完整藏文原文 · 德格版页 当前仅加载第 31 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ལ་ངོ་བོ་ཉིད་མེད་པ་དེ་ནི་དངོས་པོ་མེད་ལ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ངོ་བོ་ཉིད་མེད་དེ། གང་ལ་ངོ་བོ་ཉིད་མེད་པ་དེ་ལ་དངོས་པོ་མེད་པའི་ཕྱིར་རོ། །དེ་བས་ན་སངས་རྒྱས་རྗེས་སུ་དྲན་པ་ནི་དྲན་པར་བྱ་བ་མ་ཡིན་ཞིང་ཡིད་ལ་བྱ་བ་མ་ཡིན་ནོ། །རབ་
D10.031.0043a01.01འབྱོར་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་སུ་ཡིད་ལ་མི་བྱའོ། །སྐུ་གསེར་གྱི་ཁ་དོག་ཅན་དུ་ཡིད་ལ་མི་བྱའོ། །འོད་འདོམ་གང་བར་ཡིད་ལ་མི་བྱའོ། །དཔེ་བྱད་བཟང་པོ་བརྒྱད་ཅུའི་ཚུལ་གྱིས་ཡིད་ལ་མི་བྱའོ། །དེ་
D10.031.0043a02.01ཅིའི་ཕྱིར་ཞེ་ན། འདི་ལྟར་སྐུ་དེ་ལ་ངོ་བོ་ཉིད་མེད་དེ། གང་ལ་ངོ་བོ་ཉིད་མེད་པ་དེ་ནི་དངོས་པོ་མེད་པའི་ཕྱིར་རོ། །དེ་བས་ན་སངས་རྒྱས་རྗེས་སུ་དྲན་པ་ནི་དྲན་པར་བྱ་བ་མ་ཡིན་ཞིང་ཡིད་ལ་བྱ་བ་མ་ཡིན་ནོ། །རབ་འབྱོར་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་
D10.031.0043a03.01ཚུལ་ཁྲིམས་ཀྱི་ཕུང་པོར་ཡིད་ལ་མི་བྱའོ། །ཏིང་ངེ་འཛིན་ཀྱི་ཕུང་པོར་ཡིད་ལ་མི་བྱའོ། །ཤེས་རབ་ཀྱི་ཕུང་པོར་ཡིད་ལ་མི་བྱའོ། །རྣམ་པར་གྲོལ་བའི་ཕུང་པོར་ཡིད་ལ་མི་བྱའོ། །རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོར་ཡིད་ལ་མི་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ལ་ངོ་བོ་ཉིད་
D10.031.0043a04.01མེད་དེ། གང་ལ་ངོ་བོ་ཉིད་མེད་པ་དེ་ནི་དངོས་པོ་མེད་པའི་ཕྱིར་རོ། །དེ་བས་ན་སངས་རྒྱས་རྗེས་སུ་དྲན་པ་ནི་དྲན་པར་བྱ་བ་མ་ཡིན་ཞིང་ཡིད་ལ་བྱ་བ་མ་ཡིན་ནོ། །རབ་འབྱོར་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་དེ་བཞིན་གཤེགས་པའི་སྟོབས་བཅུར་
D10.031.0043a05.01ཡིད་ལ་མི་བྱའོ། །མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དུ་ཡིད་ལ་མི་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ལ་ངོ་བོ་ཉིད་མེད་དེ། གང་ལ་ངོ་བོ་ཉིད་མེད་པ་དེ་ནི་དངོས་པོ་མེད་པའི་
D10.031.0043a06.01ཕྱིར་རོ། །དེ་བས་ན་སངས་རྒྱས་རྗེས་སུ་དྲན་པ་ནི་དྲན་པར་བྱ་བ་མ་ཡིན་ཞིང་ཡིད་ལ་བྱ་བ་མ་ཡིན་ནོ། །རབ་འབྱོར་གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྟེན་ཅིང་འབྲེལ་པར་འབྱུང་བར་ཡིད་ལ་མི་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ལ་ངོ་བོ་ཉིད་མེད་
D10.031.0043a07.01