完整藏文原文 · 德格版页 当前仅加载第 40 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མཛད་དོ། །སེམས་ཅན་གཟུགས་ཀྱིས་འདུལ་བ་རྣམས་ནི་གཟུགས་ཀྱིས་འདུལ་བར་མཛད་དོ། །སེམས་ཅན་སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱིས་འདུལ་བ་རྣམས་ནི་སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱིས་འདུལ་བར་མཛད་དོ། །དེ་
D53.040.0183a01.01ནས་བདུད་སྡིག་ཅན་དགའ་བ་དང་། མགུ་བ་དང་། ཡི་རངས་པ་དང་། མཆོག་ཏུ་ཡི་རངས་པ་དང་། རབ་ཏུ་དགའ་བ་དང་། དགའ་བ་དང་། ཡིད་བདེ་བ་སྐྱེས་ནས་ཡང་བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D53.040.0183a02.01གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ཡང་རུང་བ་ན་ཆོས་ཀྱི་རྣམ་གྲངས་འདི་ཀློག་གམ། འཆང་བ་དེར་བདག་ཀྱང་ཆོས་མཉན་པ་དང་། ཆོས་ཀྱི་རྣམ་གྲངས་འདི་བསྲུང་ཞིང་བསྐྱབ་པ་དང་། སྦ་བ་དང་། ཆོས་སྨྲ་བ་དེ་ལ་ཡང་སྨན་གདགས་
D53.040.0183a03.01པའི་སླད་དུ་མཆི་བར་བགྱི་ལགས་སོ། །དེ་ལ་སྔ་ལྟས་ནི་འདི་དག་ལགས་པར་རིག་པར་བགྱི་སྟེ། དེའི་འཁོར་ཞི་བ་དང་། གཉིད་དང་རྨུགས་པ་དང་བྲལ་བ་དང་། དེ་ལ་ཆོས་ཉན་པ་རྒྱ་ཆེན་པོ་རྒྱ་ཆེན་པོ་དག་འབྱུང་བར་འགྱུར་བ་དང་། འཛིན་པ་དང་། འཆང་བ་དང་། ཀློག་པ་དང་། འཆད་པ་
D53.040.0183a04.01དག་གིས་དེའི་ལུས་དུབ་པར་མི་འགྱུར་བ་དང་། སེམས་ཀྱང་དུབ་པར་མི་འགྱུར་བ་དང་། ཇི་ལྟ་ཇི་ལྟར་ཆོས་ཀྱི་རྣམ་གྲངས་འདི་ཀློག་པ་དང་། སྟོན་པ་དང་། གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་པར་བགྱིད་པ་དེ་ལྟ་དེ་ལྟར་དེའི་སེམས་དགའ་བ་དང་། མཆོག་ཏུ་དགའ་བ་དང་། གཟེང་
D53.040.0183a05.01མཐོ་བ་ཉིད་དུ་ཡང་འགྱུར་ལགས་སོ། །དེ་ནས་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་གང་དག་འཁོར་དེར་འདུས་པར་གྱུར་པ་དེ་དག་གིས་བདུད་ཀྱིས་བཤད་པ་འདི་ཐོས་ནས་དེ་བཞིན་གཤེགས་པ་ལ་དང་བ་དང་། དགའ་བ་དང་། མཆོག་ཏུ་དགའ་བ་ཐོབ་པར་གྱུར་ཏོ། །དེ་ནས་བཅོམ་
D53.040.0183a06.01ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱུ་གང་དང་། རྐྱེན་གང་གིས་ཆོས་ཀྱི་རྣམ་གྲངས་འདི་བཤད་པ་ལ་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་འདི་དག་གིས་དང་བ་དང་དགའ་བ་དང་། མཆོག་ཏུ་དགའ་བ་ཐོབ་པར་གྱུར་ལགས། བཅོམ་
D53.040.0183a07.01