完整藏文原文 · 德格版页 当前仅加载第 40 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
དག་འབྱུང་བར་འགྱུར་ཞིང་དེ་ལྟར་དེའི་ཡིད་སྲེད་པའི་རླན་གྱིས་ཡོངས་སུ་བརླན་པས་སྲིད་པར་ཉིང་མཚམས་སྦྱོར་བར་འགྱུར་བ་སྟེ། རིགས་ཀྱི་བུ་མདོར་ན་ཡིད་ཀྱི་ལས་ཀྱི་འཁྲུལ་འཁོར་གྱིས་འཕངས་ནས་འཁོར་བའི་འཁོར་ལོར་ཡོངས་སུ་འཁྱམ་པར་འགྱུར་བ་དེ་ནི་ཡིད་ཀྱི་
D53.040.0167a01.01གནས་ངན་ལེན་ཅེས་བྱའོ། །དེ་དེ་ལྟར་ལུས་དང་། ངག་དང་། སེམས་ཀྱི་གནས་ངན་ལེན་དང་བྲལ་བས་ན་མཁན་པོ་ལ་སྟོན་པའི་འདུ་ཤེས་སྐྱེད་པ་དང་། སློབ་དཔོན་ལ་མཁན་པོའི་འདུ་ཤེས་སྐྱེད་པ་དང་། ཚངས་པ་མཚུངས་པར་སྤྱོད་པ་རྒན་རབས་དང་། བར་མ་དང་། གསར་བུ་རྣམས་
D53.040.0167a02.01ལ་རྗེས་དང་བཅས་པ་དང་། གུས་པ་དང་བཅས་པར་འགྱུར་ཞིང་དེ་གཅིག་པུ་དབེན་པར་གནས་ནས་འདི་སྙམ་དུ་སེམས་ཏེ། འདི་ལྟར་བདག་སེམས་ཅན་ཐམས་ཅད་བསྒྲལ་བའི་ཕྱིར་བརྩོན་པ་དང་། སེམས་ཅན་ཐམས་ཅད་དགྲོལ་བའི་ཕྱིར་བརྩོན་པ་དང་། སེམས་ཅན་ཐམས་ཅད་དུལ་
D53.040.0167a03.01བ་དང་ཞི་བ་ལ་དགོད་པའི་ཕྱིར་བརྩོན་པར་བྱེད་པ་ན་བདག་ཉིད་མ་དུལ་བ་དང་། མ་ཞི་བ་དང་། མ་བསྲུངས་པ་དང་། མ་བཏུལ་བ་ནི་བདག་གི་ཆ་མ་ཡིན་པས་བདག་གིས་ཅི་ནས་ཀྱང་བདག་མཐོང་བ་ཙམ་གྱིས་སེམས་ཅན་རྣམས་འདུལ་བར་འགྱུར་བ་དང་། དེ་བཞིན་གཤེགས་པ་རྣམས་
D53.040.0167a04.01ཀྱི་བཀའ་བཞིན་བྱེད་པར་འགྱུར་བ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་ལ་སོགས་པ་དག་ཡི་རངས་པར་འགྱུར་པ་དེ་ལྟར་བྱ་ཞིང་། དེ་ལྟར་བསྒྲུབ་པར་བྱ། དེ་ལྟར་བརྩོན་འགྲུས་བརྩམ་པར་བྱའོ། །སྙམ་དུ་སེམས་ཏེ། རིགས་ཀྱི་བུ་དེ་ནི་བྱང་ཆུབ་སེམས་དཔའི་ངོ་ཚ་ཤེས་པ་
D53.040.0167a05.01ཡིན་ནོ། །དེ་ཡང་འདི་སྙམ་དུ་སེམས་ཏེ། བདག་ལ་ཁྱིམ་པ་འམ་རབ་ཏུ་བྱུང་བ་འགའ་ཡང་འདི་ལྟ་སྟེ། ཚུལ་ཁྲིམས་ཉམས་པ་ཀུན་དུ་སྤྱོད་པ་འམ། ལྟ་བ་ཉམས་པ་ཀུན་དུ་སྤྱོད་པ་འམ། འཚོ་བ་ཉམས་པ་ཀུན་དུ་སྤྱོད་པ་འམ། ཆོ་ག་ཉམས་པ་ཀུན་དུ་སྤྱོད་པ་འམ། སྤྱོད་ཡུལ་
D53.040.0167a06.01ཉམས་པ་ཀུན་དུ་སྤྱོད་པ་འམ། ཉམས་པ་ཀུན་དུ་སྤྱོད་པ་གང་ཡང་རུང་བ་དག་གིས་ཀུན་དུ་གླེང་བར་མི་འགྱུར་བར་བྱའོ། །སྙམ་དུ་སེམས་ཏེ། དེ་དེ་ལྟར་ཁྲེལ་ཡོད་པར་གྱུར་པ་ན་ཉིན་ལན་གསུམ། མཚན་ལན་གསུམ་ཚུལ་ཁྲིམས་ལ་སོ་སོར་རྟོག་པར་བྱེད་དོ། །དེ་ཚུལ་
D53.040.0167a07.01