完整藏文原文 · 德格版页 当前仅加载第 31 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ཆོས་དེ་དག་ནི་ཤིན་ཏུ་སྟོང་པའི་ཕྱིར་ཏེ། སྟོང་པ་ཉིད་ནི་སུ་ལ་ཡང་སྦྱིན་པར་མི་བྱེད། ལེན་པར་ཡང་མི་བྱེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། འདི་ལྟ་སྟེ། ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་ནས་དེ་བཞིན་དུ་
D10.031.0068b01.01སྦྱར་ཏེ། རང་གི་མཚན་ཉིད་སྟོང་པ་ཉིད་ཀྱི་བར་དག་ལ་ད་ལྟར་བསླབ་པར་བྱའོ། །དེ་སྟོང་པ་ཉིད་དེ་དག་ལ་གནས་ནས་སྦྱིན་པ་སྦྱིན་པར་བྱེད་པས་དེའི་སྦྱིན་པའི་ཕ་རོལ་ཏུ་ཕྱིན་པ་རྟག་ཏུ་རྒྱུན་མི་འཆད་པར་ཡོངས་སུ་རྫོགས་པར་འགྱུར་རོ། །དེ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པས་ནང་དང་ཕྱིའི་
D10.031.0068b02.01ཆོས་རྣམས་བཅད་ཅིང་གཏུབས་ཀྱང་། འདི་སྙམ་དུ་སུ་ཞིག་ང་ལ་གཅོད་ཅིང་གཏུབ་པར་བྱེད་སྙམ་དུ་མི་སེམས་སོ། །རབ་འབྱོར་འདི་ལ་ངས་སངས་རྒྱས་ཀྱི་སྤྱན་གྱིས་རྣམ་པར་བལྟས་ན། ཤར་ཕྱོགས་ཀྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན་བྱང་ཆུབ་སེམས་དཔའ་སེམས་
D10.031.0068b03.01དཔའ་ཆེན་པོ་དག་བསམས་བཞིན་དུ་སེམས་ཅན་དམྱལ་བ་ཆེན་པོར་སོང་སྟེ། སེམས་ཅན་དམྱལ་བའི་སྡུག་བསྔལ་དེ་དག་ཞི་བར་བྱས་ནས། ཆོ་འཕྲུལ་རྣམ་པ་གསུམ་པོ་རྫུ་འཕྲུལ་གྱི་ཆོ་འཕྲུལ་དང་། ཀུན་བརྗོད་པའི་ཆོ་འཕྲུལ་དང་། རྗེས་སུ་བསྟན་པའི་ཆོ་འཕྲུལ་གྱིས་སེམས་ཅན་དམྱལ་བ་
D10.031.0068b04.01པའི་སེམས་ཅན་དེ་དག་ལ་ཆོས་སྟོན་ཏེ། དེ་དག་གིས་རྫུ་འཕྲུལ་གྱི་ཆོ་འཕྲུལ་གྱིས་སེམས་ཅན་དམྱལ་བའི་སྡུག་བསྔལ་ཞི་བར་བྱས་ནས་ཀུན་བརྗོད་པའི་ཆོ་འཕྲུལ་དང་། རྗེས་སུ་བསྟན་པའི་ཆོ་འཕྲུལ་གྱིས་ཆོས་སྟོན་པར་བྱེད་པ་དང་། བྱང་ཆུབ་སེམས་དཔའ་དེ་དག་བྱམས་པ་ཆེན་པོ་དང་།
D10.031.0068b05.01སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོས་ཀྱང་ཆོས་སྟོན་པར་བྱེད་པ་དང་། དེ་ནས་སེམས་ཅན་དམྱལ་བ་པའི་སེམས་ཅན་དེ་དག་བྱང་ཆུབ་སེམས་དཔའ་དེ་དག་ལ་སེམས་དད་པར་གྱུར་ནས་སེམས་ཅན་དམྱལ་བ་དེ་དག་ནས་ཐར་བར་འགྱུར་བ་དང་། སེམས་ཅན་དམྱལ་བ་དེ་དག་
D10.031.0068b06.01ནས་ཐེག་པ་གསུམ་པོ་དག་གི་རིམ་གྱིས་སྡུག་བསྔལ་མཐར་བྱེད་པ་དག་མཐོང་ངོ་། །ལྷོ་དང་། ནུབ་དང་། བྱང་དང་། སྟེང་དང་། འོག་དང་། ཕྱོགས་མཚམས་ཀྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་རྣམས་སུ་ཡང་དེ་བཞིན་དུ་སྦྱར་རོ། །རབ་འབྱོར་འདི་ལ་ངས་སངས་རྒྱས་ཀྱི་སྤྱན་གྱིས་
D10.031.0068b07.01