完整藏文原文 · 德格版页 当前仅加载第 40 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། །ཕུང་པོ་སྐྱེ་འཇིག་ཟད་འགྱུར་བར། །ཡང་དག་ཇི་བཞིན་ཤེས་གྱུར་ཀྱང་། །འགྲོ་བ་ཉམ་ཐག་འདི་མཐོང་ནས། །མྱ་ངན་འདའ་བར་མི་འགྲོ་བའི། །ཤེས་རབ་ཆེ་རྣམས་ཕྱག་བྱའི་འོས། །འཇིགས་པ་མེད་རྣམས་ཕྱག་བྱའི་འོས། །སྤྱན་ཡངས་ལྡན་རྣམས་
D53.040.0174b01.01ཕྱག་བྱའི་འོས། །རྒྱལ་བའི་སྲས་རྣམས་ཕྱག་བྱའི་འོས། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ཆོས་ཀྱི་རྗེས་སུ་འཐུན་པའི་ཆོས་ལ་ཞུགས་པ་ཡིན་ནོ། །རིགས་ཀྱི་བུ་དེ་ལ་ཇི་ལྟར་ན་བྱང་ཆུབ་སེམས་དཔའ་ང་རྒྱལ་དང་། ཆེ་བའི་ང་རྒྱལ་དང་བྲལ་བ་ཡིན་ཞེ་ན། རིགས་
D53.040.0174b02.01ཀྱི་བུ་འདི་ལ་ང་རྒྱལ་ཞེས་བྱ་བ་ནི་བདག་ནི་གཞན་དག་དང་། རིགས་དང་། རུས་དང་། གཟུགས་དང་། འགྲོན་བུ་དང་། གསེར་དང་། ནོར་དང་། ཡོ་བྱད་གང་ཡང་རུང་བ་དག་གམ། གླང་པོ་ཆེའི་ཚོགས་སམ། རྟའི་ཚོགས་སམ། ཤིང་རྟའི་ཚོགས་སམ། དཔུང་
D53.040.0174b03.01བུ་ཆུང་གི་ཚོགས་དག་མི་མཚུངས་སོ་སྙམ་དུ་འགྲན་པར་བྱེད་ཅིང་དེ་ལྟར་སེམས་མངོན་པར་མཐོ་བར་བྱེད་པ་གང་ཡིན་པ་སྟེ། དེ་ནི་ང་རྒྱལ་ཞེས་བྱའོ། །ཆེ་བའི་ང་རྒྱལ་ཞེས་བྱ་བ་ནི་བདག་ནི་གཞན་དག་པས་རིགས་དང་། རུས་དང་། གཟུགས་དང་། འགྲོན་བུ་དང་།
D53.040.0174b04.01གསེར་དང་། ནོར་དང་། འབྲུ་ཕུན་སུམ་ཚོགས་པ་དག་གམ། གླང་པོ་ཆེའི་ཚོགས་སམ། རྟའི་ཚོགས་སམ། ཤིང་རྟའི་ཚོགས་སམ། དཔུང་བུ་ཆུང་གི་ཚོགས་དག་གིས་ཁྱད་པར་དུ་འཕགས་པ་ཡིན་ནོ་སྙམ་དུ་སེམས་ལ། དེ་ལྟར་སེམས་ཁེངས་ཤིང་མི་འདུད་
D53.040.0174b05.01པ་གང་ཡིན་པ་སྟེ། དེ་ནི་ཆེ་བའི་ང་རྒྱལ་ཞེས་བྱའོ། །བྱང་ཆུབ་སེམས་དཔའ་ནི་དེ་དག་དང་བྲལ་བས་ན་དེའི་ཕྱིར་ང་རྒྱལ་དང་། ཆེ་བའི་ང་རྒྱལ་དང་བྲལ་བ་ཞེས་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །
D53.040.0174b06.01ང་རྒྱལ་ཆེ་བའི་ང་རྒྱལ་བྲལ་ཞིང་རྟག་ཏུ་བྱམས་པའི་སེམས། །སྙིང་རྗེའི་ཡིད་དང་ལྡན་ཞིང་འགྲོ་བ་དག་ལ་བག་ཡོད་པའི། །སེམས་དཔའ་གཙོ་བོ་ཡངས་པ་འདི་ན་བསོད་སྙོམས་སྤྱོད་བྱེད་ཅིང་། །ལྷ་དང་མི་རྣམས་དག་ལ་ཕན་པ་རྗོད་པར་བྱེད་པ་ཡིན།། །།
D53.040.0174b07.01