完整藏文原文 · 德格版页 当前仅加载第 31 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཞིང་ཡོངས་སུ་དག་པར་མ་བགྱིས་ལ་སེམས་ཅན་རྣམས་ཡོངས་སུ་སྨིན་པར་མ་བགྱིས་པར་ཡང་རྣམ་པ་ཐམས་ཅད་མཁྱེན་པ་ཉིད་ཐོབ་པར་རྔོ་མི་ཐོགས་ལ། རྣམ་པ་ཐམས་ཅད་མཁྱེན་པ་ཉིད་མ་ཐོབ་པར་ཡང་ཆོས་ཀྱི་འཁོར་ལོ་བསྐོར་བར་རྔོ་མི་ཐོགས་ལགས་སོ། །ཆོས་ཀྱི་འཁོར་ལོ་མ་
D10.031.0034b01.01བསྐོར་བར་ཡང་སེམས་ཅན་རྣམས་རྒྱུན་ཏུ་ཞུགས་པའི་འབྲས་བུ་ལ་དགོད་པར་རྔོ་མི་ཐོགས་ལ། ལན་ཅིག་ཕྱིར་འོང་བའི་འབྲས་བུ་ལ་ཡང་དགོད་པར་རྔོ་མི་ཐོགས། ཕྱིར་མི་འོང་བའི་འབྲས་བུ་ལ་ཡང་དགོད་པར་རྔོ་མི་ཐོགས། དགྲ་བཅོམ་པ་ཉིད་ལ་ཡང་དགོད་པར་ཡང་རྔོ་མི་ཐོགས།
D10.031.0034b02.01རང་བྱང་ཆུབ་ལ་ཡང་དགོད་པར་རྔོ་མི་ཐོགས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དགོད་པར་རྔོ་མི་ཐོགས་ལགས་སོ། །སྦྱིན་པ་ལས་བྱུང་བའི་བསོད་ནམས་བགྱི་བའི་དངོས་པོ་ལ་ཡང་སེམས་ཅན་རྣམས་དགོད་པར་རྔོ་མི་ཐོགས། ཚུལ་ཁྲིམས་ལས་བྱུང་བའི་བསོད་ནམས་བགྱི་
D10.031.0034b03.01བའི་དངོས་པོ་ལ་ཡང་དགོད་པར་རྔོ་མི་ཐོགས། བསྒོམ་པ་ལས་བྱུང་བའི་བསོད་ནམས་བགྱི་བའི་དངོས་པོ་ལ་ཡང་དགོད་པར་རྔོ་མི་ཐོགས་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་དེ་དེ་བཞིན་ནོ། །
D10.031.0034b04.01དེ་དེ་བཞིན་ཏེ། རབ་འབྱོར་ཆོས་ཐམས་ཅད་ནི་མཚན་ཉིད་མེད་དེ། མཚན་ཉིད་ཐ་དད་པ་མ་ཡིན་ལ། མཚན་ཉིད་གཅིག་པ་ཡང་མ་ཡིན་ཏེ། རབ་འབྱོར་མཚན་ཉིད་མེད་པ་ལ་བསྒོམ་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པ་ཡིན་ནོ། །གསོལ་པ།
D10.031.0034b05.01བཅོམ་ལྡན་འདས་ཇི་ལྟར་ན་མཚན་ཉིད་མ་མཆིས་པ་ལ་བསྒོམ་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པ་ལགས། བཀའ་སྩལ་པ། རབ་འབྱོར་ཆོས་ཐམས་ཅད་ལ་བསྒོམ་པ་རྣམ་པར་འཇིག་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པའོ། །གསོལ་པ། བཅོམ་ལྡན་འདས་
D10.031.0034b06.01ཆོས་ཐམས་ཅད་ལ་བསྒོམ་པ་རྣམ་པར་འཇིག་པ་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པ་ལགས། བཀའ་སྩལ་པ། གཟུགས་ལ་བསྒོམ་པ་རྣམ་པར་འཇིག་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་
D10.031.0034b07.01