完整藏文原文 · 德格版页 当前仅加载第 31 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སེམས་ཅན་དམྱལ་བའི་འགྲོ་བ་དང་། དུད་འགྲོའི་འགྲོ་བ་དང་། གཤིན་རྗེའི་འཇིག་རྟེན་གྱི་འགྲོ་བའམ། འགྲོ་བ་གསུམ་པོ་དག་ལས་གང་ཡང་རུང་བ་གཅིག་ཏུ་མཆི་བར་འཚལ་བར་བགྱི་ལགས་སོ། །བཅོམ་ལྡན་འདས་བདག་གིས་ནི་མ་འོངས་པའི་དོགས་པ་འདི་མཐོང་བས་
D10.031.0046a01.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དོན་འདི་ཉིད་ཞུས་པ་ལགས་ཏེ། བཅོམ་ལྡན་འདས་བདག་ནི་ཆོས་དེ་དག་ལ་ཡིད་གཉིས་མི་འཚལ། ཐེ་ཙོམ་མི་འཚལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ། །དེ་དེ་བཞིན་ཏེ།
D10.031.0046a02.01ཁྱོད་ཀྱིས་ཇི་སྐད་སྨྲས་པ་བཞིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བརྒྱད་སྟོང་པ་ལས། མཐར་གྱིས་བྱ་བ་དང་། བསླབ་པ་དང་། བསྒྲུབ་པ་བསྟན་པའི་ལེའུ་ཞེས་བྱ་སྟེ་བདུན་ཅུ་པའོ།། །།དེ་ནས་ཡང་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །
D10.031.0046a03.01བཅོམ་ལྡན་འདས་གལ་ཏེ་ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལགས་ན། བཅོམ་ལྡན་འདས་དོན་ཅི་ཞིག་མཐོང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ཀྱི་དོན་གྱི་སླད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཞུགས་ལགས། བཅོམ་ལྡན་
D10.031.0046a04.01འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་ཐམས་ཅད་དངོས་པོ་མེད་པའི་ངོ་བོ་ཉིད་ཇི་ལྟ་བ་དེ་ཁོ་ན་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་འཇུག་གོ། །དེ་ཅིའི་ཕྱིར་ཞེ་ན། རབ་འབྱོར་དམིགས་པ་ནི་ཐ་ཆད་ཡིན་ཏེ། དམིགས་པའི་
D10.031.0046a05.01འདུ་ཤེས་ཅན་ལ་ནི་ཐོབ་པའང་མེད། མངོན་པར་རྟོགས་པའང་མེད། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མེད་དོ། །གསོལ་པ། བཅོམ་ལྡན་འདས་ཅི་དམིགས་སུ་མ་མཆིས་པ་ལ་འཐོབ་པའམ། མངོན་པར་རྟོགས་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D10.031.0046a06.01མཆིས་ལགས་སམ། བཀའ་སྩལ་པ། རབ་འབྱོར་ཆོས་ཀྱི་དབྱིངས་རྣམ་པར་མི་འཁྲུག་པའི་ཕྱིར་མི་དམིགས་པ་ཉིད་ཐོབ་པ་ཡིན། མི་དམིགས་པ་ཉིད་ཐོབ་པ་མངོན་པར་རྟོགས་པ་ཡིན། མི་དམིགས་པ་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡིན་ནོ། །མི་དམིགས་པ་ཉིད་འཐོབ་
D10.031.0046a07.01