完整藏文原文 · 德格版页 当前仅加载第 40 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེ་གཞན་ཡང་ཉོན་ཅིག །རིགས་ཀྱི་བུ་འདི་ཇི་སྙམ་དུ་སེམས། བྱང་ཆུབ་སེམས་དཔའ་ས་བཅུ་པ་ལ་གནས་པ་ཉོན་མོངས་པའི་སྒྲིབ་པ་ཟད་ནས་བྱང་ཆུབ་ཀྱི་སྙིང་པོ་ལ་འཇུག་གམ། འོན་ཏེ་མ་
D53.040.0176a01.01ཟད་པས་འཇུག་སྙམ། གསོལ་པ། བཅོམ་ལྡན་འདས་བས་ནས་མཆིས་ལགས་སོ། །བདེ་བར་གཤེགས་པ་བས་ནས་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ཇི་སྙམ་དུ་སེམས། དེ་གཞི་དེས་མངོན་པར་རྫོགས་པར་འཚང་མི་རྒྱ་སྙམ་འམ།
D53.040.0176a02.01གསོལ་པ། བཅོམ་ལྡན་འདས་མངོན་པར་རྫོགས་པར་འཚང་རྒྱ་ལགས་སོ། །བདེ་བར་གཤེགས་པ་མངོན་པར་རྫོགས་པར་འཚང་རྒྱ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་ཡང་དེ་དང་འདྲ་བར་བལྟ་བར་བྱའོ། །གསོལ་པ་བཅོམ་ལྡན་འདས་ཀུན་དགའ་བོ་
D53.040.0176a03.01ང་ནི་རོ་རྒྱབ་ནའོ་ཞེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ཕྱི་མའི་སྐྱེ་བོ་དེ་བཞིན་གཤེགས་པའི་སྐུ་རྡོ་རྗེ་ལྟར་སྲ་བ་ཡང་སྐུ་རོ་རྒྱབ་བསྙུང་ན་གཞན་དག་ལྟ་སྨོས་ཀྱང་ཅི་དགོས་སྙམ་དུ་སེམས་པ་ལ་ཐུགས་བརྩེ་བས་དེ་སྐད་གསུངས་
D53.040.0176a04.01པ་ཡིན་ན། དེ་ལ་མི་བླུན་པོ་ཁ་ཅིག་དེ་བཞིན་གཤེགས་པའི་སྐུ་རོ་རྒྱབ་བསྙུང་ཞེའོ། །ཞེས་སྒྲ་ཇི་བཞིན་ཁོ་ནར་འཛིན་པར་བྱེད་དེ། དེ་དག་ནི་རང་ཡང་ཉམས་པར་བྱས་ལ་གཞན་ཡང་ཉམས་པར་བྱེད་པ་ཡིན་ཏེ། དེ་བཞིན་གཤེགས་པས་དེ་ལས་དགོངས་ནས་དེ་སྐད་ཅེས་གསུངས་སོ། །
D53.040.0176a05.01གསོལ་པ། བཅོམ་ལྡན་འདས་ང་ནི་རྒས་འཁོགས་ཏེ་གཏུགས་པ་ཡིན་གྱིས། ངའི་བསྙེན་བཀུར་བ་ཚོལ་ཅིག་ཅེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ཡང་ངས་ཕྱི་མའི་སྐྱེ་བོ་རྣམས་ལ་ཐུགས་བརྩེ་བས་ངའི་ཉན་ཐོས་རྒས་
D53.040.0176a06.01འཁོགས་ཏེ་གཏུགས་པ་གང་དག་གི་ལུས་ལ་བསྙེན་བཀུར་བ་དགོས་པ་དག་འབྱུང་བར་འགྱུར་བ་དེ་དག་དེ་བཞིན་གཤེགས་པས་རྗེས་སུ་མ་གནང་ངོ་། །ཞེས་ཕོངས་པར་མི་འགྱུར་བར་བྱ་བའི་ཕྱིར་དེ་སྐད་གསུངས་ཏེ། དེ་བཞིན་གཤེགས་པས་དེ་ལས་དགོངས་ནས་དེ་སྐད་གསུངས་པ་ཡིན་ན།
D53.040.0176a07.01