完整藏文原文 · 德格版页 当前仅加载第 31 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་དེ་དག་ལ་ནི་སྦྱིན་པས་ཕན་འདོགས་སོ། །གང་དག་ཚུལ་ཁྲིམས་ཀྱིས་ཕན་གདགས་པར་བྱ་བ་དང་། གང་དག་བཟོད་པས་ཕན་གདགས་པར་བྱ་བ་དང་། གང་དག་བརྩོན་འགྲུས་ཀྱིས་ཕན་གདགས་པར་བྱ་བ་དང་། །གང་དག་བསམ་གཏན་གྱིས་ཕན་གདགས་པར་བྱ་བ་དང་། གང་
D10.031.0067a01.01དག་ཤེས་རབ་ཀྱིས་ཕན་གདགས་པར་བྱ་བ་དེ་དག་ལ་ནི་ཤེས་རབ་ཀྱིས་ཕན་འདོགས་སོ། །གང་དག་བསམ་གཏན་དང་པོས་ཕན་གདགས་པར་བྱ་བ་དང་། གང་དག་བསམ་གཏན་གཉིས་པས་ཕན་གདགས་པར་བྱ་བ་དང་། གང་དག་བསམ་གཏན་གསུམ་པས་ཕན་གདགས་པར་བྱ་བ་དང་། གང་དག་བསམ་
D10.031.0067a02.01གཏན་བཞི་པས་ཕན་གདགས་པར་བྱ་བ་དང་། གང་དག་ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པས་ཕན་གདགས་པར་བྱ་བ་དང་། གང་དག་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པའི་བར་གྱིས་ཕན་གདགས་པར་བྱ་བ་དེ་དག་ལ་ནི་འདུ་ཤེས་མེད་འདུ་ཤེས་མེད་
D10.031.0067a03.01མིན་སྐྱེ་མཆེད་ཀྱི་སྙོམས་པར་འཇུག་པས་ཕན་འདོགས་སོ། །གང་དག་བྱམས་པས་ཕན་གདགས་པར་བྱ་བ་དེ་དག་ལ་ནི་བྱམས་པས་ཕན་འདོགས་སོ། །གང་དག་སྙིང་རྗེས་ཕན་གདགས་པར་བྱ་བ་དང་། གང་དག་དགའ་བས་ཕན་གདགས་པར་བྱ་བ་དང་། གང་དག་བཏང་སྙོམས་ཀྱིས་ཕན་
D10.031.0067a04.01གདགས་པར་བྱ་བ་དང་། གང་དག་དྲན་པ་ཉེ་བར་གཞག་པ་བཞིས་ཕན་གདགས་པར་བྱ་བ་དང་། གང་དག་ཡང་དག་པར་སྤོང་བ་བཞིས་ཕན་གདགས་པར་བྱ་བ་དང་། གང་དག་རྫུ་འཕྲུལ་གྱི་རྐང་པ་བཞིས་ཕན་གདགས་པར་བྱ་བ་དང་། གང་དག་དབང་པོ་ལྔས་ཕན་གདགས་པར་བྱ་བ་དང་། གང་དག་
D10.031.0067a05.01སྟོབས་ལྔས་ཕན་གདགས་པར་བྱ་བ་དང་། གང་དག་བྱང་ཆུབ་ཀྱི་ཡན་ལག་བདུན་གྱིས་ཕན་གདགས་པར་བྱ་བ་དང་། གང་དག་འཕགས་པའི་ལམ་ཡན་ལག་བརྒྱད་པས་ཕན་གདགས་པར་བྱ་བ་དང་། གང་དག་སྟོང་པ་ཉིད་ཀྱི་ཏིང་ངེ་འཛིན་གྱིས་ཕན་གདགས་པར་བྱ་བ་དང་། གང་དག་མཚན་
D10.031.0067a06.01མ་མེད་པའི་ཏིང་ངེ་འཛིན་གྱིས་ཕན་གདགས་པར་བྱ་བ་དང་། གང་དག་སྨོན་པ་མེད་པའི་ཏིང་ངེ་འཛིན་གྱིས་ཕན་གདགས་པར་བྱ་བ་དེ་དག་ལ་སྨོན་པ་མེད་པའི་ཏིང་ངེ་འཛིན་གྱིས་ཕན་འདོགས་སོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་
D10.031.0067a07.01