完整藏文原文 · 德格版页 当前仅加载第 31 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དང་ཕྱིའི་ཆོས་རྣམས་ཀྱང་བཀའ་སྩལ། དེ་བཞིན་དུ་དགེ་བ་དང་། མི་དགེ་བ་དང་། ཟག་པ་དང་བཅས་པ་དང་། ཟག་པ་མ་མཆིས་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། ཐུན་མོང་དང་། ཐུན་མོང་མ་ལགས་པ་དང་། འདུས་བྱས་དང་། འདུས་མ་
D10.031.0008b01.01བྱས་ཀྱི་ཆོས་རྣམས་ཀྱང་བཀའ་སྩལ་ཏེ། རྣམ་པར་དཀྲུགས་པར་མཛད་ན། དེའི་སླད་དུ། བཅོམ་ལྡན་འདས་ཀྱིས་ཆོས་རྣམས་ཀྱི་ཆོས་ཉིད་རྣམ་པར་དཀྲུགས་པར་མ་གྱུར་ལགས་སམ། བཀའ་སྩལ་པ། རབ་འབྱོར་དེ་ནི་མ་ཡིན་ཏེ། ངས་ནི་ཇི་ལྟར་གཞན་དག་གིས་ཁོང་དུ་ཆུད་
D10.031.0008b02.01པར་འགྱུར་ཞེས་མིང་དང་མཚན་མས་ཆོས་རྣམས་ཀྱི་ཆོས་ཉིད་བསྟན་ཏེ། ཆོས་རྣམས་བརྗོད་པར་ཟད་ཀྱི། ཆོས་རྣམས་ཀྱི་ཆོས་ཉིད་རྣམ་པར་དཀྲུགས་པ་ནི་མ་ཡིན་ནོ། །གསོལ་པ། བཅོམ་ལྡན་འདས་གལ་ཏེ་གཞན་དག་གིས་ཁོང་དུ་ཆུད་པར་བགྱི་བའི་སླད་དུ། བཅོམ་ལྡན་
D10.031.0008b03.01འདས་ཀྱིས་མིང་དང་མཚན་མས་ཆོས་རྣམས་ཀྱི་ཆོས་ཉིད་བསྟན་ཏེ། ཆོས་རྣམས་བརྗོད་པ་མཛད་ན། བཅོམ་ལྡན་འདས་མིང་མ་མཆིས་པ་དང་། མཚན་མ་མ་མཆིས་པའི་ཆོས་རྣམས་ཇི་ལྟར་མིང་དང་མཚན་མས་བརྗོད་པ་མཛད་ལགས། བཀའ་སྩལ་པ། རབ་འབྱོར་བརྗོད་པ་ནི་མིང་
D10.031.0008b04.01དང་མཚན་མ་ལ་མངོན་པར་ཞེན་པ་མ་ཡིན་གྱི། རབ་འབྱོར་གཞན་དུ་ན་སྡུག་བསྔལ་ཉིད་བརྗོད་པར་ཟད་དེ། མིང་དང་མཚན་མ་ལ་མངོན་པར་ཞེན་པ་མེད་དོ། །རབ་འབྱོར་དེ་བཞིན་གཤེགས་པ་དང་། དེ་བཞིན་གཤེགས་པའི་ཉན་ཐོས་ནི་མིང་དང་མཚན་མ་ལ་མངོན་པར་ཞེན་པ་མེད་དོ། །
D10.031.0008b05.01རབ་འབྱོར་གལ་ཏེ་མིང་ལ་མིང་མངོན་པར་ཞེན་པར་འགྱུར་རམ། མཚན་མ་ལ་མཚན་མ་མངོན་པར་ཞེན་པར་འགྱུར་ན་ནི། སྟོང་པ་ཉིད་ཀྱང་སྟོང་པ་ཉིད་ལ་མངོན་པར་ཞེན་པར་འགྱུར་ལ། མཚན་མ་མེད་པ་ཡང་མཚན་མ་མེད་པ་ལ་མངོན་པར་ཞེན་པར་འགྱུར། སྨོན་པ་མེད་པ་ཡང་སྨོན་པ་མེད་པ་
D10.031.0008b06.01ལ་མངོན་པར་ཞེན་པར་འགྱུར། དེ་བཞིན་ཉིད་ཀྱང་དེ་བཞིན་ཉིད་ལ་མངོན་པར་ཞེན་པར་འགྱུར། ཡང་དག་པའི་མཐའ་ཡང་ཡང་དག་པའི་མཐའ་ལ་མངོན་པར་ཞེན་པར་འགྱུར། ཆོས་ཀྱི་དབྱིངས་ཀྱང་ཆོས་ཀྱི་དབྱིངས་ལ་མངོན་པར་ཞེན་པར་འགྱུར། འདུས་མ་བྱས་ཀྱང་འདུས་མ་བྱས་ལ་
D10.031.0008b07.01