完整藏文原文 · 德格版页 当前仅加载第 100 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
སྡིག་རྣམ་པ་སྣ་ཚོགས་པ་བགྱིས་པས་འཛམ་བུའི་གླིང་གི་ས་ཅི་མཆིས་པ་དེ་དག་ཐམས་ཅད་རྡུལ་ཕྲ་རབ་ཏུ་བགྱིས་ལ། རྡུལ་ཕྲ་རབ་དེ་རེ་རེ་ཡང་བསྐལ་པ་རེ་རེ་ལ་མངོན་པར་བྱུང་བར་གྱུར་ན། གང་ཟག་དེ་དངོས་སྡིག་རྣམ་པ་སྣ་ཚོགས་བགྱིས་པའི་དབང་
D897.100.0204b01.01གིས་བསྐལ་པའི་གྲངས་དེ་སྙེད་ཀྱི་བར་དུ་སེམས་ཅན་དམྱལ་བར་ལྷུང་ནས་སྡུག་བསྔལ་མྱོང་ཞིང་གཏན་དུ་འབྱུང་བའི་དུས་མ་མཆིས་པ་ཞིག་ལགས་ན་ཡང་། རིགས་ཀྱི་བུའམ། རིགས་ཀྱི་བུ་མོ་དེ་དག་གིས་རིང་བསྲེལ་དང་བཅས་པའི་སྐུ་གཟུགས་ཀྱི་སྤྱན་
D897.100.0204b02.01སྔར་ཟླ་བ་དཀར་པོའི་ངོ་ཚེས་{བཅྭ་,བཅོ་}ལྔ་ལ་གདུགས་མཚན་གཅིག་ཟས་བཀུམ་སྟེ་ཕྱག་རྒྱ་མདུད་ནས། རིག་སྔགས་སྟོང་རྩ་བརྒྱད་ཚང་བར་བཟླས་ན་གོང་དུ་བསྟན་པའི་སྡུག་བསྔལ་དེ་དག་ཐམས་ཅད་ཞུ་བྱང་བར་འགྱུར་ཏེ། གལ་ཏེ་བྱང་བར་མི་འགྱུར་རོ་ཞེ་ན།
D897.100.0204b03.01དེ་ལྟ་བུའི་གནས་མ་མཆིས་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་མིག་སྟོང་དང་ལྡན་པས་རྫུ་འཕྲུལ་གྱི་རྐང་པ་ལ་རང་དབང་ཐོབ་པའི་ཕྱག་རྒྱ་ནི་འདི་ལགས་ཏེ། ལངས་ནས་འགྲེང་སྟེ་སྔར་སུག་པ་གཡོན་པས་སུག་པ་རྐང་
D897.100.0204b04.01པ་གཡོན་པའི་མཐེ་བོ་ལ་བཙིར་ནས་ཁུ་ཚུར་བཅངས་པ་བཞིན་དུ་བགྱིའོ། །དེའི་རྗེས་ལ་སུག་པ་ལག་པ་གཡས་པས་གཡོན་པའི་ལག་ངར་གྱི་སྟེང་དུ་བཙིར་ནས་ལུས་པོ་ཆེའི་སྔགས་ལན་བདུན་འདོན་པར་བགྱིས་ན། དཔག་ཚད་བརྒྱ་སྟོང་དུ་མར་མཆི་
D897.100.0204b05.01འཚལ་ནའང་དཀའ་བ་མ་མཆིས་པར་འགྱུར་ལགས་སོ། །སྔགས་འདོན་པའི་ཚེ་སྒྲ་འབྱུང་བར་མི་བགྱིའོ། །དེ་ལ་བྱང་ཆུབ་སེམས་དཔའ་མིག་སྟོང་དང་ལྡན་པས་རྫུ་འཕྲུལ་ལ་རང་དབང་ཐོབ་པའི་ཕྱག་རྒྱ་ནི་འདི་ལགས་ཏེ། སྔར་སུག་པ་ལག་པ་གཡོན་
D897.100.0204b06.01པའི་མཐེ་བོས་མཐེའུ་ཆུང་གི་སེན་མོའི་སྟེང་དུ་རེག་པར་བགྱིའོ། །དེའི་རྗེས་ལ་སུག་པ་ལག་པ་གཡས་པའང་དེ་བཞིན་དུ་བགྱིས་ནས། སོར་མོ་གཞན་གསུམ་ནི་སོ་སོར་ཡན་པར་བསྒྲེང་སྟེ། ལག་ངར་གྱི་ཚིགས་སྦྱར་ནས་སྤྱི་བོའི་སྟེང་དུ་བཞག་སྟེ། ལུས་
D897.100.0204b07.01