完整藏文原文 · 德格版页 当前仅加载第 31 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་ལ་བསླབ་པར་བགྱི་ལགས་སམ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་བསླབ་པར་བགྱི་ལགས་སམ། བཀའ་སྩལ་པ། རབ་འབྱོར་གཟུགས་ལ་དོར་བ་མེད་པ་དང་། བསྣན་པ་མེད་པར་བསླབ་པར་བྱའོ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་དོར་བ་མེད་པ་དང་། བསྣན་པ་མེད་
D10.031.0003b01.01པར་བསླབ་པར་བྱའོ། །གསོལ་པ། བཅོམ་ལྡན་འདས་ཇི་ལྟར་དོར་བ་མ་མཆིས་པ་དང་། བསྣན་པ་མ་མཆིས་པར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་བསླབ་པར་བགྱི་ལགས། བཀའ་སྩལ་པ། རབ་འབྱོར་སྐྱེ་བ་མེད་པ་དང་། འགག་པ་མེད་པར་བསླབ་པར་བྱའོ། །གསོལ་པ།
D10.031.0003b02.01བཅོམ་ལྡན་འདས་ཇི་ལྟར་གཟུགས་ལ་སྐྱེ་བ་མ་མཆིས་པ་དང་། འགག་པ་མ་མཆིས་པར་བསླབ་པར་བགྱི། བཅོམ་ལྡན་འདས་ཇི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྐྱེ་བ་མ་མཆིས་པ་དང་། འགག་པ་མ་མཆིས་པར་བསླབ་པར་བགྱི་ལགས། བཀའ་སྩལ་པ། མངོན་པར་འདུ་བྱ་བ་
D10.031.0003b03.01མེད་པར་ཏེ། འདུ་བྱེད་རྣམས་བསྒོམ་པར་ཡང་མི་བྱ། གཞིག་པར་ཡང་མི་བྱ་བར་བསླབ་པར་བྱའོ། །གསོལ་པ། བཅོམ་ལྡན་འདས་ཇི་ལྟར་མངོན་པར་འདུ་བགྱི་བ་མ་མཆིས་པར་བསླབ་པར་བགྱི་ལགས། བཀའ་སྩལ་པ། རབ་འབྱོར་ཆོས་རྣམས་རང་གི་མཚན་ཉིད་ཀྱིས་སྟོང་པར་
D10.031.0003b04.01མཐོང་བས་མངོན་པར་འདུ་བྱ་བ་མེད་པ་ལ་བསླབ་པར་བྱའོ། །གསོལ་པ། བཅོམ་ལྡན་འདས་ཆོས་ཐམས་ཅད་རང་གི་མཚན་ཉིད་ཀྱིས་སྟོང་པར་ཇི་ལྟར་བསླབ་པར་བགྱི་ལགས། བཀའ་སྩལ་པ། གཟུགས་ནི་གཟུགས་ཀྱིས་སྟོང་པར་བལྟའོ། །ཚོར་བ་ནི་ཚོར་བས་སྟོང་པར་བལྟའོ། །
D10.031.0003b05.01འདུ་ཤེས་ནི་འདུ་ཤེས་ཀྱིས་སྟོང་པར་བལྟའོ། །འདུ་བྱེད་རྣམས་ནི་འདུ་བྱེད་རྣམས་ཀྱིས་སྟོང་པར་བལྟའོ། །རྣམ་པར་ཤེས་པ་ནི་རྣམ་པར་ཤེས་པས་སྟོང་པར་བལྟའོ། །མིག་གི་བར་ནི་མིག་གིས་སྟོང་པར་བལྟའོ། །ཡིད་ཀྱི་བར་ནི་ཡིད་ཀྱིས་སྟོང་པར་བལྟའོ། །ནང་སྟོང་པ་ཉིད་ནི་ནང་
D10.031.0003b06.01སྟོང་པ་ཉིད་ཀྱིས་སྟོང་པར་བལྟའོ། །རང་གི་མཚན་ཉིད་སྟོང་པ་ཉིད་ཀྱི་བར་ནི་རང་གི་མཚན་ཉིད་སྟོང་པ་ཉིད་ཀྱིས་སྟོང་པར་བལྟའོ། །བསམ་གཏན་རྣམས་ནི་བསམ་གཏན་རྣམས་ཀྱིས་སྟོང་པར་བལྟའོ། །འགོག་པའི་སྙོམས་པར་འཇུག་པའི་བར་ནི་འགོག་པའི་སྙོམས་པར་འཇུག་པས་སྟོང་
D10.031.0003b07.01