完整藏文原文 · 德格版页 当前仅加载第 40 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
པོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་ཉན་ཐོས་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ཉན་ཐོས་རྣམས་བླ་ན་མེད་པ་ཡང་དག་
D53.040.0175b01.01པར་རྫོགས་པའི་བྱང་ཆུབ་ཏུ་ལུང་བསྟན་པ་གང་ཡིན་པ་དེ་ནི་རིགས་ལས་བརྟགས་ཏེ་ལུང་བསྟན་ཏོ། །གསོལ་པ་བཅོམ་ལྡན་འདས་ཉན་ཐོས་ཟག་པ་ཟད་པ། སྲིད་པར་ཀུན་དུ་སྦྱོར་བ་ཡང་དག་པར་རྒྱུན་ཆད་པ་དག་ལ་རིགས་མཆིས་སུ་ལགས་ཀྱང་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་
D53.040.0175b02.01ཆུབ་མངོན་པར་རྫོགས་པར་འཚང་རྒྱ་བར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེའི་ཕྱིར་དཔེ་ཉོན་ཅིག་རིགས་ཀྱི་བུ་འདི་ལྟ་སྟེ། དཔེར་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཞིག་ལ་བུ་ཞིག་བདོག་པར་གྱུར་ལ་དེ་ཡང་བཟོའི་གནས་ཐམས་ཅད་སློབ་པར་
D53.040.0175b03.01བྱེད་ཅིང་དེ་དབང་པོ་རྟུལ་ལ་དབང་པོ་མི་རྣོ་བ་ཞིག་ཡིན་པས་དེ་ཕྱིས་བསླབ་པར་བྱ་བ་གང་ཡིན་པ་དེ་ནི་སྔར་སློབ་པར་བྱེད་ལ། །སྔར་བསླབ་པར་བྱ་བ་གང་ཡིན་པ་དེ་ནི་ཕྱིས་སློབ་པར་བྱེད་ན་རིགས་ཀྱི་བུ་འདི་ཇི་སྙམ་དུ་སེམས། དེ་གཞི་དེས་རྒྱལ་པོའི་བུ་མ་ཡིན་ནོ། །ཞེས་བརྗོད་པར་བྱ་བ་ཡིན་སྙམ་འམ།
D53.040.0175b04.01གསོལ་པ་བཅོམ་ལྡན་འདས་དེ་ནི་མ་ལགས་སོ། །བདེ་བར་གཤེགས་པ་དེ་ནི་མ་ལགས་ཏེ། དེ་ནི་རྒྱལ་པོའི་བུ་ཞེས་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་དུ་རིགས་དང་ལྡན་པའི་བྱང་ཆུབ་སེམས་དཔའ་དབང་པོ་རྟུལ་པོ་ཡང་སྒོམ་པའི་ལམ་གྱིས་སྔར་
D53.040.0175b05.01ཉོན་མོངས་པ་རྣམས་ཟད་པར་བྱེད་ཅིང་ཕྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱེད་ན་རིགས་ཀྱི་བུ་འདི་ཇི་སྙམ་དུ་སེམས། དེ་གཞི་དེས་མངོན་པར་རྫོགས་པར་འཚང་མི་རྒྱའོ་ཞེས་བྱ་སྙམ་འམ། གསོལ་པ། བཅོམ་ལྡན་འདས་བདག་གིས་གང་འདོད་
D53.040.0175b06.01ཆེན་པ་མ་གཏོགས་པར་མངོན་པར་རྫོགས་པར་འཚང་མི་རྒྱའོ། །ཞེས་དེ་སྐད་མཆི་བའི་སེམས་ཅན་དེ་དག་ནི་ལྷ་དང་བཅས་པ་དང་། བདུད་དང་བཅས་པ་དང་། དགེ་སྦྱོང་དང་། བྲམ་ཟེར་བཅས་པའི་སྐྱེ་དགུ་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་ཡང་དག་པར་རྗེས་སུ་མ་
D53.040.0175b07.01