完整藏文原文 · 德格版页 当前仅加载第 31 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིས་པ་དང་། དེ་བདག་ལ་འདི་སྐད་མཆི་སྟེ། བྲམ་ཟེའི་ཁྱེའུ་འདི་ལ་ཁྲག་དང་། སྙིང་དང་། རུས་པ་དང་། རྐང་སྦྱིན་ནོ། །དེ་ཅིའི་ཕྱིར་ཞེ་ན། ང་ནི་དབུལ་ཏེ་ང་ལ་ནོར་གཞན་ཅི་ཡང་མེད་དོ་ཞེས་མཆིའོ། །བདག་གིས་ཁྱོད་ལ་ནོར་
D10.031.0193a01.01གྱིས་ཅི་ཞིག་བྱ་ཞེས་བགྱིས་པ་དང་། དེ་བདག་ལ་འདི་སྐད་དུ་འདི་ལྟ་སྟེ། ཆོས་འདོད་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མཆོད་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ལ་ཡང་བཀུར་སྟི་བྱའོ་ཞེས་མཆི་ནས། བདག་གིས་
D10.031.0193a02.01དེ་ལ་འདི་སྐད་ཅེས་བགྱིས་ཏེ། རིགས་ཀྱི་བུ་དེས་ཁྱོད་ལ་ཡོན་ཏན་གྱི་རྣམ་པའམ་ཁྱད་པར་ཅི་ཞིག་འབྱུང་བར་འགྱུར། དེ་བདག་ལ་འདི་སྐད་དུ་སངས་རྒྱས་ཀྱི་ཡོན་ཏན་བསམ་གྱིས་མི་ཁྱབ་པ་དང་། སངས་རྒྱས་ཀྱི་ཆོས་དཔག་ཏུ་མེད་པ་རྣམས་རབ་ཏུ་སྟོན་པར་འགྱུར་
D10.031.0193a03.01རོ། །འདི་ལྟ་བུའི་ཆོས་རྣམས་དེ་ལས་འབྱུང་བར་འགྱུར་རོ་ཞེས་མཆི་སྟེ། སངས་རྒྱས་ཀྱི་ཡོན་ཏན་བསམ་གྱིས་མི་ཁྱབ་པ་དེ་དག་ཐོས་ནས། བདག་ཀྱང་དགའ་བ་དང་། རབ་ཏུ་མགུ་བ་ཆེན་པོ་སྐྱེས་ནས། འདི་སྙམ་བགྱིད་དེ། རིགས་ཀྱི་བུ་འདི་ལྟར་འདི་ལྟ་
D10.031.0193a04.01བུའི་གནས་ལ་སྤྲོ་བར་བགྱིད་པ་ནི་ཤིན་ཏུ་དགའ་བ་བགྱིད་པ་སྟེ་ངོ་མཚར་ཏོ། །རིགས་ཀྱི་བུ་འདི་ནི་ཆོས་འདོད་པའི་ཕྱིར་བདག་ཉིད་ཀྱང་ཡོངས་སུ་གཏོང་ན། བདག་ཅག་ལ་ལོངས་སྤྱོད་རྒྱ་ཆེན་པོ་དག་ཡོད་ལ། ཅིའི་ཕྱིར་ཆོས་ལ་མཆོད་པ་མི་བགྱི། འདི་ལྟ་བུའི་གནས་དག་ལ་སྨོན་
D10.031.0193a05.01ལམ་ཅིའི་ཕྱིར་མི་གདབ་སྙམ་ནས། རིགས་ཀྱི་བུ་དེ་ལ་བདག་གིས་འདི་སྐད་ཅེས་བགྱིས་སོ། །རིགས་ཀྱི་བུ་ཁྱོད་བདག་ཉིད་ལ་འདི་ལྟ་བུའི་ན་ཚ་དག་མ་བྱེད་ཅིག །ཁྱོད་འདོད་པ་གང་གིས་འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ལ་བཀུར་སྟི་བྱ་བའི་ནོར་མང་
D10.031.0193a06.01པོ་དེ་དག་ཁྱོད་ལ་སྦྱིན་ནོ། །བདག་ཀྱང་ཁྱོད་ཉིད་དང་འགྲོགས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ག་ལ་བ་དེར་མཆིའོ། །བདག་གིས་ཀྱང་རིགས་ཀྱི་བུ་དེ་ལ་མཆོད་པ་བགྱིའོ། །གང་ཁྱོད་ཀྱིས་ཡོངས་སུ་བརྗོད་པ་འདི་ལྟ་སྟེ། སངས་རྒྱས་ཀྱི་ཆོས་བླ་ན་མེད་
D10.031.0193a07.01