完整藏文原文 · 德格版页 当前仅加载第 100 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
ངང་གིས་རོ་བརྒྱ་དང་ལྡན་པའི་ཟས་སྣོད་ཀུན་གང་བ་འབྱུང་བར་འགྱུར་བས་བླངས་ནས་ཞག་བདུན་གྱི་བར་དུ་བཟའ་བར་བྱ་སྟེ། དེ་ལྟར་ན་འདིའི་མཐུ་སྟོབས་ནི་བསམ་གྱིས་མི་ཁྱབ་པར་རིག་པར་བྱའོ། །ཟས་ཟོས་ཟིན་ནས་མིག་བཙུམས་ཏེ་ས་ར་ཁ་ཞེས་བརྗོད་ནས་ཟས་ཀྱི་ལྷག་མ་ཡང་སྤང་བར་
D897.100.0185b01.01བྱའོ། །ཟས་ཟོས་ཏེ་ལྟོར་མིད་ནས་ཀྱང་མྱུར་དུ་འཇུ་བར་འགྱུར་བས་སྟོབས་དང་ལྡན་ཞིང་བདེ་བ་འཐོབ་པར་འགྱུར། ཐོགས་པ་མེད་པའི་སྤོབས་པ་འཐོབ་པར་འགྱུར་རོ། །ཀུན་དགའ་བོ་ཐོས་པ་འཛིན་པར་འགྱུར་བའི་གཟུངས་ནི་འདི་ཡིན་ཏེ། ན་མོ་བུད་དྷཱ་ཡ། ན་མོ་དྷརྨཱ་ཡ། ན་མཿ
D897.100.0185b02.01སཾ་གྷཱ་ཡ། ན་མཿཨཱ་དན་ནི་ཡ། ཨུག་ཙི་དུ་ཨུག་ཙི་དུ། མ་ཏི་ལ་ལི་ལ། ལ་ལུ་ཏེ་ན་མ་ནི་མི་ཏི་ན་མ་སྭཱ་ཧཱ། གཟུངས་འདི་འཛིན་པས་ཕྱོགས་བཞི་ནས་རྒྱུན་ཆད་པའི་རིའི་རྩེ་མོར་དཀྱིལ་འཁོར་བྱས་ནས་མཚམས་བཅད་དེ་ལུས་བསྲུངས་ནས། ཁར་བའི་ལྷུང་བཟེད་ཆུང་ངུ་ཅིག་ཁྲོན་པའི་
D897.100.0185b03.01ཆུ་གཙང་མས་བཀང་སྟེ་མདུན་དུ་བཞག་ནས་གཟུངས་སྔགས་བཟླས་ནས། གདོན་མི་ཟ་བར་སྐར་མ་གསལ་བ་གཅིག་འོང་བར་འགྱུར་བས། འོད་པའི་ཚེ་འཇིགས་པ་མི་བསྐྱེད་པར་སེམས་བདེ་བར་མཉམ་པར་བཞག་ནས་སེམས་རྩེ་གཅིག་ཏུ་གཟུངས་སྔགས་འདོན་པར་བྱེད་ན།
D897.100.0185b04.01དབང་པོ་རྣོ་ཞིང་ཤེས་རབ་དང་ལྡན་པར་འགྱུར་བས་མི་ཤེས་པ་ཅི་ཡང་མེད་པར་འགྱུར། འཇིག་རྟེན་པའི་ལམ་གྱི་ཆོས་ཀྱང་མི་རྟོགས་པ་ཅི་ཡང་མེད་པར་འགྱུར་རོ། །ཐོས་པ་རྒྱུད་པའི་ཚེ་སྐར་མ་མཆོག་ཏུ་གསལ་བ་གཅིག་ལྷུང་བཟེད་ཀྱི་ཆུའི་ནང་དུ་འོང་བར་འདུ་ཤེས་བསྐྱེད་པར་
D897.100.0185b05.01བྱའོ།། །།བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཐོགས་པ་མི་མངའ་བའི་ཐུགས་རྗེ་ཆེན་པོ་རྒྱ་ཆེར་ཡོངས་སུ་རྫོགས་པའི་གཟུངས། བམ་པོ་གཉིས་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གུས་པས་
D897.100.0185b06.01ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་སྔོན་བསམ་གྱིས་མི་ཁྱབ་པའི་བསོད་ནམས་བསགས་པའི་རྒྱུ་དང་རྐྱེན་གྱིས། དེང་བཅོམ་ལྡན་འདས་ཀྱིས་བདག་ལ་ལུང་བསྟན་པར་མཛད་པ་དང་། བདག་སྙིང་རྗེ་ཆེན་པོ་བསྐྱེད་ནས་
D897.100.0185b07.01