完整藏文原文 · 德格版页 当前仅加载第 100 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་གཡོ་ཞིང་འཁོལ་བར་ནུས་སོ། །རི་རབ་ལྷུན་པོ་ནས་རི་ཁོར་ཡུག་གི་བར་དག་ཀྱང་གཡོ་ཞིང་རྡུལ་ཕྲན་བཞིན་དུ་འཇིག་པར་ནུས་སོ། །དེ་ན་གནས་པའི་སེམས་ཅན་ཇི་སྙེད་པ་དག་ཀྱང་ཐམས་ཅད་བླ་ན་མེད་པའི་བྱང་ཆུབ་ཏུ་སེམས་བསྐྱེད་པར་ནུས་སོ། །སེམས་ཅན་གང་དག་ཚེ་
D897.100.0177b01.01འདི་ཉིད་ལ་སྨོན་པ་རྣམས་མངོན་པར་འགྲུབ་པར་འདོད་ན་ཞག་ཉི་ཤུ་རྩ་གཅིག་གི་བར་དུ་གསོ་སྦྱོང་དང་། ཚུལ་ཁྲིམས་ལ་གནས་ནས་གཟུངས་འདི་བཟླས་བརྗོད་བྱས་ན་གདོན་མི་ཟ་བར་སྨོན་པ་རྣམས་ཀྱང་མངོན་པར་འགྲུབ་པར་འགྱུར། འཁོར་བའི་མཐའ་ནས་འཁོར་བའི་
D897.100.0177b02.01མཐར་ཐུག་པའི་བར་དུའང་སྡིག་པའི་ལས་ཐམས་ཅད་མ་ལུས་པར་ཡོངས་སུ་འབྱང་བར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ནང་དང་ཕྱི་རོལ་ན་སངས་རྒྱས་དང་། བྱང་ཆུབ་སེམས་དཔའ་ཇི་སྙེད་ཅིག་བཞུགས་པ་རྣམས་དང་། ཚངས་
D897.100.0177b03.01པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་། དྲང་སྲོང་དང་། ཀླུའི་རྒྱལ་པོ་ཇི་སྙེད་གནས་པ་ཐམས་ཅད་ཀྱིས་ཀྱང་མཁྱེན་ཅིང་ཤེས་པར་འགྱུར་རོ། །ལྷའམ་མི་གང་ཡང་རུང་སྟེ། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ཆུ་ཀླུང་
D897.100.0177b04.01ངམ། རྒྱ་མཚོར་ཞུགས་ཏེ་ཁྲུས་བྱས་པ་ལས་དེ་ན་གནས་པའི་སེམས་ཅན་དེ་དག་ནི་དེ་དག་གིས་ལུས་བཀྲུས་པའི་ཆུ་ལུས་ལ་རེག་པར་གྱུར་ན། སྡིག་པའི་ལས་དང་ཁ་ན་མ་ཐོ་བ་ལྕི་བ་ཐམས་ཅད་ཡོངས་སུ་བྱང་ནས་ཞིང་ཡོངས་སུ་དག་པ་དག་ཏུ་པདྨ་ལས་རྫུས་ཏེ་སྐྱེ་བར་འགྱུར་བས་
D897.100.0177b05.01མངལ་དང་། དྲོད་གཤེར་དང་། སྒོ་ང་ལས་སྐྱེ་བའི་ལུས་ལེན་པར་མི་འགྱུར་ན། ལེན་པ་དང་། འཛིན་པ་དང་། ཀློག་པ་དང་། ཁ་ཏོན་དུ་འདོན་པ་ལྟ་སྨོས་ཀྱང་ཅི་དགོས། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ལམ་དུ་ཞུགས་ཏེ་འགྲོ་བའི་ཚེ་རླུང་ཆེན་པོ་
D897.100.0177b06.01ལངས་ཏེ། གང་ཟག་དེའི་ལུས་དང་། སྤུ་དང་། སྐྲ་དང་། གོས་ལ་བུས་པའི་རླུང་གང་ཡིན་པ་དེ་རྫི་ཕྱོགས་སུ་སོང་བའི་སེམས་ཅན་གཞན་གྱི་ལུས་ལ་རེག་པར་གྱུར་ན། དེ་དག་གི་སྒྲིབ་པ་དང་སྡིག་པའི་ལས་ལྕི་བ་ཐམས་ཅད་མ་ལུས་པར་ཡོངས་སུ་འབྱང་བར་འགྱུར་
D897.100.0177b07.01