完整藏文原文 · 德格版页 当前仅加载第 40 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་འགྲུས་དེས་ཀྱང་རློམ་སེམས་སུ་མི་བྱེད་དོ། །དེ་ལ་ཇི་ལྟར་ན་བསམ་གཏན་ལ་མཉམ་པར་འཇོག་པར་བྱེད་པ་ཡིན་ཞེ་ན། འདོད་ཆགས་དང་བྲལ་བ་ལ་མི་གནས་པ་དང་། འགོག་པ་ལ་མི་གནས་པ་དང་། །རྣམ་པར་སྤངས་པར་ཡོངས་སུ་མ་བསྔོས་པ་དང་། ནང་ལ་
D53.040.0169b01.01མི་གནས་པ་དང་། ཕྱི་རོལ་ལ་མི་གནས་པ་དང་། གཟུགས་ལ་མི་གནས་པ་དང་། ཚོར་བ་ལ་མི་གནས་པ་དང་། འདུ་ཤེས་ལ་མི་གནས་པ་དང་། འདུ་བྱེད་ལ་མི་གནས་པ་དང་། རྣམ་པར་ཤེས་པ་ལ་མི་གནས་པ་དང་། འདོད་པའི་ཁམས་ལ་མི་གནས་པ་དང་།
D53.040.0169b02.01གཟུགས་ཀྱི་ཁམས་ལ་མི་གནས་པ་དང་། གཟུགས་མེད་པའི་ཁམས་ལ་མི་གནས་པ་དང་། སྟོང་པ་ཉིད་ལ་མི་གནས་པ་དང་། མཚན་མ་མེད་པ་ལ་མི་གནས་པ་དང་། སྨོན་པ་མེད་པ་ལ་མི་གནས་པ་དང་། འཇིག་རྟེན་འདི་ལ་མི་གནས་པ་དང་། འཇིག་རྟེན་ཕ་
D53.040.0169b03.01རོལ་ལ་མི་གནས་པ་དང་། གཟུགས་ལ་མི་གནས་པ་དང་། སྒྲ་ལ་མི་གནས་པ་དང་། དྲི་ལ་མི་གནས་པ་དང་། རོ་ལ་མི་གནས་པ་དང་། རེག་ལ་མི་གནས་པ་དང་། ཆོས་ལ་མི་གནས་པ་དང་། སྦྱིན་པ་ལ་མི་གནས་པ་དང་། ཚུལ་ཁྲིམས་ལ་མི་གནས་པ་དང་། བཟོད་
D53.040.0169b04.01པ་ལ་མི་གནས་པ་དང་། བརྩོན་འགྲུས་ལ་མི་གནས་པ་དང་། བསམ་གཏན་ལ་མི་གནས་པ་དང་། ཤེས་རབ་ལ་མི་གནས་པ་ཡིན་ནོ། །རིགས་ཀྱི་བུ་མདོར་ན་ཆགས་པ་ཐམས་ཅད་སྤངས་ནས་མི་གནས་པར་བསམ་གཏན་བྱེད་དེ། དེ་ལྟར་བསམ་གཏན་ལ་བསམ་
D53.040.0169b05.01གཏན་དུ་བྱེད་དོ། །བསམ་གཏན་དེ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་ལ་བསམ་གཏན་དེས་ཀྱང་རློམ་སེམས་སུ་མི་བྱེད་དོ། །རིགས་ཀྱི་བུ་དེ་ལ་ཇི་ལྟར་ན་ཤེས་རབ་སྒོམ་པར་བྱེད་པ་ཡིན་ཞེ་ན་དེ་འདི་སྙམ་དུ་སེམས་ཏེ། སེམས་
D53.040.0169b06.01ཅན་གྱི་ཁམས་མུ་མེད་པ་དག་ཡོངས་སུ་མྱ་ངན་ལས་བཟླས་ཀྱང་སེམས་ཅན་གཅིག་ཀྱང་ཡོངས་སུ་མྱ་ངན་ལས་བཟླས་པ་མེད་དོ། །དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་ཆོས་ཐམས་ཅད་ནི་བདག་མེད་པའོ། །ཆོས་ཐམས་ཅད་ནི་སེམས་ཅན་མེད་པའོ། །
D53.040.0169b07.01