完整藏文原文 · 德格版页 当前仅加载第 100 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱི་མཛད་པ་བགྱིས་ནས། ཡང་དག་པའི་སྤྱོད་པ་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་བརྩོན་འགྲུས་དང་། ལྟ་བས་བགྲོད་པའི་ཕྱོགས་དང་། རྣམ་པར་གྲོལ་བའི་ལམ་མངོན་པར་འགྲུབ་པར་བགྱིད་ཅིང་། དེ་དག་དུས་འདི་ནས་
D897.100.0194a01.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བའི་བར་དུ་ནམས་ཀྱང་ལྡོག་པར་མི་འགྱུར་བར་བགྱིད་པས་སོ། །དཀྱིལ་འཁོར་དེ་ཡང་གཙུག་ལག་ཁང་གི་ནང་ངམ། རིའམ། ཆབ་མིག་འབབ་པའམ། ནགས་ཚལ་གྱི་དྲུང་དུ་ཡང་རུང་སྟེ། ཉེ་འཁོར་
D897.100.0194a02.01ཀུན་དུ་ཁྲུ་གང་ཡན་ཆད་ནི་ཤིང་གི་རྩ་བ་དང་། དོག་ས་ངན་པ་དང་། གྱོ་མོ་དང་། གོར་མ་དང་། རུས་པ་ལ་སོགས་པ་ཅི་མཆིས་པ་བརྐོས་ཏེ་བསལ་ནས། དོག་ས་བཟང་པོ་ལས་རྨང་ཁྲུ་གང་ཙམ་དུ་བླངས་ཏེ་བརྡུངས་ནས་མཉམ་པོར་བགྱིས་ལ་བ་ལང་གི་ལྕི་བ་དང་། སྤོས་
D897.100.0194a03.01ཆབ་དོག་ས་སེར་པོ་དང་བསྲེས་ནས་འཇིམ་པ་བགྱིས་ཏེ་ལེགས་པར་བྱུག་ཅིང་ཞལ་ཞལ་བགྱིས་ནས་གླིང་ལྔར་བགོ་བར་བགྱིའོ། །དེ་ལ་དབུས་ཀྱི་གླིང་ནི་ཞེང་དུ་ཁྲུ་གསུམ་ཙམ་དུ་བགྱིས་ཏེ། དབུས་ཁོ་ནར་ཁྲུ་དོ་གྲུ་བཞི་ལྷམ་པར་མཆིས་པའི་རིན་པོ་ཆེའི་འཁོར་ལོ་རྩིབས་
D897.100.0194a04.01བརྒྱ་རྩ་བརྒྱད་དང་ལྡན་པ་ཅིག་བྲི་བར་བྱའོ། །གཞན་ཡང་འཁོར་ལོའི་དབུས་སུ་རིན་པོ་ཆེའི་པདྨ་ཁ་བྱེ་བ་འདབ་མ་སུམ་ཅུ་རྩ་གཉིས་མཆིས་པ་ཁྲུ་གང་བ་ཅིག་བྲི་བར་བགྱིའོ། །གཞན་ཡང་འཁོར་ལོའི་ཐ་མ་འཁོར་བར་འོད་འབར་བ་བྲི་བར་བྱའོ། །དེའི་རྗེས་ལ་གླིང་གི་
D897.100.0194a05.01གྲྭ་བཞིར་པདྨ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པདྨ་རེ་རེའི་སྟེང་དུ་ཡིད་བཞིན་གྱི་ནོར་བུ་རེ་རེ་བྲིས་ནས། ནོར་བུ་བཞི་པོའི་སྟེང་དུ་འོད་འབར་བ་བྲི་བར་བགྱིའོ། །གཞན་ཡང་འདབ་མ་སུམ་ཅུ་རྩ་གཉིས་དང་ལྡན་པའི་པདྨ་དེའི་སྟེང་དུ་བྱང་ཆུབ་སེམས་དཔའ་
D897.100.0194a06.01སྤྱན་རས་གཟིགས་དབང་ཕྱུག་གི་གཟུགས་ཙནྡན་དཀར་པོ་ལས་བགྱིས་པ་ཅིག་གཞག་པར་བགྱིའོ། །དེ་ནས་གླིང་གཉིས་པ་ནི་ཞེང་དུ་ཁྲུ་གང་བར་བགྱིས་ནས། སྔར་གྲྭ་བཞིར་པདྨ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པདྨ་དེ་དག་རེ་རེའི་སྟེང་དུ་རི་རབ་ལྷུན་པོའི་སྟན་རིམ་
D897.100.0194a07.01