完整藏文原文 · 德格版页 当前仅加载第 31 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་སྒྱུ་མ་དེ་ལ་ནི་གང་ལ་གནས་ནས། ལས་མངོན་པར་འདུ་བགྱིད་པར་འགྱུར་བའི་དངོས་པོ་ཐ་ན་སྐྲའི་རྩེ་མོའི་ཆ་ཤས་བཞག་པ་ཙམ་ཡང་མ་མཆིས་ལགས་ན། དེ་ལ་ལས་གང་མངོན་པར་འདུས་བགྱིས་པས་སེམས་ཅན་དམྱལ་བར་མཆི་བའམ། འདུ་ཤེས་མེད་འདུ་
D10.031.0142b01.01ཤེས་མེད་མིན་སྐྱེ་མཆེད་ཀྱི་བར་དག་ཏུ་མཆི་བར་འགྱུར་བའི་ལས་མངོན་པར་འདུ་བགྱིད་པ་ལྟ་ག་ལ་མཆིས་ལགས། བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། སྒྱུ་མ་དེ་ལ་ལམ་བསྒོམ་པ་གང་ལ་བརྟེན་ནས། ཀུན་ནས་ཉོན་མོངས་པར་ཡང་མི་འགྱུར་ལ། རྣམ་པར་
D10.031.0142b02.01བྱང་བར་ཡང་མི་འགྱུར་བའི་ལམ་བསྒོམ་པ་འགའ་ཞིག་ཡོད་སྙམའམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བཅོམ་ལྡན་འདས་སྒྱུ་མ་དེ་ཉིད་ཀྱང་དངོས་པོ་མ་མཆིས་པ་ལགས་ན། དེ་ལ་ལམ་བསྒོམ་པ་གང་ལ་བརྟེན་ནས། ཀུན་ནས་ཉོན་མོངས་པར་ཡང་མི་
D10.031.0142b03.01འགྱུར་ལ། རྣམ་པར་བྱང་བར་ཡང་མི་འགྱུར་བའི་ལམ་བསྒོམ་པ་ལྟ་ག་ལ་མཆིས་ལགས། བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། དེ་བཞིན་གཤེགས་པའི་སྤྲུལ་པས་སྤྲུལ་པ། གཞན་ཞིག་མངོན་པར་སྤྲུལ་ན། སྤྲུལ་པ་དེ་ལ་ལས་གང་མངོན་པར་འདུས་
D10.031.0142b04.01བྱས་པས་སེམས་ཅན་དམྱལ་བར་འགྲོ་བའམ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དག་ཏུ་འགྲོ་བར་འགྱུར་བའི་ལས་མངོན་པར་འདུ་བྱེད་པ་འགའ་ཞིག་ཡོད་སྙམ་འམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། བཅོམ་ལྡན་འདས་སྤྲུལ་པ་དེ་ཉིད་
D10.031.0142b05.01ཀྱང་དངོས་པོ་མ་མཆིས་པ་ལགས་ན། དེ་ལ་ལས་གང་མངོན་པར་འདུས་བགྱིས་པས་སེམས་ཅན་དམྱལ་བར་མཆི་བའམ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དག་ཏུ་མཆི་བར་འགྱུར་བའི་ལས་མངོན་པར་འདུ་བགྱིད་པ་ལྟ་ག་ལ་མཆིས་ལགས། བཀའ་སྩལ་
D10.031.0142b06.01པ། རབ་འབྱོར་འདི་ཇི་སྙམ་དུ་སེམས། སྤྲུལ་པ་དེ་ལ་ལམ་བསྒོམ་པ་གང་ལ་བརྟེན་ནས། ཀུན་ནས་ཉོན་མོངས་པར་ཡང་མི་འགྱུར་ལ། རྣམ་པར་བྱང་བར་ཡང་མི་འགྱུར་བའི་ལམ་བསྒོམ་པ་འགའ་ཞིག་ཡོད་སྙམ་འམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་
D10.031.0142b07.01