完整藏文原文 · 德格版页 当前仅加载第 40 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་སྤངས་པ་ཡིན་ཏེ། གསུམ་གང་ཞེ་ན། འདི་ལྟ་སྟེ། ནེམ་ནུར་དང་། ཡིད་གཉིས་དང་། ཐེ་ཚོམ་མོ། །རིགས་ཀྱི་བུ་དེ་ནི་བྱང་ཆུབ་སེམས་དཔའ་དད་པས་རྗེས་སུ་འབྲང་བ་ཞེས་བྱ་སྟེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་དད་པ་དང་
D53.040.0166a01.01ལྡན་པ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །དད་པ་ཐེག་པ་མཆོག་ཡིན་ཏེ། །དེས་ནི་འདྲེན་རྣམས་ངེས་པར་བྱུང་། །དེ་ཕྱིར་བློ་གྲོས་ལྡན་པའི་མིས། །དད་པས་རྗེས་འབྲང་ཉིད་ལ་བསྟེན། །འཇིག་
D53.040.0166a02.01རྟེན་དག་ན་དད་པ་མཆོག །དད་ལྡན་རྣམ་པར་ཉམས་པ་མེད། །དེ་ལྟ་བས་ན་མཁས་པའི་མིས། །དད་པས་རྗེས་སུ་འབྲང་བ་བསྟེན། །དད་པ་མེད་པའི་མི་ལ་ནི། །དཀར་པོའི་ཆོས་རྣམས་མི་སྐྱེ་སྟེ། །མེ་ཡིས་ས་བོན་ཚིག་རྣམས་ལ། །མྱུ་གུ་སྔོན་པོ་ཇི་བཞིན་ནོ། །
D53.040.0166a03.01རིགས་ཀྱི་བུ་ཇི་ལྟར་ན་བྱང་ཆུབ་སེམས་དཔའ་ནན་ཏན་སྙིང་པོར་བྱེད་པ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་སྐྲ་དང་། ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་དད་པས་ཁྱིམ་ནས་ཁྱིམ་མེད་པར་ལེགས་པ་ཁོ་ནར་རབ་ཏུ་འབྱུང་ངོ་། །རབ་ཏུ་བྱུང་
D53.040.0166a04.01ནས་ཀྱང་ཉན་ཐོས་ཀྱི་བསླབ་པ་དང་། ཆོ་ག་དང་། སྤྱོད་ཡུལ་དང་། ཀུན་སྤྱོད་པ་དག་ལ་ཡང་སློབ་པར་བྱེད། རང་སངས་རྒྱས་ཀྱི་བསླབ་པ་དང་། ཆོ་ག་དང་། སྤྱོད་ཡུལ་དང་། ཀུན་སྤྱོད་པ་དག་ལ་ཡང་སློབ་པར་བྱེད་དོ། །དེ་དེ་ལྟར་སློབ་པས་ལུས་དང་། ངག་
D53.040.0166a05.01དང་། སེམས་དང་ལྡན་པའི་གནས་ངན་ལེན་དག་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་སྤངས་པ་ཡིན་ནོ། །དེ་ལ་ལུས་དང་ལྡན་པའི་གནས་ངན་ལེན་གང་ཞེ་ན། འདི་ལྟ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། མི་ཚངས་པར་སྤྱོད་པ་
D53.040.0166a06.01དང་། དབྱིག་པ་དང་། མཚོན་ཆ་དང་། བོང་བ་དང་། ལག་པ་དག་གིས་གཞན་ལ་གནོད་པར་བྱེད་པ་དང་། ལག་པ་རྒོད་པ་དང་། རྐང་པ་རྒོད་པ་དང་། རྒྱུག་པ་དང་། དཀྱུ་བ་དང་། མཆོང་བ་དང་། མགྱོགས་པར་འགྲོ་བ་དང་། རྐྱལ་བ་སྟེ། དེ་དག་ནི་ལུས་དང་ལྡན་པའི་
D53.040.0166a07.01