完整藏文原文 · 德格版页 当前仅加载第 100 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་མདུན་དུ་རང་གི་སུག་པ་ལག་པ་ལ་སྔགས་འདིས་ལན་བདུན་བསྔགས་ཏེ་སུག་པས་བྱབས་ན་འཚོ་བར་འགྱུར་ལགས་སོ། །གང་དྲན་པ་ཉམས་པའི་མདུན་དུ་གཟུངས་འདི་ལན་སྟོང་རྩ་བརྒྱད་བཟླས་བརྗོད་བགྱིས་ན་ཡང་དག་པའི་དྲན་པ་འཐོབ་པར་འགྱུར་
D897.100.0189b01.01ལགས་སོ། །གང་དག་བཀྲེས་སྐོམ་གྱིས་ཉེན་པའི་མདུན་དུ་དེའི་གདོང་ལ་བལྟས་ནས་གཟུངས་འདི་ལན་སྟོང་རྩ་བརྒྱད་བཟླས་བརྗོད་བགྱིས་ན་བཀྲེས་སྐོམ་གྱིས་ཉེན་པའི་འདུ་ཤེས་ངན་པ་ཐམས་ཅད་རབ་ཏུ་བསལ་བར་འགྱུར་ལགས་སོ། །གང་དག་མཚམས་དགུམ་
D897.100.0189b02.01པར་འཚལ་ན་རྫིང་ཆབ་ཀྱི་ནང་དུ་ཞུགས་ཏེ། ཆོས་བཞིན་དུ་གཟུངས་འདི་ཡོངས་སུ་རྫོགས་པར་བྲིས་ནས་རྒྱལ་མཚན་གྱི་ཁར་བཏགས་ན་དཔག་ཚད་བརྒྱ་ཚུན་ཆད་དུ་གདོན་བགེགས་ཅི་ཡང་མ་མཆིས་ཏེ། མཚམས་བཀུམ་པ་ཉིད་དུ་གྱུར་ནས་ཡོངས་སུ་
D897.100.0189b03.01བསྲུངས་པར་འགྱུར་ལགས་སོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་རྟག་པར་གདུགས་གཅིག་བཞིན་དུ་གཟུངས་འདི་ལན་སྟོང་རྩ་བརྒྱད་འདོན་པར་བགྱིད་ན། གང་ཟག་དེའི་བསོད་ནམས་བརྗོད་ཀྱིས་མི་ལང་བས་རིག་སྔགས་འཛིན་པ་དེ་
D897.100.0189b04.01དག་བཙུན་ཞིང་དབང་ཕྱུག་དང་ལྡན་པར་འགྱུར། གཞན་ཡང་སྐྱེ་བོ་མང་པོ་ཀུན་གྱིས་བྱམས་ཤིང་བསྙེན་བཀུར་བགྱིད་པར་འགྱུར། སྨོན་ལམ་རྣམས་ཡིད་བཞིན་དུ་ཡོངས་སུ་རྫོགས་པར་འགྱུར་ལགས་སོ། །གང་དག་བདུད་གདུལ་བར་འཚལ་ན་ཡུམ་གྱི་
D897.100.0189b05.01གཟུངས་འདི་བཟླས་ཏེ། གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་ནས་སྔགས་འདི་ལན་རེ་བཟླས་ཤིང་ལན་ཅིག་བསྲེག་པ་ལན་བརྒྱ་རྩ་བརྒྱད་ཚང་བར་བགྱིས་ན་ཡོངས་སུ་བསལ་བར་འགྱུར་ལགས་སོ། །གལ་ཏེ་སྐྱེ་བོ་མང་པོ་ཐམས་ཅད་དགའ་བར་འཚལ་
D897.100.0189b06.01ན་རྟག་པར་ལྕང་མའི་ལྕུག་མ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ། གཡར་ཁར་བཅས་ན་ཐམས་ཅད་ཀྱིས་བྱམས་ཤིང་བཀུར་བར་འགྱུར་ལགས་སོ། །གང་དག་བདག་ཉིད་སྤོབས་པ་དང་། ཤེས་རབ་དང་ལྡན་པར་འཚལ་ན་ཤུ་དག་སྲང་གཅིག་ཕྱེ་
D897.100.0189b07.01