完整藏文原文 · 德格版页 当前仅加载第 100 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གསུམ་མཆིས་པ་གསུམ་གསུམ་བྲིས་ནས་བྱང་ཤར་མཚམས་ཀྱི་སྟན་ལ་ནི་དབང་ཕྱུག་ཆེན་པོའི་ལྷ་བྲིའོ། །ཤར་ལྷོ་མཚམས་ཀྱི་སྟན་ལ་ནི་ལྷ་མཐུ་ཆེན་པོ་བྲིའོ། །ལྷོ་ནུབ་མཚམས་ཀྱི་སྟན་ལ་ནི་ཚངས་པ་ཆེན་པོ་བྲིའོ། །ནུབ་བྱང་མཚམས་ཀྱི་སྟན་ལ་ནི་བརྒྱ་བྱིན་བྲི་བར་
D897.100.0194b01.01བྱའོ། །གཞན་ཡང་ངོས་བཞིར་ནི་རིན་པོ་ཆེའི་མེ་ཏོག་དང་། ཕྲེང་བ་བཅུ་དྲུག་བྲི་བར་བགྱིའོ། །དེ་ནས་གླིང་གསུམ་པ་ནི་ཞེང་དུ་ཁྲུ་དོ་པར་བགྱིས་ཏེ་ས་གཞི་སྔོན་པོ་ལ་གསེར་གྱི་ཐིག་བཀྱེ་བ་འབའ་ཞིག་བྲི་བར་བགྱིའོ། །དེ་ནས་གླིང་བཞི་པ་ནི་ཞེང་དུ་ཁྲུ་གང་
D897.100.0194b02.01བར་བགྱིས་ཏེ། ངོས་བཞི་སྤྱི་ལ་བར་ཆད་ཉི་ཤུ་རྩ་བརྒྱད་དུ་བྱས་ནས་བར་ཆད་དུ་མ་བུ་རེ་རེའི་ནང་དུ་ཡང་པདྨ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་{གོ་རིམས་,གོ་རིམ་}བཞིན་དུ་པདྨ་དེ་དག་རེ་རེའི་སྟེང་དུ་ཡང་རྡོ་རྗེ་ཐོ་བ་དང་། རྩེ་གསུམ་པའི་ཕྱག་རྒྱ་དང་། དགྲ་སྟའི་ཕྱག་རྒྱ་དང་།
D897.100.0194b03.01གྲིའི་ཕྱག་རྒྱ་དང་། རལ་གྲིའི་ཕྱག་རྒྱ་དང་། དུང་གི་ཕྱག་རྒྱ་དང་། ཆུ་གྲིའི་ཕྱག་རྒྱ་དང་། ཞགས་པའི་ཕྱག་རྒྱ་དང་། དབྱིག་པ་ཐོགས་པའི་ཕྱག་རྒྱ་དང་། གདུགས་ཀྱི་ཕྱག་རྒྱ་དང་། ཡིད་བཞིན་གྱི་ནོར་བུའི་ཕྱག་རྒྱ་དང་། གཤིན་རྗེའི་དབྱིག་པའི་ཕྱག་རྒྱ་དང་། བྱི་ནཱ་ཡ་
D897.100.0194b04.01ཀའི་ཕྱག་རྒྱ་དང་། མཚོན་ཆའི་ཕྱག་རྒྱ་དང་། འཁོར་ལོའི་ཕྱག་རྒྱ་དང་། སུག་པ་ལག་པ་སྣ་ཚོགས་དང་ལྡན་པའི་ཕྱག་རྒྱ་རྣམས་སོ་སོར་བྲིས་ནས། ཕྱག་རྒྱ་དེ་དག་ཀུན་ལའང་འོད་འབར་བ་དག་བྲི་བར་བགྱིའོ། །གཞན་ཡང་ལྷོ་ཕྱོགས་ཀྱི་ཆབ་སྒོར་བར་ཆད་བགྱིས་
D897.100.0194b05.01པའི་ནང་དུ་ནི་འཐབ་བྲལ་གྱི་ལྷ་བྲིའོ། །ནུབ་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ཆུ་ལྷ་བྲིའོ། །བྱང་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ཀུ་བེ་ར་བྲིའོ། །ཤར་ཕྱོགས་ཀྱི་ཆབ་སྒོར་བར་ཆད་བགྱིས་པའི་ནང་དུ་ནི་ལྷ་གཞོན་ནུ་བྲི་བར་བགྱིའོ། །
D897.100.0194b06.01དེ་ནས་གྲུ་བཞིའི་གནས་སོ་སོར་ནི་རྒྱལ་པོ་ཆེན་པོ་བཞི་ཁྲོ་གཉེར་ཅན་གཡོག་འཁོར་དང་བཅས་པ་བྲི་བར་བགྱིའོ། །དེ་ནས་གླིང་ལྔ་པ་ནི་ཁྲུ་གང་བར་བགྱིས་ཏེ། ངོས་བཞི་ཀུན་དུ་འབྲས་བུའི་ལྗོན་ཤིང་དང་། མེ་ཏོག་གི་ལྗོན་ཤིང་དང་། རིན་པོ་ཆེའི་ལྗོན་ཤིང་རྣམ་པ་སྣ་ཚོགས་
D897.100.0194b07.01