完整藏文原文 · 德格版页 当前仅加载第 31 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲོས་པར་བྱ་བ་མ་ཡིན་པ་སྤྲོས་པར་མི་བྱེད་དོ། །རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱའོ་སྙམ་པའི་བར་དུ་སྤྲོས་པར་བྱ་བ་མ་ཡིན་པ་སྤྲོས་པར་མི་བྱེད་དོ། །དེ་ཅིའི་ཕྱིར་ཞེ་ན། ངོ་བོ་ཉིད་ཀྱིས་ནི་ངོ་བོ་ཉིད་སྤྲོས་པར་མི་བྱེད་ཅིང་། དངོས་པོ་མེད་པས་ཀྱང་དངོས་པོ་སྤྲོས་པར་མི་བྱེད་ལ།
D10.031.0028a01.01ངོ་བོ་ཉིད་དང་། དངོས་པོ་མེད་པ་མ་གཏོགས་པར་ཡང་གང་གིས་སྤྲོས་པར་བྱེད་པ་དང་། གང་སྤྲོས་པར་བྱ་བ་དང་། ཅིས་སྤྲོས་པར་བྱ་བ་དང་། གང་ལ་སྤྲོས་པར་བྱ་བ་གཞན་ཅི་ཡང་མི་དམིགས་ཏེ། རབ་འབྱོར་དེ་བས་ན་གཟུགས་ནས་རྣམ་པར་ཤེས་པའི་བར་དུ་སྤྲོས་པ་མེད་ཅིང་། བྱང་ཆུབ་ཀྱི་བར་དུ་སྤྲོས་
D10.031.0028a02.01པ་མེད་པ་སྟེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་སྤྲོས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱད་པར་བྱའོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་ཐམས་ཅད་སྤྲོས་པ་མ་
D10.031.0028a03.01མཆིས་པར་ཇི་ལྟར་ལྟ་བར་བགྱིད་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་གཟུགས་ནས་རྣམ་པར་ཤེས་པའི་བར་གྱི་ངོ་བོ་ཉིད་མེད་དོ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་ངོ་བོ་ཉིད་མེད་དོ། །གང་ལ་
D10.031.0028a04.01ངོ་བོ་ཉིད་མེད་པ་དེ་ལ་སྤྲོས་པ་མེད་དོ། །རབ་འབྱོར་དེའི་ཕྱིར་ན་གཟུགས་ནས་རྣམ་པར་ཤེས་པའི་བར་དུ་སྤྲོས་པ་མེད་དོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྤྲོས་པ་མེད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་
D10.031.0028a05.01སྤྱོད་པ་ནི་བྱང་ཆུབ་སེམས་དཔའི་སྐྱོན་མེད་པ་ལ་འཇུག་གོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་ཆོས་གང་ལ་ཡང་ངོ་བོ་ཉིད་དམིགས་སུ་མ་མཆིས་ན། ཅི་བྱང་ཆུབ་སེམས་དཔའ་སེམས་དཔའ་
D10.031.0028a06.01ཆེན་པོས་ཉན་ཐོས་ཀྱི་ལམ་འམ། རང་སངས་རྒྱས་ཀྱི་ལམ་འམ། སངས་རྒྱས་ཀྱི་ལམ་འམ། ལམ་གང་གིས་བྱང་ཆུབ་སེམས་དཔའི་སྐྱོན་མ་མཆིས་པ་ལ་འཇུག་པར་འགྱུར་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་
D10.031.0028a07.01