完整藏文原文 · 德格版页 当前仅加载第 100 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་སྤྲུལ་ནས་བསྐལ་པ་བཟང་པོ་རབས་སྟོང་གི་འཁོར་ལོས་སྒྱུར་བའི་རྒྱལ་པོ་བགྱིད་པར་འགྱུར་ལ། མིག་སྟོང་པོ་དེ་དག་ཀྱང་སོ་སོ་ནས་སངས་རྒྱས་རེ་རེ་མངོན་པར་སྤྲུལ་ནས། བསྐལ་པ་བཟང་པོའི་སངས་རྒྱས་སྟོང་དང་མཚུངས་
D897.100.0199a01.01པར་འབྱུང་བར་འགྱུར་བའི་སླད་དུ། བཅོམ་ལྡན་འདས་བྱང་ཆུབ་སེམས་དཔའ་འདིའི་ལུས་བདུད་འདུལ་བའི་ནང་ན་མཆོག་ཏུ་གྱུར་པ་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། ལེགས་སོ་
D897.100.0199a02.01ལེགས་སོ། །ངས་ཀྱང་བྱིན་གྱི་བརླབས་ཀྱི་མཐུས་བསྐལ་པ་མཐར་ཐུག་པའི་བར་དུ་ཁྱོད་ཀྱི་ཡུམ་གྱི་གཟུངས་འདི་བྱིན་གྱིས་བརླབ་པར་བྱའོ།། །།བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཐོགས་པ་མི་མངའ་བའི་ཐུགས་རྗེ་ཆེན་པོ་རྒྱ་ཆེར་ཡོངས་
D897.100.0199a03.01སུ་རྫོགས་པའི་གཟུངས། བམ་པོ་གསུམ་པ། དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱིས་བསྔགས་པ་བརྗོད་པ་ཐོས་ནས་རབ་ཏུ་དགའ་ཞིང་མགུ་བར་གྱུར་པས་ཐལ་མོ་སྦྱར་ཏེ། བཅོམ་ལྡན་འདས་ཀྱི་ཞལ་དུ་བལྟས་ནས་འདི་
D897.100.0199a04.01སྐད་ཅེས་གསོལ་ཏོ། །བཅོམ་ལྡན་འདས་གཞན་ཡང་མིག་སྟོང་ལག་སྟོང་དང་ལྡན་པའི་གཟུངས་ཀྱི་ཕྱག་རྒྱ་མངོན་པར་སྒྲུབ་པར་བགྱིད་པ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ངས་ཀྱང་རྗེས་སུ་ཡི་རང་གིས་ཁྱོད་ཀྱིས་ཤོད་ཅིག །དེ་
D897.100.0199a05.01ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་སྨྲས་པ་དང་། ནམ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་རིག་སྔགས་འདི་སྨྲས་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནས་འདུ་ཤེས་མེད་འདུ་ཤེས་མེད་མིན་གྱི་བར་གྱི་
D897.100.0199a06.01ལྷའི་གནས་ཐམས་ཅད་ཀྱང་རྣམ་པ་དྲུག་ཏུ་རབ་ཏུ་གཡོས་པར་གྱུར་ཏོ། །འོག་མིན་གྱི་ལྷ་དང་། དབང་ཕྱུག་ཆེན་པོའང་མི་བདེ་བར་ཤིན་ཏུ་སྐྲག་པར་གྱུར་ཏོ། །འདྲེ་གདོན་མ་རུངས་པ་ཐམས་ཅད་ཀྱང་སྡུག་བསྔལ་ཆེན་པོ་མྱོང་བར་གྱུར་པས། ཀུ་ཅོ་འདོན་ཅིང་ཤར་ནུབ་ཏུ་
D897.100.0199a07.01