完整藏文原文 · 德格版页 当前仅加载第 100 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བ་བསལ་བར་འདོད་ན་རལ་གྲི་དང་མདུང་ཐོགས་པའི་ལག་ལ་མཆོད་དོ། །དགེ་བའི་ལྷ་འདྲེ་ཐམས་ཅད་དགུག་པར་འདོད་ན་རིན་པོ་ཆེའི་དུང་ཐོགས་པའི་ལག་ལ་མཆོད་དོ། །ལྷ་འདྲེ་ཐམས་ཅད་འཁོལ་བར་འདོད་ན་ཐོད་པའི་འཁར་བ་ཐོགས་པའི་ལག་ལ་མཆོད་དོ། །
D897.100.0181b01.01ཕྱོགས་བཅུའི་སངས་རྒྱས་མྱུར་དུ་གཤེགས་ནས་ཕྱག་གིས་བྱུག་པར་འདོད་ན་པ་གྲང་ཕྲེང་འཛིན་པའི་ལག་ལ་མཆོད་དོ། །ཚངས་པའི་སྒྲ་དབྱངས་མཆོག་དམ་པ་ཐམས་ཅད་མངོན་པར་འགྲུབ་པར་འདོད་ན་རིན་པོ་ཆེའི་དྲིལ་བུ་ཐོགས་པའི་ལག་ལ་མཆོད་དོ། །ཚིག་གི་སྤོབས་
D897.100.0181b02.01པ་གྱ་ནོམ་པ་དང་ལྡན་པར་འདོད་ན་རིན་པོ་ཆེའི་ཕྱག་རྒྱ་ཐོགས་པའི་ལག་ལ་མཆོད་དོ། །དགེ་བའི་ལྷ་དང་ཀླུ་རྣམས་རྟག་པར་འོངས་ཏེ་སྲུང་ཞིང་ཡོངས་སུ་སྐྱོབ་པར་འདོད་ན་ལྕགས་ཀྱུ་ཐོགས་པའི་ལག་ལ་མཆོད་དོ། །བྱམས་པ་དང་སྙིང་རྗེས་སེམས་ཅན་ཐམས་ཅད་ཡོངས་སུ་སྐྱོབ་པར་
D897.100.0181b03.01འདོད་ན་འཁར་གསིལ་ཐོགས་པའི་ལག་ལ་མཆོད་དོ། །སེམས་ཅན་ཐམས་ཅད་ཀྱིས་རྟག་པར་ཕན་ཚུན་གུས་པས་བསྙེན་བཀུར་བྱེད་ཅིང་བརྩེ་བར་སེམས་པར་འདོད་ན་ཐལ་མོ་སྦྱར་བའི་ལག་ལ་མཆོད་དོ། །སྐྱེ་བའི་སྐྱེ་གནས་ཐམས་ཅད་དུ་དེ་བཞིན་གཤེགས་པ་རྣམས་དང་མི་འབྲལ་
D897.100.0181b04.01བར་འདོད་ན་སྤྲུལ་པའི་སངས་རྒྱས་ཐོགས་པའི་ལག་ལ་མཆོད་དོ། །སྐྱེ་བའི་ཚེ་རབས་ཐམས་ཅད་དུ་རྟག་པར་དེ་བཞིན་གཤེགས་པའི་ཕོ་བྲང་དུ་གནས་ནས་མངལ་གྱི་སྙིང་པོར་སྐྱེ་བར་མི་འགྱུར་བར་འདོད་ན་སྤྲུལ་པའི་གཞལ་མེད་ཁང་ཐོགས་པའི་ལག་ལ་མཆོད་དོ། །མང་དུ་ཐོས་པའི་
D897.100.0181b05.01ཤེས་པ་རྒྱ་ཆེན་པོ་དང་ལྡན་པར་འདོད་ན་རིན་པོ་ཆེའི་མདོ་སྡེའི་གླེགས་བམ་ཐོགས་པའི་ལག་ལ་མཆོད་དོ། །ད་ལྟར་གྱི་ལུས་འདི་ནས་སངས་རྒྱས་ཀྱི་སྐུ་ལ་ཐུག་པའི་བར་དུ་རྟག་པར་བྱང་ཆུབ་ཀྱི་སེམས་ལས་ལྡོག་པར་མི་འགྱུར་བར་འདོད་ན་ཕྱིར་མི་ལྡོག་པའི་གསེར་གྱི་འཁོར་ལོ་ཐོགས་པའི་ལག་
D897.100.0181b06.01ལ་མཆོད་དོ། །ཕྱོགས་བཅུའི་དེ་བཞིན་གཤེགས་པ་རྣམས་མྱུར་དུ་གཤེགས་ནས་སྤྱི་བོ་ནས་ཕྱག་གིས་བྱུགས་ཏེ་ལུང་བསྟན་པར་འདོད་ན་སྤྱི་བོ་ན་སྤྲུལ་པའི་སངས་རྒྱས་ཐོགས་པའི་ལག་ལ་མཆོད་དོ། །ཤིང་ཐོག་དང་འབྲུ་རྣམས་གྲུབ་པར་འདོད་ན་རྒུན་འབྲུམ་ཐོགས་པའི་ལག་ལ་མཆོད་
D897.100.0181b07.01