完整藏文原文 · 德格版页 当前仅加载第 31 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་སྙམ་དུ་སེམས་ཏེ། འདི་ལྟར་བདག་ཀྱང་བསམ་གཏན་དང་པོ་ལ་སྙོམས་པར་འཇུག་པར་བྱའོ། །གཞན་དག་ཀྱང་བསམ་གཏན་དང་པོ་ལ་གཟུད་
D10.031.0126b01.01པར་བྱའོ། །དེ་བཞིན་དུ་བསམ་གཏན་བཞི་པའི་བར་དག་ལ་ཡང་གཟུད་ཅིང་དགོད་པར་བྱའོ། །བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་བར་དག་ལ་དགོད་པར་བྱའོ་སྙམ་དུ་སེམས་ཤིང་།
D10.031.0126b02.01དེ་འདི་སྙམ་དུ་དགེ་བའི་རྩ་བ་འདིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེའི་སེམས་ཅན་ཐམས་ཅད་སྦྱིན་པ་གཉིས་དང་མི་འབྲལ་བར་གྱུར་ཅིག །བསམ་གཏན་བཞི་དང་མི་འབྲལ་བར་གྱུར་ཅིག །
D10.031.0126b03.01ཚད་མེད་པ་བཞི་དང་མི་འབྲལ་བར་གྱུར་ཅིག །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་མི་འབྲལ་བར་གྱུར་ཅིག་ཅེས་རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་ཡོངས་སུ་དག་པར་བྱེད་དེ། དེ་ཇི་སྲིད་དུ་བསམ་པ་དེ་དག་ཐམས་ཅད་
D10.031.0126b04.01ཡོངས་སུ་རྫོགས་པར་མ་གྱུར་པ་དེ་སྲིད་ཀྱི་བར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་བྱེད་དེ། དེ་བདག་ཀྱང་དགེ་བའི་ཆོས་ཐམས་ཅད་དང་ལྡན་པ་ཡིན་ལ། སེམས་ཅན་དེ་དག་ཀྱང་དགེ་བའི་ཆོས་རྣམས་དང་ལྡན་པར་བྱེད་དོ། །དེ་
D10.031.0126b05.01བདག་ཀྱང་གཟུགས་བཟང་བ་ཡིན་ལ། སེམས་ཅན་གང་དག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཡོངས་སུ་སྨིན་པར་བྱས་པ་དེ་དག་ཀྱང་གཟུགས་བཟང་བ་ཡིན་ཏེ། དེ་དག་འདི་ལྟ་སྟེ། བསོད་ནམས་ཀྱིས་ཡོངས་སུ་ཟིན་པའི་ཕྱིར་གཟུགས་བཟང་བ་དང་། བལྟ་
D10.031.0126b06.01ན་སྡུག་པ་དང་། མཛེས་པའི་ལུས་དེ་མངོན་པར་སྒྲུབ་པར་བྱེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་ལྟར་སངས་རྒྱས་ཀྱི་ཞིང་ཡོངས་སུ་དག་པར་བྱེད་དེ། ཇི་ནས་ཀྱང་ངན་སོང་གསུམ་པོ་དག་ཏུ་གདགས་པ་ཡང་འབྱུང་བར་མི་འགྱུར་བ་དང་། ལྟ་བའི་
D10.031.0126b07.01