完整藏文原文 · 德格版页 当前仅加载第 100 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
གཱའི་ཀླུང་གི་བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་ཀྱིས་གསུངས་པ་ཡིན་ཏེ། དེ་བཞིན་གཤེགས་པ་དེ་དག་གིས་རྣལ་འབྱོར་པ་གང་དག་ཕ་རོལ་ཏུ་ཕྱིན་པ་དྲུག་མངོན་པར་བསྒྲུབ་པར་ཡོངས་སུ་མ་རྫོགས་པ་དག་ཡོངས་སུ་རྫོགས་པར་བྱ་བའི་ཕྱིར་དང་།
D897.100.0177a01.01བྱང་ཆུབ་ཏུ་སེམས་མ་བསྐྱེད་པ་དག་མྱུར་དུ་བྱང་ཆུབ་ཏུ་སེམས་བསྐྱེད་པར་བྱ་བའི་ཕྱིར་དང་། ཉན་ཐོས་ཀྱི་གང་ཟག་གང་དག་འབྲས་བུ་མངོན་དུ་མ་བྱས་པ་དེ་དག་མྱུར་དུ་མངོན་དུ་བྱ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། དྲང་སྲོང་གང་དག་བླ་ན་མེད་པའི་བྱང་ཆུབ་
D897.100.0177a02.01ཏུ་སེམས་མ་བསྐྱེད་པ་དག་མྱུར་དུ་སེམས་བསྐྱེད་པར་བྱ་བའི་ཕྱིར་དང་། སེམས་ཅན་གང་དག་ཐེག་པ་ཆེན་པོ་འདི་ལ་དད་པའི་དབང་པོ་མ་ཐོབ་པ་དག་གཟུངས་འདིའི་བྱིན་གྱི་བརླབས་ཀྱི་མཐུས་ཐེག་པ་ཆེན་པོའི་ས་བོན་དང་ཆོས་ཀྱི་མྱུ་གུ་འཕེལ་བར་བྱ་བའི་ཕྱིར་གསུངས་པ་ཡིན་པས།
D897.100.0177a03.01བདག་གིས་ཐབས་མཁས་པ་དང་། བྱམས་པ་དང་། སྙིང་རྗེའི་མཐུས་དེ་དག་གིས་ཅི་དང་ཅི་འདོད་པ་ཐམས་ཅད་འབྱོར་པར་བྱེད་དོ། །གཞན་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་མུན་པ་མུན་ནག་གི་གནས་སུ་ངན་འགྲོ་གསུམ་པོའི་སེམས་ཅན་ཇི་སྙེད་གནས་པ་
D897.100.0177a04.01དག་བདག་གི་རིག་སྔགས་འདི་ཐོས་པར་གྱུར་ན་ཐམས་ཅད་སྡུག་བསྔལ་དང་བྲལ་བར་འགྱུར་རོ། །བྱང་ཆུབ་སེམས་དཔའ་གང་དག་ས་དང་པོ་མ་ཐོབ་པ་དག་ནི་མྱུར་དུ་ཐོབ་པར་འགྱུར་ལ། ས་བཅུ་པའི་བར་དུ་ཡང་མ་ཐོབ་པ་ཐོབ་པར་འགྱུར་རོ། །གཞན་ཡང་སངས་རྒྱས་ཀྱི་སའི་བར་
D897.100.0177a05.01དུ་ཡང་ཕྱིན་པར་བྱེད་པའི་ཕྱིར་མཚན་སུམ་ཅུ་རྩ་གཉིས་དང་། དཔེ་བྱད་བརྒྱད་ཅུ་ཡང་རང་གི་ངང་གིས་འཐོབ་པར་འགྱུར་རོ། །གལ་ཏེ་ཉན་ཐོས་ཀྱི་གང་ཟག་གང་དག་གཟུངས་འདི་རྣ་བར་ལན་ཅིག་ཐོས་པར་གྱུར་ཏམ། གཟུངས་འདི་སྤྱོད་ཅིང་ཡི་གེར་བྲིས་སམ། དྲང་པོའི་
D897.100.0177a06.01སེམས་ཀྱིས་ཆོས་བཞིན་དུ་གནས་པར་བྱེད་ན། དགེ་སྦྱོང་གི་འབྲས་བུ་བཞི་པོ་དག་མ་བཙལ་བར་རང་གི་ངང་གིས་ཐོབ་པར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རི་དང་། ཆུ་ཀླུང་དང་། བྲག་དང་། རྒྱ་མཚོ་ཆེན་པོ་བཞིའི་ཆུ་ཇི་སྙེད་པ་དག་
D897.100.0177a07.01