完整藏文原文 · 德格版页 当前仅加载第 40 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་ངག་རྩུབ་པོ་ནི་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་མི་དགེ་བའི་ལས་ཀྱི་ལམ་དུ་གདགས་པ་མ་མཛད་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། སྡིག་ཅན་དེ་དེ་བཞིན་ནོ། །བདུད་ཀྱིས་གསོལ་པ། བཅོམ་ལྡན་འདས་དེ་ལྟ་ལགས་ན་
D53.040.0182b01.01བཅོམ་ལྡན་འདས་ཆོས་ཀྱི་མངའ་བདག་ཅིའི་སླད་དུ་བདག་ལ་སྡིག་ཅན་ཞེས་བགྱི་བའི་སྒྲས་ཀུན་ཏུ་རྗོད་པར་མཛད་ལགས། བཅོམ་ལྡན་འདས་ཀྱིས་བཀའ་སྩལ་པ། སྡིག་ཅན་དེའི་ཕྱིར་འདི་ནི་སྐྱེས་བུ་མཁས་པ་ལ་ལ་བཤད་པའི་དོན་དཔེས་ཀུན་ཤེས་པར་འགྱུར་བ་དག་ཡོད་པས་དཔེ་ཉོན་
D53.040.0182b02.01ཅིག །སྡིག་ཅན་འདི་ལྟ་སྟེ། དཔེར་ན་ཚོང་དཔོན་ནམ། ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་ལ་བུ་སྡུག་པ། འདོད་པ། དགའ་བ། ཡིད་དུ་འོང་བ། མཐོང་ན་མི་འཐུན་པ་མེད་པ། གཅིག་པུ་ཞིག་བདོག་པར་གྱུར་ཅིང་དེ་ཡང་དེ་དང་འབྲེལ་བའི་འཚོ་བས་འཚོ་བར་
D53.040.0182b03.01འགྱུར་ལ། དེའི་བུ་གཅིག་པ་དེ་ཡང་གདུལ་དཀའ་བ་དང་། བཅོས་དཀའ་བ་དང་། གཡོ་སྒྱུ་ཅན་ཞིག་ཡིན་པར་གྱུར་ནས་ཚོང་དཔོན་ནམ་ཁྱིམ་བདག་དེས་བུ་གཅིག་པ་དེ་འདི་ལྟ་སྟེ། ཉེས་པ་དེ་ལས་བཟློག་པར་བྱ་བའི་ཕྱིར། ལག་པས་ཀྱང་རྡེག་པར་བྱེད། དབྱིག་པ་དང་། ཁུ་ཚུར་དང་།
D53.040.0182b04.01རྡེག་པ་གང་ཡང་རུང་བ་དག་གིས་ཀྱང་རྡེག་པར་བྱེད་ཅིང་ངག་རྩུབ་པོ་དག་གིས་ཀྱང་སྡིགས་པར་བྱེད་ན་སྡིག་ཅན་འདི་ཇི་སྙམ་དུ་སེམས། ཚོང་དཔོན་ནམ་ཁྱིམ་བདག་དེ་བུ་གཅིག་པ་དེ་ལ་ཁྲོ་བ་དང་། འཁྲུག་པ་དང་། སྡང་བ་དང་། རྔམ་པའི་བསམ་པས་རྡེག་པར་བྱེད་པ་ཡིན་སྙམ་འམ། །
D53.040.0182b05.01བདུད་ཀྱིས་གསོལ་པ། བཅོམ་ལྡན་འདས་དེ་ལྟ་མ་ལགས་སོ། བདེ་བར་གཤེགས་པ་དེ་ལྟ་མ་ལགས་ཏེ། བཅོམ་ལྡན་འདས་དེ་ནི་དེ་ལ་སྨན་པར་བགྱི་བའི་སླད་དུ་རྡེག་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། སྡིག་ཅན་དེ་བཞིན་དུ་དེ་བཞིན་གཤེགས་པ་སེམས་ཅན་
D53.040.0182b06.01ཐམས་ཅད་ཀྱི་བསམ་པ་དང་། བག་ལ་ཉལ་མཁྱེན་པ་ཡང་སེམས་ཅན་ངག་རྩུབ་པོས་གདུལ་བ་རྣམས་ནི་ངག་རྩུབ་པོས་འདུལ་བར་མཛད་དོ། །སེམས་ཅན་སྨ་དབབ་པས་འདུལ་བ་རྣམས་ནི་སྨ་དབབ་པས་འདུལ་བར་མཛད་དོ། །སེམས་ཅན་བསྡུ་བས་འདུལ་བ་རྣམས་ནི་བསྡུ་བས་འདུལ་
D53.040.0182b07.01