完整藏文原文 · 德格版页 当前仅加载第 100 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅིག་ཙམ་དུ་ཡང་རྣམ་པར་གཡེང་བར་མི་བགྱིའོ། །གལ་ཏེ་ཁེ་ལ་གདུ་བས་སླད་རོལ་དུ་གཞན་དག་ལ་ཐ་དད་པའི་མཚན་མ་སྟོན་པར་བགྱིད་ན། སྡིག་པའི་ལས་སྦྱོང་བར་འཚལ་ཡང་དེ་དག་འགྲུབ་པར་མི་འགྱུར་ལགས་སོ། །གལ་ཏེ་ཡང་དག་
D897.100.0193a01.01པའི་ཡོངས་སུ་དང་བ་དང་། ཆོས་ཀྱི་བསམ་པ་གང་ལགས་པ་དེས་བསྒོམ་པར་མི་བགྱིད་ན། བགྱིས་པ་རྣམས་ཆབ་འཚལ་ཞིང་དོན་མ་མཆིས་པར་སྡུག་བསྔལ་སྣ་ཚོགས་མྱོང་བ་ཙམ་དུ་བས་ཀྱི། ནམས་ཀྱང་སྒྲུབ་པ་དག་མངོན་པར་འགྲུབ་པར་མི་འགྱུར་བས་རྟག་
D897.100.0193a02.01པར་ནན་ཏན་བརྩོན་འགྲུས་ཀྱིས་ཚུལ་ཁྲིམས་ཡོངས་སུ་དག་པར་བསྲུངས་ནས་དཀུ་བ་རྣམ་པ་ལྔ་དང་། ཤ་ཆང་འཚལ་བར་མི་བགྱིའོ། །གལ་ཏེ་དབྱེན་ཚིག་དང་། གཡོ་སྒྱུའི་ཚིག་དང་། ཕྲག་དོག་གི་ཚིག་སྨྲ་བར་གྱུར་ཏམ། དཀྱིལ་འཁོར་དང་། ཕྱག་རྒྱ་དང་།
D897.100.0193a03.01རིག་སྔགས་ཀྱི་ཆོ་ག་རྐུ་བའི་ནོངས་པ་འདི་དག་བྱུང་བར་གྱུར་ན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་སྤོང་བར་མཛད་པས། འདི་སྐད་དུ་ངས་ཁྱེད་སྲངས་པ་མ་ཡིན་ཡང་གཟིགས་ཤིང་ཡོངས་སུ་བསྡུ་བའི་འོས་མ་ཡིན་ནོ་ཞེས་གསུང་བར་འགྱུར་ཏེ།
D897.100.0193a04.01བཅོམ་ལྡན་འདས་གང་ཟག་དེ་དག་ནི་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་ཡོངས་སུ་དག་པ་བཤིག་པ་དང་། དཀོན་མཆོག་གསུམ་དང་། ཡང་དག་པའི་ཆོས་དང་། དགེ་བའི་མཚན་ཉིད་ཐམས་ཅད་ལ་སྐུར་ཅིང་འཇིག་པར་བགྱིད་པ་ལགས་
D897.100.0193a05.01པས། དེ་ལྟ་བུའི་གང་ཟག་དེ་དག་ནི་རྟག་པར་ལྷའི་བུའི་བདུད་དང་། འདྲེ་གདོན་ཐམས་ཅད་དང་། མུ་སྟེགས་ཅན་རྣམས་དང་། བྱི་ནཱ་ཡ་ཀ་རྣམས་དང་། ཁམས་གཅིག་ཏུ་བསྡུ་བ་དང་། ལས་གཅིག་ལ་གནས་པ་དང་། གཏན་དུ་སྐྱབས་མ་མཆིས་པར་གྱུར་པ་ལགས་
D897.100.0193a06.01པས། འཕགས་པ་རྣམས་ཀྱིས་ཡོངས་སུ་སྐྱོབ་པར་མི་མཛད་ཅིང་། རྟག་པར་སངས་རྒྱས་དང་། བྱང་ཆུབ་སེམས་དཔའ་དང་། འཕགས་པ་དང་། ལྷ་དང་། དྲང་སྲོང་ཐམས་ཅད་ཀྱིས་དམོད་པར་འགྱུར་བར་རིག་པར་བགྱི་ལགས་སོ། །ལམ་སུན་འབྱིན་ཅིང་
D897.100.0193a07.01