完整藏文原文 · 德格版页 当前仅加载第 31 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པར་བྱ་བ་དང་། མཉན་པར་འོས་ཤིང་མི་འཐུན་པ་མེད་པ་དང་། ཟབ་ཅིང་དབྱངས་རྗེས་སུ་འབྱུང་བ་དང་། མི་ཚུགས་ཤིང་རྣར་སྙན་པ་དང་། མ་འཁྲུགས་ཤིང་གསལ་བའོ། །ཡུན་རིང་པོ་ནས་ཚིག་ཀྱལ་པ་སྤངས་ཤིང་དུས་སུ་སྨྲ་བས་ན་འགྲམ་པ་སེང་གེའི་ལྟ་བུར་གྱུར་ཏེ། དེ་ནི་ཚིག་
D10.031.0079b01.01བཙུན་པའི་སྔ་ལྟས་ཡིན་ནོ། །རིམ་གྲོ་བྱེད་པ་དང་། བརྙས་པ་མེད་པ་དང་། འཚོ་བ་ཡོངས་སུ་དག་པས་ཚེམས་ཤིན་ཏུ་དཀར་བ་དང་། ཚེམས་མཉམ་པར་གྱུར་ཏེ། དེ་གཉིས་ནི་འཁོར་སྔ་ནས་བསགས་པའི་སྔ་ལྟས་ཡིན་ནོ། །ཡུན་རིང་པོ་ནས་བདེན་ཞིང་ཕྲ་མ་མེད་པར་སྤྱད་པས་ན། ཚེམས་
D10.031.0079b02.01ཐགས་བཟང་བ་དང་། ཚེམས་བཞི་བཅུ་མངའ་བར་གྱུར་ཏེ། དེ་གཉིས་ནི་འཁོར་མི་ཕྱེད་པའི་སྔ་ལྟས་ཡིན་ནོ། །ཁྱུད་པ་དང་སྨོད་པར་བྱེད་པ་ལ་ཡང་ཆགས་པ་དང་། སྡང་བ་མེད་ཅིང་རྨོངས་པ་མེད་པའི་མིག་གིས་ངེས་པར་རྟོགས་པས་ན་སྤྱན་མཐོན་ཏིང་དང་། བའི་རྫི་མ་ལྟ་བུར་གྱུར་ཏེ། དེ་གཉིས་
D10.031.0079b03.01ནི་ཀུན་ནས་མཛེས་པའི་སྔ་ལྟས་ཡིན་ནོ། །རབ་འབྱོར་དེ་དག་ནི་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཡིན་ཏེ། དེ་དག་གིས་རང་བཞིན་གྱི་འོད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་། བཞེད་ན་འཇིག་རྟེན་གྱི་ཁམས་གྲངས་མེད་པ་དག་ཀྱང་
D10.031.0079b04.01སྣང་བས་ཁྱབ་པར་མཛད་དོ། །དེ་བཞིན་གཤེགས་པ་སེམས་ཅན་རྣམས་ལ་ཐུགས་བརྩེ་བས་འོད་འདོམ་གང་ཙམ་དུ་བྱིན་གྱིས་རློབ་པར་མཛད་དོ། །གལ་ཏེ་བཅོམ་ལྡན་འདས་ཀྱིས་འོད་འདོམ་གང་བར་བྱིན་གྱིས་མ་བརླབས་སུ་ཟིན་ན། རང་བཞིན་གྱི་འོད་ཀྱིས་ཟིལ་གྱིས་གནོན་པར་གྱུར་པས་ཉི་མ་དང་ཟླ་
D10.031.0079b05.01བ་དག་གི་འོད་ཀྱང་མངོན་པར་མི་འགྱུར་ལ། ཟླ་བ་དང་། ཟླ་བ་ཕྱེད་དང་། དུས་ཚིགས་དང་། ལོ་ཁྱུད་ཁོར་དག་ཀྱང་ཡོད་པར་མི་འགྱུར་རོ། །རང་བཞིན་གྱི་སྒྲ་དབྱངས་ཀྱིས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མངོན་པར་གོ་བར་མཛད་དོ། །བཞེད་ན་གཉིས་དང་། གསུམ་དང་། བཞི་
D10.031.0079b06.01དང་ཇི་སྙེད་དུ་སྣང་བས་ཁྱབ་པར་འགྱུར་བ་དེ་སྙེད་དུ་དབྱངས་ཀྱིས་མངོན་པར་གོ་བར་ཡང་མཛད་དོ། །རབ་འབྱོར་དེ་ལ་དེ་བཞིན་གཤེགས་པའི་དཔེ་བྱད་བཟང་པོ་བརྒྱད་ཅུ་གང་ཞེ་ན་འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ནི་མངོན་པར་འདུ་བྱེད་པ་ཐམས་ཅད་ལ་མ་ཆགས་པའི་ཐུགས་མངའ་བས་ན་སེན་
D10.031.0079b07.01