完整藏文原文 · 德格版页 当前仅加载第 31 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་དེ། ཟས་འདོད་པ་རྣམས་ལ་ནི་ཟས་ནས་མིའི་ཡོ་བྱད་གང་ཅི་ཡང་རུང་བའི་བར་དུ་སྦྱིན་པར་བྱེད་དོ། །ནང་གི་ཡན་ལག་དང་ཉིང་ལག་རྣམས་སམ། ཕྱི་རོལ་གྱི་ཆུང་མ་དང་། བུ་དང་། བུ་མོ་དང་། རྒྱལ་སྲིད་རྣམས་བརྒྱན་ཅིང་སློང་བ་རྣམས་ལ་སྦྱིན་པར་བྱེད་དོ། །ལ་ལ་ཞིག་དེར་འོངས་ནས་དེ་ལ་འདི་
D10.031.0049b01.01སྐད་དུ་ཁྱོད་ཀྱི་སྦྱིན་པ་འདི་ལྟ་བུ་བྱིན་ན། འདི་ལྟར་ཕན་པ་མེད་པ་འདིས་ཅི་ཞིག་བྱ་ཞེས་ཟེར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་འདི་སྙམ་དུ་སེམས་ཏེ། སེམས་ཅན་འདི་དག་འདི་སྐད་དུ་ཁྱོད་ཀྱི་སྦྱིན་པ་མི་བརྟན་པ་བྱིན་པ་འདིས་ཅི་ཞིག་བྱ་ཞེས་གཤེ་མོད་
D10.031.0049b02.01ཀྱི། འོན་ཀྱང་བདག་གིས་ནི་སྦྱིན་པ་སྦྱིན་པར་བྱའི་བདག་གིས་སྦྱིན་པ་མི་སྦྱིན་པར་མི་བྱའོ་སྙམ་མོ། །དེས་སྦྱིན་པ་དེ་ཡང་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་དེ། དེས་ཡོངས་སུ་བསྔོ་བ་ན་ཅི་ནས་མཚན་མ་ཡང་ཡང་དག་
D10.031.0049b03.01པར་རྗེས་སུ་མི་མཐོང་བ་དེ་ལྟ་བུའི་ཚུལ་གྱིས་ཡོངས་སུ་སྔོ་བར་བྱེད་དེ། བདག་གིས་ཅི་ཞིག་སྦྱིན་པར་བྱ། གང་ལ་སྦྱིན་པར་བྱ། སུ་ཞིག་སྦྱིན་པར་བྱེད། གང་དུ་ཡོངས་སུ་བསྔོ་བར་བྱ། ཅི་ཞིག་ཡོངས་སུ་བསྔོ་བར་བྱ། གང་གིས་ཡོངས་སུ་བསྔོ་བར་བྱ་བ་དང་། གང་དུ་བྱིན་ནས་བླ་ན་མེད་
D10.031.0049b04.01པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བའི་དངོས་པོ་དེ་ཡང་དེས་ཡང་དག་པར་རྗེས་སུ་མི་མཐོང་ངོ་། །དེ་ཅིའི་ཕྱིར་ཞེ་ན། ནང་སྟོང་པ་ཉིད་ཀྱིས་སྟོང་པ་དང་། ཕྱི་སྟོང་པ་ཉིད་ཀྱིས་སྟོང་པ་དང་། ཕྱི་ནང་སྟོང་པ་ཉིད་ཀྱིས་སྟོང་པ་དང་། སྟོང་པ་ཉིད་སྟོང་པ་ཉིད་ཀྱིས་སྟོང་པ་དང་། དེ་
D10.031.0049b05.01བཞིན་དུ་སྦྱར་ཏེ། རང་གི་མཚན་ཉིད་སྟོང་པ་ཉིད་ཀྱི་བར་གྱིས་སྟོང་པའི་ཕྱིར་རོ། །དེས་གང་དུ་ཡོངས་སུ་བསྔོ་བར་འགྱུར། ཅི་ཞིག་ཡོངས་སུ་བསྔོ་བར་འགྱུར། གང་གིས་ཡོངས་སུ་བསྔོ་བར་འགྱུར་ཞེས་དེ་ལྟར་མཐོང་སྟེ། དེ་ལྟར་ཡོངས་སུ་བསྔོས་ན། ལེགས་པར་ཡོངས་སུ་བསྔོས་པ་ཡིན་ཏེ།
D10.031.0049b06.01དེ་ནི་སེམས་ཅན་རྣམས་ཡོངས་སུ་སྨིན་པར་བྱེད་པ་དང་། སངས་རྒྱས་ཀྱི་ཞིང་ཡོངས་སུ་འཛིན་པ་དང་། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་།
D10.031.0049b07.01