完整藏文原文 · 德格版页 当前仅加载第 31 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
དག་རྣམ་པར་གྲོལ་བ་ཡེ་ཤེས་མཐོང་བས་བསྡུ་བར་བྱ་བ་དེ་དག་ནི་རྣམ་པར་གྲོལ་བའི་ཡེ་ཤེས་མཐོང་བས་སྡུད་པར་བྱེད་དོ། །གང་དག་རྒྱུན་དུ་ཞུགས་པའི་འབྲས་བུ་ལ་དགོད་པར་བྱ་བ་དེ་དག་ནི་རྒྱུན་དུ་ཞུགས་པའི་འབྲས་བུ་ལ་འགོད་པར་བྱེད་དོ། །གང་དག་ལན་ཅིག་ཕྱིར་
D10.031.0056a01.01འོང་བའི་འབྲས་བུ་ལ་དགོད་པར་བྱ་བ་དང་། གང་དག་ཕྱིར་མི་འོང་བའི་འབྲས་བུ་ལ་དགོད་པར་བྱ་བ་དང་། གང་དག་དགྲ་བཅོམ་པ་ཉིད་ལ་དགོད་པར་བྱ་བ་དང་། གང་དག་རང་བྱང་ཆུབ་ལ་དགོད་པར་བྱ་བ་དང་། གང་དག་བྱང་ཆུབ་ལ་དགོད་པར་བྱ་བ་དེ་དག་ནི་བྱང་ཆུབ་ལ་འགོད་པར་བྱེད་དེ།
D10.031.0056a02.01ཐམས་ཅད་ལ་ཡང་དེ་བཞིན་དུ་སྦྱར་བར་བྱའོ། །དེ་རྫུ་འཕྲུལ་བྱ་བ་རྣམ་པ་དུ་མ་དག་བྱེད་ཅིང་། འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ཏུ་འགྲོ་སྟེ། འདོད་ན་འཇིག་རྟེན་གྱི་ཁམས་དེ་དག་ཏུ་རིན་པོ་ཆེ་ཇི་ལྟ་བུ་འདོད་པ་དེ་ལྟ་བུའི་རིན་པོ་ཆེ་དག་མངོན་པར་སྤྲུལ་ནས་སེམས་ཅན་རྣམས་ཀྱི་
D10.031.0056a03.01བསམ་པ་ཡོངས་སུ་རྫོགས་པར་བྱེད་དེ་སེམས་ཅན་རྣམས་ཀྱི་བསམ་པ་ཡོངས་སུ་རྫོགས་པར་བྱེད་ཅིང་འཇིག་རྟེན་གྱི་ཁམས་ནས་འཇིག་རྟེན་གྱི་ཁམས་སུ་འགྲོའོ། །དེས་འཇིག་རྟེན་གྱི་ཁམས་དེ་དག་མཐོང་ནས་སངས་རྒྱས་ཀྱི་ཞིང་ཡོངས་སུ་འཛིན་པར་བྱེད་དེ། གཞན་འཕྲུལ་དབང་བྱེད་ཀྱི་ལྷ་རྣམས་
D10.031.0056a04.01ཀྱི་ལོངས་སྤྱོད་དང་ཡོངས་སུ་སྤྱོད་པ་ཅི་འདྲ་བ་དག་དང་། སངས་རྒྱས་ཀྱི་ཞིང་གཞན་དག་ན་ཡོངས་སུ་ཚོལ་བ་མེད་པ་གང་ཡིན་པ་དེ་ལྟ་བུའི་ལོངས་སྤྱོད་དང་། ཡོངས་སུ་སྤྱད་པ་དག་ཀྱང་དེར་འབྱུང་བར་འགྱུར་རོ། །དེ་རྣམ་པར་སྨིན་པ་ལས་བྱུང་བའི་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་
D10.031.0056a05.01རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དག་དང་། རྣམ་པར་སྨིན་པ་ལས་བྱུང་བའི་མངོན་པར་ཤེས་པ་རྣམས་དང་། རྣམ་པར་སྨིན་པ་ལས་བྱུང་བའི་བྱང་ཆུབ་ཀྱི་ལམ་གང་ཡིན་པ་དེས་ལམ་གྱི་རྣམ་པ་ཤེས་པ་ཉིད་ལ་སྤྱོད་པ་ན། ཐམས་ཅད་ཀྱི་ཕ་རོལ་ཏུ་ཕྱིན་ནས། རྣམ་པ་ཐམས་
D10.031.0056a06.01ཅད་མཁྱེན་པ་ཉིད་ཐོབ་པར་འགྱུར་རོ། །གལ་ཏེ་ཇི་ཙམ་དུ་གཟུགས་ཡོངས་སུ་མི་འཛིན་ཅིང་། རྣམ་པར་ཤེས་པའི་བར་དང་། ཆོས་ཐམས་ཅད་ཀྱི་བར་དུ་ཡོངས་སུ་མི་འཛིན་ཏེ། དགེ་བའམ། མི་དགེ་བའམ། འཇིག་རྟེན་པའམ། འཇིག་རྟེན་ལས་འདས་པའམ། ཟག་པ་དང་བཅས་པ་
D10.031.0056a07.01