完整藏文原文 · 德格版页 当前仅加载第 40 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
རྩུབ་བརླང་པ་མ་ཡིན་ལ། །གཡོ་དང་སྒྱུ་ནི་རྣམ་སྤངས་ཤིང་། །སེམས་ཅན་ཀུན་ལ་རབ་དང་བ། །དེ་ནི་བྱང་ཆུབ་སེམས་དཔའ་ཡིན། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་བྱང་ཆུབ་ཀྱི་སེམས་འདོད་པ་ཡིན་ཞེ་ན། རིགས་ཀྱི་བུ་འདི་ལ་བྱང་ཆུབ་སེམས་
D53.040.0168a01.01དཔའ་རིགས་ལ་གནས་ཤིང་བྱང་ཆུབ་ཏུ་སེམས་བསྐྱེད་པའི་ཚེ་དེ་བཞིན་གཤེགས་པ་འམ། དེ་བཞིན་གཤེགས་པའི་ཉན་ཐོས་ཀྱིས་ཡང་དག་པར་བསྐུལ་བ་དང་། ཡང་དག་པར་སྐྱོ་བ་སྐྱེད་པ་དང་། ཡང་དག་པར་འཛིན་དུ་འཇུག་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D53.040.0168a02.01ཏུ་སེམས་སྐྱེད་པར་བྱེད་ན། དེ་ནི་བྱང་ཆུབ་ཀྱི་སེམས་འདོད་པའི་རྒྱུ་དང་པོ་ཡིན་ནོ། །གཞན་ཡང་བྱང་ཆུབ་དང་བྱང་ཆུབ་ཀྱི་སེམས་ཀྱི་བསྔགས་པ་བརྗོད་པ་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་ན་དེ་ནི་བྱང་ཆུབ་ཀྱི་སེམས་འདོད་པའི་རྒྱུ་གཉིས་པ་
D53.040.0168a03.01ཡིན་ནོ། །གཞན་ཡང་སེམས་ཅན་སྐྱོབ་པ་མེད་པ་དང་། སྐྱབས་མེད་པ་དང་། གནས་མེད་པ་དང་། དཔུང་གཉེན་མེད་པ་དང་། གླིང་མེད་པ་དག་མཐོང་ན་བདག་སེམས་ཅན་འདི་དག་གི་སྐྱོབ་པ་དང་། སྐྱབས་དང་། གནས་དང་། དཔུང་གཉེན་དང་། གླིང་དུ་གྱུར་ཅིག་ཅེས་སྙིང་རྗེའི་སེམས་ཉེ་བར་
D53.040.0168a04.01གཞག་ནས་རྒྱུ་དེ་དང་། རྐྱེན་དེ་དང་། གཞི་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་ན་དེ་ནི་བྱང་ཆུབ་ཀྱི་སེམས་འདོད་པའི་རྒྱུ་གསུམ་པ་ཡིན་ནོ། །གཞན་ཡང་དེ་བཞིན་གཤེགས་པའི་སྐུ་རྣམ་པ་ཐམས་ཅད་ཡོངས་སུ་རྫོགས་པ་མཐོང་ན་དགའ་བ་
D53.040.0168a05.01སྐྱེད་པར་བྱེད། མཆོག་ཏུ་དགའ་བ་སྐྱེད་པར་བྱེད། སེམས་ཤིན་ཏུ་སྦྱངས་པ་སྐྱེད་པར་བྱེད། སེམས་སྤྲོ་བ་སྐྱེད་པར་བྱེད་ཅིང་དེ་རྒྱུ་དེ་དང་། རྐྱེན་དེ་དང་། གཞི་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་ན་དེ་ནི་བྱང་ཆུབ་ཀྱི་སེམས་འདོད་པའི་རྒྱུ་བཞི་པ་
D53.040.0168a06.01ཡིན་ནོ། །གཞན་ཡང་དེ་སེམས་ཅན་རྣམས་ལ་ཕན་པ་དང་། བདེ་བ་ཁོ་ནའི་དོན་དུ་སྦྱིན་པ་སྦྱིན་པར་བྱེད། ཚུལ་ཁྲིམས་སྲུང་བར་བྱེད། བཟོད་པ་སྒོམ་པར་བྱེད། བརྩོན་འགྲུས་རྩོམ་པར་བྱེད། བསམ་གཏན་ལ་མཉམ་པར་འཇོག་པར་བྱེད། ཤེས་རབ་སྒོམ་པར་བྱེད་པ་ཡིན་ཏེ། དེ་ལ་ཇི་
D53.040.0168a07.01