完整藏文原文 · 德格版页 当前仅加载第 40 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་བྱང་ཆུབ་ཏུ་ངེས་པར་འགྱུར་བ་དེ་ལྟ་དེ་ལྟར་ཆོས་བསྟན་ཏོ། །རྟ་ལྔ་བརྒྱ་པོ་དེ་དག་འདུལ་ཞིང་འཚོ་བར་བྱེད་པའི་རྟ་རྫི་གང་ཡིན་པ་དེ་ཡང་དེ་བཞིན་གཤེགས་པས་རང་སངས་རྒྱས་རབ་ཏུ་སེམས་དུལ་ཞེས་བྱ་བར་འགྱུར་རོ་ཞེས་ལུང་བསྟན་ཏོ། །རིགས་ཀྱི་བུ་དེ་ལྟ་མོད་ཀྱི་འོན་ཀྱང་དེ་བཞིན་གཤེགས་པའི་
D53.040.0179b01.01ཞལ་ཟས་གང་ཡིན་པ་དེ་ལ་ནི་མི་བསོད་པ་ཅུང་ཟད་ཀྱང་མེད་དེ། རིགས་ཀྱི་བུ་གལ་ཏེ་དེ་བཞིན་གཤེགས་པས་ཤིང་དང་། བོང་བ་དང་། གསེག་མ་དང་། གྱོ་མོ་ལ་སོགས་པ་ཡོངས་སུ་ལོངས་སྤྱད་པར་གྱུར་ན་ཡང་ཤིང་དང་། བོང་བ་དང་། གསེག་མ་དང་། གྱོ་མོ་ལ་སོགས་པ་དེ་དག་གི་རོ་དེ་ལྟ་
D53.040.0179b02.01བུ་དང་། རོ་བྲོ་བའི་མཆོག་གང་དག་ཡིན་པ་དེ་ལྟ་བུ་དག་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཡང་མེད་དོ། །དེ་ཅིའི་ཕྱིར་ཞེ་ན། འདི་ལྟར་དེ་བཞིན་གཤེགས་པས་སྐྱེས་བུ་ཆེན་པོའི་མཚན་རོ་བྲོ་བའི་མཆོག་དང་ལྡན་པ་ཞེས་བྱ་བ་བརྙེས་པའི་ཕྱིར་ཏེ། རིགས་ཀྱི་བུ་དེའི་ཕྱིར་རྣམ་གྲངས་
D53.040.0179b03.01དེས་ན་ཁྱོད་ཀྱིས་འདི་ལྟར་བལྟ་སྟེ། དེ་བཞིན་གཤེགས་པའི་ཞལ་ཟས་ཐམས་ཅད་ནི་བསོད་པ་ཡིན་པར་རིག་པར་བྱའོ། །རིགས་ཀྱི་བུ་གཞན་ཡང་དགེ་སློང་ཀུན་དགའ་བོ་འདི་སྙམ་དུ་དེ་བཞིན་གཤེགས་པས་འཁོར་ལོས་སྒྱུར་བའི་རྒྱལ་སྲིད་སྤངས་ནས་རྟ་ཆས་ཀྱི་ནས་དག་གསོལ་བར་མཛད་པ་ལྟ་
D53.040.0179b04.01ཞེས་སྙིང་རྗེ་བར་གྱུར་བ་དང་། དེ་བཞིན་གཤེགས་པས་དེའི་སེམས་ལ་རྣམ་པར་གཟིགས་ནས་ཀུན་དགའ་བོ་འདི་ཅིའི་རོ་ཡིན་ཤེས་སམ་ཞེས་ནས་ཀྱི་འབྲུ་གཅིག་བྱིན་པ་དང་། དེས་དེ་ཟོས་ནས་ངོ་མཚར་དུ་འཛིན་པར་འགྱུར་ཏེ། །ང་ལ་འདི་སྐད་ཅེས་བཅོམ་ལྡན་འདས་བདག་ནི་རྒྱལ་པོའི་ཁྱིམ་དུ་སྐྱེས་ཤིང་
D53.040.0179b05.01རྒྱལ་པོའི་ཁྱིམ་དུ་ལེགས་པར་རྒྱས་པ་ལགས་ན་བདག་གིས་རོ་འདི་ལྟ་བུ་ནི་སྔོན་ཆད་མ་མྱོང་པ་ལགས་སོ། །ཞེས་ཟེར་ཏེ། དེ་བྱིན་པས་ཚེ་དང་ལྡན་པ་ཀུན་དགའ་བོ་ཟས་མི་ཟ་བར་དགའ་བ་དང་བདེ་བས་ཞག་བདུན་འདས་པར་འགྱུར་ཏོ། །རིགས་ཀྱི་བུ་དེའི་ཕྱིར་རྣམ་གྲངས་དེས་ཀྱང་ཁྱོད་ཀྱིས་འདི་ལྟར་
D53.040.0179b06.01འདི་ལྟ་སྟེ། དེ་བཞིན་གཤེགས་པ་ནི་གང་ལ་ཡང་ལས་ཀྱི་སྒྲིབ་པ་མི་མངའ་བ་ཡིན་པར་རིག་པར་བྱ་སྟེ། སེམས་ཅན་གང་དག་དགེ་སྦྱོང་དང་། བྲམ་ཟེ་ཚུལ་ཁྲིམས་དང་ལྡན་པ་དག་མགྲོན་དུ་གཉེར་ལ་ཟས་འབུལ་བར་མི་བྱེད་པ་དེ་དག་གིས་ཇི་སྐད་སྨྲས་པ་དེ་བཞིན་བྱེད་པ་ཉིད་ཀུན་ཏུ་བསྟན་པར་བྱ་བའི་ཕྱིར།
D53.040.0179b07.01