完整藏文原文 · 德格版页 当前仅加载第 100 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ཞིང་། དགེ་བའི་སེམས་ཅི་ཡང་མ་མཆིས་པ་མཐོང་བ་དང་། དེའི་ཚེ་བྱང་ཆུབ་སེམས་དཔའ་དེ་ཐབས་ལ་མཁས་པས་ཕན་གདགས་ཤིང་སེམས་ཅན་གདུལ་བའི་ཆེད་དུ་རྫུ་འཕྲུལ་གྱི་མཐུས། དེ་མ་ཐག་ཏུ་ཡུལ་དེ་དག་ཏུ་མཆིས་ནས། མིག་སྟོང་
D897.100.0202b01.01དང་ལག་སྟོང་དང་ལྡན་པས་བདུད་འདུལ་བའི་ལུས་མངོན་པར་བསྟན་ཏེ། ཡུམ་གྱི་གཟུངས་མངོན་པར་འགྲུབ་པའི་ཕྱག་རྒྱ་བགྱིས་པ་དང་། དེའི་ཚེ་སྲིན་པོའི་ཡུལ་གྱི་རྒྱལ་པོ་བདག་གི་ཐད་དུ་མཆིས་ནས་ནོངས་པ་མཐོལ་བཤགས་ཏེ། ཕྱག་བགྱིས་པ་དང་།
D897.100.0202b02.01བདག་གིས་ཀྱང་མངོན་པར་འགྲུབ་པའི་ཕྱག་རྒྱས་བཏབ་པས། དེ་བླ་ན་མ་མཆིས་པའི་ལམ་མངོན་པར་གྲུབ་པར་གྱུར་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་མངོན་པར་འགྲུབ་པའི་ཕྱག་རྒྱ་ནི་འདི་ལགས་ཏེ། འགྲེང་ནས་
D897.100.0202b03.01སུག་པ་རྐང་པ་གཉིས་གཤིབས་ཏེ། སྙིང་གར་ཐལ་མོ་སྦྱར་ཏེ། མཐེའུ་ཆུང་གཉིས་བསྣོལ་མར་བཏང་ཞིང་། གཡོན་པས་གཡས་པ་མནན་ནས་ལུས་པོ་ཆེའི་སྔགས་ལན་ཉི་ཤུ་རྩ་གཅིག་བཟླས་ནས། ཆོ་ག་རྣམ་པ་སྣ་ཚོགས་གང་བགྱིད་ཀྱང་རུང་སྟེ།
D897.100.0202b04.01ཐམས་ཅད་མངོན་པར་འགྲུབ་པར་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འགྲོ་བ་དྲུག་པོ་དག་སྡུག་བསྔལ་གྱི་བགེགས་ལས་ཡོངས་སུ་སྐྱོབ་པའི་འཁོར་ལོའི་ཕྱག་རྒྱ་ནི་འདི་ལགས་ཏེ། འགྲོ་བ་དྲུག་གི་སེམས་ཅན་
D897.100.0202b05.01སྡུག་བསྔལ་ལས་ཡོངས་སུ་སྐྱོབ་པར་འཚལ་ན་འཁོར་ལོའི་ཕྱག་རྒྱ་སྤྱད་པར་བགྱི་སྟེ། འདི་ལྟར་སོར་མོ་བཅུའི་རྩེ་མོ་ཕན་ཚུན་ཕྲད་པར་བགྱི་སྟེ། ལག་ངར་གྱི་ཚིགས་དང་ལག་མཐིལ་ནི་དབྱེ་བར་བགྱིའོ། །སོར་མོ་རྣམས་ཀྱི་བར་ཡང་ཚོན་གང་ཙམ་མཆིས་པར་
D897.100.0202b06.01བགྱིས་ཏེ། འདི་ནི་བྱང་ཆུབ་སེམས་དཔའ་དེ་འགྲོ་བ་དྲུག་པོ་དག་ཏུ་གནས་ནས་སྡུག་བསྔལ་གྱི་བགེགས་ལས་ཡོངས་སུ་འདས་པ་ཞེས་བགྱི་སྟེ། འདི་ལྟར་ཕྱག་རྒྱའ་འཁོར་ལོ་འདིའི་དབང་གིས་ཐམས་ཅད་སྡུག་བསྔལ་དང་བྲལ་བར་གྱུར་པས་སོ། །དེ་ལ་བྱང་
D897.100.0202b07.01