག་ལེ་དབྱུག་པར་ལྡན་རིམ་བཞིན། །འོད་ཟེར་དཀར་པོས་བརྒྱན་པ་སྟེ། །ཡི་གེ་བཞི་ནི་དགོད་པར་བྱ། །ཕྱོགས་
D428.080.0228a01.01མཚམས་དག་ནི་བཞི་པོ་རུ། །སྔོན་དུ་བསྟན་པའི་མ་ནིང་དགོད། །དེ་ཡི་དབུས་སུ་དེ་ཡི་སེམས། །ཡི་གེ་རུ་ནི་མཚོན་པར་བྱ། །སྟོང་པ་མཚན་ཉིད་མེད་པ་ལས། །ཇི་ལྟར་ཡི་གེ་སྦྱར་བར་བགྱི། །སེམས་ནི་ཡ་མཚན་སྐྱེས་པར་འགྱུར། །བཅོམ་ལྡན་བདག་ལ་
D428.080.0228a02.01བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །སྟོང་པའི་མཚན་ཉིད་མཚོན་པ་ལས། །ཆུ་ཤིང་སྙེ་མའི་བདུད་རྩི་བཞིན། །སྙིང་པོ་མེད་པའི་སྙིང་པོར་གྱུར། །དེ་ཉིད་ཇི་བཞིན་རྡོ་རྗེས་ཉོན། །དབུས་ན་གནས་པ་ཡེ་ཤེས་ཏེ། །ཡེ་ཤེས་རང་
D428.080.0228a03.01བཞིན་གཟུགས་མེད་ཅིང་། །མཚན་ཉིད་མེད་པའི་མཚན་ཉིད་ཅན། །དྲི་མ་མེད་པའི་ཡེ་ཤེས་སྐུ། །དངོས་དང་དངོས་མེད་རྣམ་པར་གྲོལ། །ཡི་གེའི་གཟུགས་ནི་ཡི་གེ་མེད། །གཟུགས་དང་སྟོང་པའི་དབུས་སུ་ནི། །རྣལ་འབྱོར་ཅན་གྱིས་དེ་ཉིད་གཟུགས། །
D428.080.0228a04.01གང་གི་མཚན་ཉིད་ཤེས་བྱས་ནས། །མཉམ་ཉིད་ཡེ་ཤེས་ཤེས་པ་དང་། །དེ་ཡིས་རྫོགས་པའི་བྱང་ཆུབ་ལམ། །མྱུར་བ་ཉིད་དུ་མཐོང་བར་འགྱུར། །བླ་མ་ཉིད་ཀྱི་ལམ་གྱིས་ནི། །ཡེ་ཤེས་རྣམ་ཤེས་རང་བཞིན་ཉིད། །བསྟན་བཅོས་ལ་ནི་མཚན་ཉིད་བསྟན། །
D428.080.0228a05.01དེ་ཁོ་ན་ཉིད་དཔའ་བོས་བཤད། །འོད་ཟེར་དཀར་པོས་རྒྱས་པ་རུ། །འདི་ནི་ཀུན་ཏུ་བསྒོམ་པར་བྱ། །རྒྱས་པ་ལྔ་ཡི་མཆོད་རྟེན་ཏེ། །བདུད་རྩིའི་ས་བོན་བསམས་ནས་ནི། །འོད་ཟེར་དཀར་པོ་གསལ་བའི་མདངས། །བདུད་རྩིའི་ཆུ་རྒྱུན་འཛག་པས་བཀྲུ། །ཐིགས་
D428.080.0228a06.01པའི་དབུས་སུ་ས་བོན་ནི། །མཐེ་བོ་ཙམ་གྱི་ཟླུམ་པོར་བྱ། །དེ་ཡི་དབུས་ཀྱི་ས་བོན་ནི། །ཨཱ་ལི་ཀཱ་ལི་དག་ལས་བཏུ། །ཁ་དོག་དཀར་པོ་ཤིན་ཏུ་མཛེས། །ཟླ་བའི་འོད་ཟེར་ཀུན་ཏུ་འཕྲོ། །དེ་ཡི་དབུས་ཀྱི་ས་བོན་ནི། །ཐིག་ལེ་བསམ་པར་རབ་ཏུ་གྲགས། །
D428.080.0228a07.01