完整藏文原文 · 德格版页 当前仅加载第 100 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་ཀྱི་བར་དག་ཀྱང་ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་འདིའི་རྒྱུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བར་བརྙེས་པ་ལགས་པས་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་སེམས་རྩེ་གཅིག་ཏུ་ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་
D897.100.0186b01.01འདི་འདོན་ཅིང་ཀློག་པ་དང་། ཡོངས་སུ་འཛིན་པར་བགྱིད་ན་དེ་དག་ཚེ་འདི་ཉིད་ལ་ཚིག་གི་སྤོབས་པ་མྱུར་ཞིང་ཐོགས་པ་མ་མཆིས་པ་དང་། ཤེས་རབ་དང་སྤོབས་པ་མངོན་པར་རྟོགས་པར་འགྱུར་བས། ལྷ་དང་མིའི་འཁོར་མང་པོའི་ནང་ན་མཆོག་ཏུ་འགྱུར། གང་དག་ཐོས་པ་རྣམས་ཀྱང་རབ་ཏུ་དགའ་
D897.100.0186b02.01ཞིང་ཐམས་ཅད་ཀྱིས་སྤྱི་བོ་བཏུད་དེ་ཕྱག་བགྱིད་པར་འགྱུར། སྐྱེ་བ་ཐམས་ཅད་དུ་སངས་རྒྱས་དང་། ཆོས་དང་། དགེ་འདུན་མཐོང་བར་འགྱུར། གང་ཅི་སྨྲས་ཀྱང་རུང་སྟེ། ཐམས་ཅད་ཀྱིས་ཡིད་ཆེས་པས་ཉེན་པར་འགྱུར་ལགས་ཏེ། དེ་དག་ཐམས་ཅད་ཀྱང་སངས་རྒྱས་བཅོམ་ལྡན་
D897.100.0186b03.01འདས་རྣམས་ཀྱི་བྱིན་གྱི་བརླབས་ཀྱི་མཐུ་ལགས་ཏེ། རང་ཉིད་ཀྱི་མཐུ་ནི་མ་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཁྱོད་ཀྱིས་འདི་ལྟར་ལྷ་དང་མི་དང་ལྷ་མ་ཡིན་ལ་སོགས་པ་དེ་དག་ཐམས་ཅད་ལ་ཕན་པ་དང་། བདེ་བར་བྱ་བ་
D897.100.0186b04.01དང་། ལས་ཀྱི་ལམ་ཡོངས་སུ་སྦྱང་བའི་ཆེད་དུ་སྨྲས་པ་ལེགས་སོ་ལེགས་སོ་ཞེས་བསྔགས་པ་བརྗོད་ནས། ངས་ཀྱང་དེང་ཡེ་ཤེས་ཀྱི་ཕྱག་རྒྱས་བཏབ་ནས། ཁྱོད་བྱམས་པ་ཆེན་པོ་དང་སྙིང་རྗེ་ཆེན་པོ་ལ་སོགས་པའི་སེམས་རྣམ་པ་སྣ་ཚོགས་ལས་གཏན་དུ་ལྡོག་པར་མི་འགྱུར་བར་
D897.100.0186b05.01བྱའོ་ཞེས་བཀའ་སྩལ་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་མངོན་པར་དྲན་ལགས་ཏེ། འདས་པའི་བསྐལ་པ་ཚད་མ་མཆིས་པ་ནས་ཡུམ་ཞེས་བགྱི་བའི་གཟུངས་ཀྱི་ཆོས་ཀྱི་རྣམ་གྲངས་
D897.100.0186b06.01འདི་ཡོངས་སུ་བཟུང་བས་རི་བོ་པོ་ཊ་ལ་ལ་མཆིས་པའི་ཚེ་བདུད་ཀྱི་རྒྱལ་པོས་བདུད་ཀྱི་འཁོར་མང་པོ་དང་འགྲོགས་ནས་བདག་གི་ཆོས་དཀྲུག་ཅིང་། སྔགས་ཀྱི་ཚིག་རྣམས་མངོན་པར་མི་འགྲུབ་པར་བགྱི་བར་བཤམས་པ་ལས། དེའི་ཚེ་བདག་གིས་ཡུམ་ཞེས་བགྱི་བའི་གཟུངས་འདིས་བདུད་མང་པོ་རྣམས་བཏུལ་
D897.100.0186b07.01