完整藏文原文 · 德格版页 当前仅加载第 40 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རྒྱུད་དེ་ལྟ་བུ་དག་ཉེ་བར་སྟོན་པར་མཛད་དོ། །རིགས་ཀྱི་བུ་གང་གིས་དེ་བཞིན་གཤེགས་པ་སྤྱན་དྲངས་ལ་ཞལ་ཟས་མ་གསོལ་བ་དེ་ཡང་དེ་བཞིན་གཤེགས་པས་ལོག་པར་ལྟུང་བར་མི་འགྱུར་བའི་ཆོས་སུ་ལུང་བསྟན་པའི་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་
D53.040.0180a01.01ཆེ་བའི་བདག་ཉིད་ཀྱི་ཁྱད་པར་ལ་ལྟོས། རིགས་ཀྱི་བུ་གཞན་ཡང་དེ་བཞིན་གཤེགས་པ་དང་ཐབས་ཅིག་ཏུ་དབྱར་ཟླ་བ་གསུམ་གནས་པར་ཁས་བླངས་པའི་དགེ་སློང་ལྔ་བརྒྱ་པོ་གང་དག་ཡིན་པ་དེ་དག་ལས་དགེ་སློང་བཞི་བཅུ་ནི་འདོད་ཆགས་སྤྱོད་པ་དང་། སྡུག་པའི་མཚན་མ་སྤྱོད་པ་ཡིན་པས་གལ་ཏེ་
D53.040.0180a02.01དེའི་ཚེ་ན་དེ་དག་གིས་ཟས་བསོད་པ་དག་ཟོས་པར་གྱུར་ན། འདོད་ཆགས་དང་ལྡན་པའི་རྣམ་པར་རྟོག་པ་ཤིན་ཏུ་ཤས་ཆེན་པོ་དག་སྐྱེ་བར་འགྱུར་བ་ཞིག་ན་དེ་དག་གིས་ཟས་ངན་པ་ཟོས་པ་དེས་འདོད་ཆགས་དང་ལྡན་པའི་རྣམ་པར་རྟོག་པ་དེ་དག་སྲབ་མོར་གྱུར་ནས་དེ་དག་གིས་ཞག་བདུན་གྱིས་དགྲ་
D53.040.0180a03.01བཅོམ་པ་ཉིད་མངོན་དུ་བྱས་སོ། །རིགས་ཀྱི་བུ་དེ་ལྟ་བས་ན་གང་གིས་དེ་བཞིན་གཤེགས་པ་རྣམས་ཀྱིས་གསུངས་པ་ངེས་པར་རྟོགས་པ་དེས་ནི་ལེགས་པ་ཁོ་ནར་ངེས་པར་རྟོགས་པ་ཡིན་ཏེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔས་དགོངས་ཏེ་གསུངས་པ་རྟོགས་པར་བྱ་བ་ལ་མཁས་པ་ཡིན་ནོ།
D53.040.0180a04.01དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །བྱང་ཆུབ་སེམས་དཔའ་སྙིང་རྗེའི་བདག །བཀྲི་དོན་གསུངས་པ་གང་ཡིན་དང་། །ངེས་དོན་གསུངས་པ་གང་ཡིན་པ། །ལེགས་པ་ཁོ་ནར་རྟོགས་པར་བྱེད། །བརྟན་པ་དགོངས་ལ་མཁས་གྱུར་པ། །ཉིང་
D53.040.0180a05.01མཚམས་སྦྱོར་བ་སྤངས་པ་རྣམས། །རྫོགས་པའི་སངས་རྒྱས་གྲགས་ལྡན་གྱིས། །གསུངས་པ་ཁོང་དུ་ཆུད་པ་ཡིན། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་ཉན་ཐོས་དང་། རང་སངས་རྒྱས་དང་ལྡན་པའི་ཐེག་པས་ཡོངས་སུ་མྱ་ངན་ལས་འདའ་བར་མི་འདོད་པ་ཡིན་ཞེ་ན།
D53.040.0180a06.01རིགས་ཀྱི་བུ་འདི་ལ་བྱང་ཆུབ་སེམས་དཔའ་ནི་སེམས་ཅན་དམྱལ་བའི་སྡུག་བསྔལ་དག་གམ། དུད་འགྲོའི་སྡུག་བསྔལ་དག་གམ། {ཡི་དགས་,ཡི་དྭགས་}ཀྱི་སྡུག་བསྔལ་དག་གིས་ཀུན་དུ་གདུངས་ཤིང་ཚ་བར་གྱུར་ཀྱང་ཉན་ཐོས་དང་། རང་སངས་རྒྱས་དང་ལྡན་པའི་ཐེག་པས་མྱ་ངན་ལས་འདའ་བར་འདོད་པ་མི་སྐྱེད་
D53.040.0180a07.01