完整藏文原文 · 德格版页 当前仅加载第 40 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཚོགས་ཡན་ལག་བཞི་དང་བཅས་ཏེ་བཅོམ་ལྡན་འདས་ཀྱི་སྤྱན་སྔར་ཅི་ལ་འོངས། བདུད་ཀྱིས་སྨྲས་པ། བཅོམ་ལྡན་འདས་ལ་ཐོ་བཙམ་པ་དང་། ཆོས་ཀྱི་རྣམ་གྲངས་འདི་ལ་བར་ཆད་བྱ་བའི་བསམ་པས་འོངས་སོ། །བྱང་ཆུབ་སེམས་དཔའ་དགེ་བ་དྲི་མེད་རྣམ་དག་རིན་
D53.040.0182a01.01ཆེན་ཟླ་འོད་རྒྱལ་པོས་སྨྲས་པ། སྡིག་ཅན་དེ་བཞིན་གཤེགས་པ་ལ་ཐོ་བཙམ་པ་དང་། ཆོས་ཀྱི་རྣམ་གྲངས་འདི་ལ་བར་ཆད་བྱས་པས་ཁྱོད་ལ་ཅི་བྱ། སྡིག་ཅན་ཁྱོད་ལ་དེས་ཡུན་རིང་པོར་དོན་མེད་པ་དང་། གནོད་པ་དང་། སྡུག་བསྔལ་བར་མི་འགྱུར་བར་ཁྱོད་ཀྱིས། བཅོམ་ལྡན་འདས་ཀྱི་སྤྱན་སྔར་
D53.040.0182a02.01ཉེས་པ་ལ་ཉེས་པར་ཤོགས་ཤིག །དེ་ནས་བདུད་སྡིག་ཅན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བ་དྲི་མེད་རྣམ་དག་རིན་ཆེན་ཟླ་འོད་རྒྱལ་པོ་ལས་རྗེས་སུ་འཐུན་པའི་གདམས་ངག་རྗེས་སུ་བསྟན་པ་དེ་ཐོས་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་
D53.040.0182a03.01པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་གཏུགས་ནས་བཅོམ་ལྡན་འདས་ཀྱི་སྤྱན་སྔར་བཅོམ་ལྡན་འདས་བྱིས་པ་རྨོངས་པ། མི་གསལ་བ། མི་མཁས་པ། བདག་གི་ཚོད་མ་འཚལ་བ། བདག་གིས་བཅོམ་ལྡན་འདས་ལ་ཞེ་སྡང་གི་སེམས་བསྐྱེད་པ་དང་། མདོ་སྡེ་འདི་ལྟ་བུ་
D53.040.0182a04.01ལ་བར་ཆད་བགྱི་བར་འཚལ་བ། བཅོམ་ལྡན་འདས་ནོངས་པ་ལ་ནོངས་པར་བཤགས་པར་འཚལ་ལོ། །བདེ་བར་གཤེགས་པ་ནོངས་པ་ལ་ནོངས་པར་བཤགས་པར་འཚལ་ཞིང་སླན་ཆད་ཀྱང་སྡོམ་པར་འཚལ་ལགས་ན། བཅོམ་ལྡན་འདས་ཀྱིས་བདག་གི་ནོངས་པ་ལ་ནོངས་པར་བཤགས་པ་དེ་
D53.040.0182a05.01ལེགས་པར་རྗེས་སུ་གཟུང་བར་གསོལ་ཞེས་ཉེས་པ་ལ་ཉེས་པའི་སྒོ་ནས་བཤགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྡིག་ཅན་འདི་ལྟ་སྟེ། རིགས་ཀྱི་བུ་འམ་རིགས་ཀྱི་བུ་མོ་ཉེས་པ་བྱུང་ན་རྣམ་པར་དག་པར་ལྟ་བ་དང་། ཉེས་པ་ལ་ཉེས་པར་ལྟ་བ་ན་འཆགས་པར་བྱེད། སྦྱོང་བར་
D53.040.0182a06.01བྱེད་ཅིང་ཕྱིན་ཆད་ཀྱང་སྡོམ་པར་བྱེད་ན་འཕགས་པ་ལེགས་པར་གསུངས་པའི་ཆོས་འདུལ་བ་འདི་འཕེལ་བར་འགྱུར་རོ། །དེ་ནས་བདུད་སྡིག་ཅན་སྟན་ལས་ལངས་ཏེ། བཅོམ་ལྡན་འདས་ཀྱི་སྤྱན་སྔར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་
D53.040.0182a07.01