完整藏文原文 · 德格版页 当前仅加载第 100 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་པ་གཉིས་རྒྱབ་སྤྲད་དེ་སྦྱར་ནས་མཐེ་བོ་གཉིས་མདུན་དུ་བརྐྱང་བར་བགྱིའོ། །ཕྱག་རྒྱ་འདིས་ནི་བདག་ཀྱང་བསྲུང་ཞིང་གཞན་ཡང་བསྲུང་བར་བགྱིད་དོ། །ཕྱོགས་གང་དང་གང་དུ་མཆི་ཡང་རུང་སྟེ། མཚམས་དགུམ་པར་འཚལ་བས་ཆབ་
D897.100.0200a01.01གཙང་མའམ་ཐལ་བ་གཙང་མ་ལ་ལན་བདུན་སྔགས་ཀྱིས་བཏབ་སྟེ། གང་དུ་མཆིས་པའི་གནས་དེར་ཆབ་བམ། ཐལ་བ་སྙིམ་པ་གང་སྔར་རང་གི་ལུས་ལ་གཏོར་ནས། དེའི་རྗེས་ལ་ཕྱོགས་བཞིར་ཆོས་བཞིན་དུ་གཏོར་ན། དེ་ཉིད་མཚམས་སུ་འགྲུབ་པར་འགྱུར་
D897.100.0200a02.01ལགས་སོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་འདྲེ་སྲིན་མ་རུངས་པ་དང་། ལོག་པའི་གདོན་མང་པོ་རྣམས་ཀྱིས་གཙེས་པར་གྱུར་ན་བལ་པོ་སེའུའི་ཡལ་ག་དང་། གྲིབ་ལོགས་ཀྱི་ལྕང་མའི་ཡལ་ག་བླངས་ཏེ། རིག་སྔགས་འདི་
D897.100.0200a03.01བཟླས་བརྗོད་བགྱིས་ནས་ནད་པ་ལ་གཞུས་ན་ནད་གང་ཡང་རུང་སྟེ་མི་འཚོ་བ་མ་མཆིས་ལགས་སོ། །རིག་སྔགས་ནི་འདི་ལྟ་སྟེ། ན་མཿསརྦ་བུདྡྷ། དྷརྨ་སཾ་གྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། ན་མོ་བཛྲ་པཱ་ཎ་ཡེ། བོ་དྷི་སཏྭཱ་ཡ། ཏདྱ་ཐཱ།
D897.100.0200a04.01བི་སི་བི་སི་བི། ཀཱ་ཡ་སི་བི། པ་ལ་ཤ་པ་ལ་ནི་སྭཱ་ཧཱ། རིག་སྔགས་ཀྱི་ཕྱག་རྒྱ་འདིས་ནི་ལོག་པར་ལྟ་བའི་མུ་སྟེགས་ཅན་རྣམས་འདུལ་བར་བགྱིད་དོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་རྟག་པ་རེ་གདུགས་དང་པོ་འཆར་བའི་ཚེ་དང་། གདུགས་
D897.100.0200a05.01ཀྱི་གུང་དང་། གདུགས་པས་པའི་ཚེ་ལན་ཉི་ཤུ་རྩ་གཅིག་བཟླས་བརྗོད་བགྱིས་ན། རྣམ་པ་སྣ་ཚོགས་ཀྱིས་སངས་རྒྱས་བྱེ་བ་ཕྲག་བཅུ་ལ་མཆོད་པ་བགྱིས་པ་དང་། བྱེ་བྲག་ཏུ་གྱུར་པ་མ་མཆིས་པས་ནམ་དུའང་བུད་མེད་ཀྱི་དངོས་པོ་ལེན་པར་མི་འགྱུར། ཚེ་འདས་
D897.100.0200a06.01ནས་ཀྱང་ངན་སོང་གསུམ་པོ་དག་དང་གཏན་དུ་འབྲལ་ཞིང་། དེ་བཞིན་གཤེགས་པ་འོད་དཔག་མེད་ཀྱི་ཞིང་ཡོངས་སུ་དག་པར་སྐྱེ་བར་འགྱུར། དེ་བཞིན་གཤེགས་པ་དེའི་ཕྱག་གིས་སྤྱི་བོ་ལ་བྱུགས་ཏེ། ཁྱོད་ངའི་ཞིང་དུ་སྐྱེ་བར་འགྱུར་བས་མ་འཇིགས་ཤིག་ཅེས་
D897.100.0200a07.01