完整藏文原文 · 德格版页 当前仅加载第 40 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྗེས་སུ་ལྟ་ཞིང་གཟུགས་ལ་འདོད་ཆགས་དང་བྲལ་བའི་ཕྱིར་ཆོས་ཀྱི་དབྱིངས་མངོན་སུམ་དུ་མི་བྱེད་པར་ཆོས་ཀྱི་དབྱིངས་ཀྱི་འཁོར་གྱི་ཆོས་རྣམས་ཡང་དག་པའི་ཤེས་རབ་ཀྱིས་ལེགས་པར་རྟོགས་པར་བྱེད་ཅིང་དེ་དག་གི་མཚན་མ་རྣམས་
D53.040.0172a01.01དང་། ལེགས་པར་བཤད་པ་རྣམས་དང་། ལེགས་པར་མཚན་བཏབ་པ་རྣམས་ལེགས་པར་ཟིན་པར་བྱེད་ལ་མཚན་མ་དང་ལེགས་པར་བཤད་པ་དང་། ལེགས་པར་མཚན་བཏབ་པ་ལེགས་པར་བཟུང་བ་དེ་དག་ལ་དེའི་ཆོས་ཀྱི་དབྱིངས་ཀྱི་ལམ་རྩོལ་བ་མེད་པ་
D53.040.0172a02.01ཁོ་ནར་འཇུག་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་མི་རྟག་གོ་ཞེས་ཡང་དག་པར་རྗེས་སུ་ལྟ་ཞིང་རྣམ་པར་ཤེས་པ་ལ་འདོད་ཆགས་དང་བྲལ་བའི་ཕྱིར་ཆོས་ཀྱི་དབྱིངས་མངོན་སུམ་དུ་མི་བྱེད་པར་ཆོས་ཀྱི་དབྱིངས་
D53.040.0172a03.01ཀྱི་འཁོར་གྱི་ཆོས་རྣམས་ཡང་དག་པའི་ཤེས་རབ་ཀྱིས་ལེགས་པར་རྟོགས་པར་བྱེད་ཅིང་དེ་དག་གི་མཚན་མ་དང་། ལེགས་པར་བཤད་པ་དང་། ལེགས་པར་མཚན་བཏབ་པ་དེ་དག་ལེགས་པར་ཟིན་པར་བྱེད་ལ་མཚན་མ་དང་། ལེགས་པར་བཤད་པ་དང་།
D53.040.0172a04.01ལེགས་པར་མཚན་བཏབ་པ་ལེགས་པར་བཟུང་བ་དེ་དག་ལ་དེའི་ཆོས་ཀྱི་དབྱིངས་ཀྱི་ལམ་རྩོལ་བ་མེད་པ་ཁོ་ནར་འཇུག་པ་དང་། མི་རྟག་པ་ལ་ཇི་ལྟ་བ་བཞིན་དུ་སྡུག་བསྔལ་བ་དང་། སྟོང་པ་དང་། བདག་མེད་པ་ལ་ཡང་དེ་བཞིན་ཏེ། དེ་གཟུགས་བདག་མེད་
D53.040.0172a05.01དོ་ཞེས་ཡང་དག་པར་རྗེས་སུ་ལྟ་ཞིང་གཟུགས་བདག་མེད་དོ། །ཞེས་ཡང་དག་པར་རྗེས་སུ་ལྟ་བ་ན་གཟུགས་ཀྱིས་མི་སྐྲག་མི་དངང་ཞིང་དངང་བར་མི་འགྱུར་རོ། །དེ་ཅིའི་ཕྱིར་ཞེ་ན། གཟུགས་ནི་ཡང་དག་པ་མ་ཡིན་པའི་ཡོངས་སུ་རྟོག་པས་ཀུན་ནས་
D53.040.0172a06.01བསླང་བ་ཡིན་ལ། དེས་དེ་ཡང་དག་པ་ཇི་ལྟ་བ་བཞིན་དུ་ཤེས་པའི་ཕྱིར་རོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་བདག་མེད་དོ་ཞེས་བྱ་བར་ཡང་དག་པར་རྗེས་སུ་ལྟ་ཞིང་རྣམ་པར་ཤེས་པ་བདག་མེད་དོ། །ཞེས་
D53.040.0172a07.01