完整藏文原文 · 德格版页 当前仅加载第 100 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
མནན་ནས་མཛུབ་མོའི་སེན་མོ་ནི་རྒྱབ་སྤྲད་པར་བགྱི་སྟེ། རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལྟར་བགྱིས་ན་སྨོན་པ་རྣམས་མངོན་པར་འགྲུབ་ཅིང་གདོན་མི་ཟ་བར་བྱང་ཆུབ་ཀྱི་ལམ་ལས་ལྡོག་པར་མི་འགྱུར་ལགས་སོ། །དེ་ལ་བཅུ་གཅིག་པ་བྱང་ཆུབ་སེམས་དཔའ་མིག་
D897.100.0192b01.01སྟོང་པའི་འགོག་པའི་སྙོམས་པར་འཇུག་པའི་ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་བགྱིས་པ་ལས་མཛུབ་མོ་ལྔ་དྲང་པོར་བསྒྲེང་སྟེ་ཐལ་མོ་དབྱེ་བར་བགྱིའོ། །ཕྱག་རྒྱ་འདི་ནི་བདག་སྔོན་རྒྱུའི་ས་ལ་གནས་པའི་ཚེ་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་
D897.100.0192b02.01རྣམས་ཀྱིས་བདག་ལ་སྩལ་བས། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ལམ་མངོན་སུམ་དུ་གྱུར་པ་ལགས་ཏེ། རིག་སྔགས་ནི་སྔ་མ་ཉིད་བཟླ་བར་བགྱིའོ། །དེ་ལ་བཅུ་གཉིས་པ་བྱང་ཆུབ་སེམས་དཔའ་མིག་སྟོང་དང་ལྡན་པས་སངས་རྒྱས་སྤྱན་
D897.100.0192b03.01འདྲེན་པའི་ཏིང་ངེ་འཛིན་གྱི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མ་བཞིན་དུ་སྙིང་གར་ཐལ་མོ་སྦྱར་ནས་མཛུབ་མོ་གཉིས་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ། ཨོཾ་སརྦ་བུདྡྷ་ས་མ་ཡ། ཨེ་ཧི་ཨེ་ཧི། བྲཧྨ་ཤུདྡྷ་སཏྭ་སྭཱ་ཧཱ། དེ་ལ་བྱང་ཆུབ་སེམས་
D897.100.0192b04.01དཔའ་མིག་སྟོང་ལག་སྟོང་དང་ལྡན་པའི་དཀྱིལ་འཁོར་འདྲི་བའི་ཆོ་ག་ནི་འདི་ལགས་ཏེ། བཅོམ་ལྡན་འདས་རྫུ་འཕྲུལ་ཆེན་པོ་དང་ལྡན་པའི་ཡུམ་གྱི་དཀྱིལ་འཁོར་དང་། རིག་སྔགས་དང་། ཕྱག་རྒྱའི་ཆོས་འདིས་ནི་དུས་ཐ་མའི་དུས་ཀྱི་ཚེ་རིག་སྔགས་འཛིན་པ་རྣམས་དེ་
D897.100.0192b05.01བཞིན་གཤེགས་པའི་རིག་སྔགས་ཀྱི་གཟུངས་སྔགས་ཀྱི་དཀྱིལ་འཁོར་མཉམ་པའི་ཏིང་ངེ་འཛིན་ཐམས་ཅད་མྱུར་དུ་གསལ་བར་མཐོང་བར་འགྱུར་བར་བགྱིད་པས། རིག་སྔགས་འཛིན་པའི་གང་ཟག་གང་ལགས་པ་དེས་རྟག་པར་ངག་བསྡམས་ཏེ། བྲེ་མོའི་གཏམ་
D897.100.0192b06.01རྣམས་སྨྲ་བར་མི་བགྱིའོ། །གཟུངས་ལས་འབྱུང་བའི་རྫུ་འཕྲུལ་དང་། ཏིང་ངེ་འཛིན་དང་། མཚན་མ་ཡ་མཚན་ཅན་རྣམ་པ་སྣ་ཚོགས་གང་ལགས་པ་དེ་དག་མ་བརྟགས་པར་བབ་ཅོལ་དུ་བརྒྱུད་པར་མི་བགྱིའོ། །ཡོངས་སུ་དང་བའི་སེམས་ཀྱིས་དྲན་པ་ཉེ་བར་གཞག་ནས་
D897.100.0192b07.01