完整藏文原文 · 德格版页 当前仅加载第 31 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྤྱོད་པ་ན། སྦྱིན་པ་གང་སྦྱིན་ཡང་རུང་སྟེ། སྦྱིན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་སྟེ། གཞན་དུ་མ་ཡིན་ནོ། །ཚུལ་ཁྲིམས་གང་སྲུང་བ་དང་། བཟོད་པ་གང་སྒོམ་པ་དང་། བརྩོན་འགྲུས་གང་རྩོམ་པ་དང་། ཏིང་ངེ་འཛིན་གང་ལ་སྙོམས་པར་འཇུག་ཀྱང་རུང་སྟེ། དེ་
D10.031.0048a01.01དག་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་སྟེ། གཞན་དུ་མ་ཡིན་ནོ། །བསམ་གཏན་གང་དག་ལ་སྙོམས་པར་འཇུག་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་སྟེ། གཞན་དུ་མ་ཡིན་ནོ། །ཚད་མེད་པ་གང་དག་ལ་སྙོམས་པར་འཇུག་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་
D10.031.0048a02.01ཕྱིན་པས་ཡོངས་སུ་ཟིན་པ་སྟེ། གཞན་དུ་མ་ཡིན་ནོ། །གཟུགས་མེད་པའི་སྙོམས་པར་འཇུག་པ་གང་དག་ལ་སྙོམས་པར་འཇུག་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་སྟེ། གཞན་དུ་མ་ཡིན་ནོ། །དྲན་པ་ཉེ་བར་གཞག་པ་གང་དག་སྒོམ་པ་ནས། དེ་བཞིན་དུ་སྦྱར་ཏེ། དཔེ་
D10.031.0048a03.01བྱད་བཟང་པོ་བརྒྱད་ཅུའི་བར་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་སྟེ་གཞན་དུ་མ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་
D10.031.0048a04.01ཟིན་པའི་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་གཅིག་གིས་ཕ་རོལ་ཏུ་ཕྱིན་པ་དྲུག་ཇི་ལྟར་ཡོངས་སུ་འཛིན་པ་ལགས། དེ་བཞིན་དུ་དཔེ་བྱད་བཟང་པོ་བརྒྱད་ཅུའི་བར་དུ་ཇི་ལྟར་ཡོངས་སུ་འཛིན་པ་ལགས། བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་
D10.031.0048a05.01དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། སྦྱིན་པ་གང་སྦྱིན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་དེ་ནི་གཉིས་ཀྱི་འདུ་ཤེས་ཅན་དུ་མི་འགྱུར་རོ། །ཚུལ་ཁྲིམས་གང་སྲུང་བ་དེ་ལ་གཉིས་ཀྱི་འདུ་ཤེས་ཅན་དུ་མི་འགྱུར་རོ། །བཟོད་པ་གང་སྒོམ་པ་དེ་ལ་གཉིས་ཀྱི་འདུ་ཤེས་ཅན་
D10.031.0048a06.01དུ་མི་འགྱུར་རོ། །བརྩོན་འགྲུས་གང་རྩོམ་པ་དེ་ལ་གཉིས་ཀྱི་འདུ་ཤེས་ཅན་དུ་མི་འགྱུར་རོ། །ཏིང་ངེ་འཛིན་གང་ལ་སྙོམས་པར་འཇུག་པ་དེ་ལ་གཉིས་ཀྱི་འདུ་ཤེས་ཅན་དུ་མི་འགྱུར་རོ། །དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་མངོན་པར་སྒྲུབ་པ་དེ་ལ་གཉིས་ཀྱི་འདུ་ཤེས་ཅན་དུ་མི་
D10.031.0048a07.01