完整藏文原文 · 德格版页 当前仅加载第 100 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
བས། ཡང་ངན་འགྲོ་གསུམ་པོ་དག་གི་རྣམ་པར་སྨིན་པ་མྱོང་བར་མི་འགྱུར་ཞིང་། རྟག་པར་སངས་རྒྱས་ཀྱི་སྤྱན་སྔར་སྐྱེ་བར་འགྱུར་བས་ན་ཡོངས་སུ་འཛིན་པ་དེ་དག་གི་བསོད་ནམས་དང་འབྲས་བུ་རྣམ་པར་སྨིན་པ་ནི་བསམ་གྱིས་མི་ཁྱབ་པར་རིག་པར་
D897.100.0178a01.01བྱའོ། །གཟུངས་འདི་བཟླས་བརྗོད་བྱེད་པའི་ཁ་ནས་ཇི་ཙམ་དུ་ཚིག་ཏུ་བརྗོད་པར་བྱུང་བ་དགེ་ཡང་རུང་། མི་དགེ་ཡང་རུང་སྟེ། ལྷའི་བུའི་བདུད་དང་། མུ་སྟེགས་ཅན་དང་། ལྷ་དང་། ཀླུ་དང་། འདྲེ་སྲིན་ཐམས་ཅད་ཀྱིས་ཐོས་པར་གྱུར་ན་དེ་དག་ཐམས་ཅད་རྣམ་
D897.100.0178a02.01པར་དག་པའི་ཆོས་ཀྱི་དབྱིངས་ཉིད་དུ་འགྱུར་བས། དེ་ལ་སངས་རྒྱས་ཇི་ལྟ་བ་བཞིན་དུ་གུས་པའི་སེམས་བསྐྱེད་ནས་བཀུར་སྟི་དང་། རིམ་གྲོ་བྱེད་པར་འགྱུར་རོ། །གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ནི་སངས་རྒྱས་ཀྱི་སྐུའི་གཏེར་ཉིད་དུ་རིག་པར་བྱ་སྟེ།
D897.100.0178a03.01སངས་རྒྱས་གང་གཱའི་ཀླུང་གི་བྱེ་བ་ཕྲག་དགུ་བཅུ་རྩ་དགུའི་བྱེ་མ་སྙེད་རྣམས་ཀྱིས་ཕངས་ཤིང་གཅེས་པར་མཛད་པའི་ཕྱིར་རོ། །གང་ཟག་དེ་ནི་འོད་ཅན་གྱི་ལུས་ཀྱི་གཏེར་ཡིན་པར་རིག་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱིས་སྣང་བར་མཛད་པའི་
D897.100.0178a04.01ཕྱིར་རོ། །གང་ཟག་དེ་ནི་བྱམས་པ་དང་སྙིང་རྗེའི་གཏེར་ཡིན་པར་ཡང་རིག་པར་བྱ་སྟེ། འདི་ལྟར་གཟུངས་ཀྱིས་སེམས་ཅན་ཡོངས་སུ་སྐྱོབ་པར་བྱེད་པའི་ཕྱིར་རོ། །གང་ཟག་དེ་ནི་དམ་པའི་ཆོས་ཀྱི་སྡེ་སྣོད་ཡིན་པར་རིག་པར་བྱ་སྟེ། གཟུངས་ཀྱི་སྒོ་ཐམས་ཅད་ཀུན་
D897.100.0178a05.01སྡུད་པར་བྱེད་པའི་ཕྱིར་རོ། །གང་ཟག་དེ་ནི་བསམ་གཏན་དང་། ཏིང་ངེ་འཛིན་གྱི་སྡེ་སྣོད་ཡིན་པར་རིག་པར་བྱ་སྟེ། ཏིང་ངེ་འཛིན་བརྒྱ་སྟོང་རྣམས་རྟག་པར་མངོན་སུམ་དུ་འགྱུར་བའི་ཕྱིར་རོ། །གང་ཟག་དེ་ནི་ནམ་མཁའི་མཛོད་ཡིན་པར་རིག་པར་བྱ་སྟེ། རྟག་
D897.100.0178a06.01པར་སྟོང་པ་ཉིད་ཀྱི་ཤེས་རབ་ཀྱིས་སེམས་ཅན་ལ་བལྟ་བའི་ཕྱིར་རོ། །གང་ཟག་དེ་ནི་འཇིགས་པ་མེད་པའི་མཛོད་ཡིན་པར་རིག་པར་བྱ་སྟེ། ལྷ་དང་། ཀླུ་དང་། དགེ་བའི་ལྷ་རྣམས་རྟག་པར་ཡོངས་སུ་སྲུང་བའི་ཕྱིར་རོ། །གང་ཟག་དེ་ནི་དམ་པའི་ཚིག་གི་མཛོད་ཡིན་
D897.100.0178a07.01