完整藏文原文 · 德格版页 当前仅加载第 40 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་མི་བླུན་པོ་ཁ་ཅིག་དེ་བཞིན་གཤེགས་པ་བགྲེས་འཁོགས་ཏེ། གཏུགས་སོ་ཞེས་སྒྲ་ཇི་བཞིན་ཁོ་ནར་འཛིན་པར་བྱེད་དེ། དེ་དག་ཀྱང་རང་ཡང་ཉམས་པར་བྱས་ལ། གཞན་ཡང་ཉམས་པར་བྱེད་པ་ཡིན་ནོ། །གསོལ་པ། བཅོམ་ལྡན་འདས་མཽད་གལ་གྱི་བུ་ཁྱོད་སོང་ལ་སྨན་པའི་རྒྱལ་
D53.040.0176b01.01པོ་འཚོ་བྱེད་ཀྱི་གན་ནས་སྨན་ལོང་ཤིག་དང་། བཟའ་བར་བྱའོ་ཞེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ཡང་ངས་ཕྱི་མའི་སྐྱེ་བོ་རྣམས་ལ་ཐུགས་བརྩེ་བས་ངའི་ཉན་ཐོས་གང་དག་ལ་སྨན་དགོས་པ་དག་འབྱུང་བར་འགྱུར་བ་དེ་དག་
D53.040.0176b02.01དེ་བཞིན་གཤེགས་པས་རྗེས་སུ་མ་གནང་ངོ་། །ཞེས་ཕོངས་པར་མི་འགྱུར་བར་བྱ་བའི་ཕྱིར་དེ་སྐད་གསུངས་ཏེ། དེ་བཞིན་གཤེགས་པས་དེ་ལས་དགོངས་ནས་དེ་སྐད་གསུངས་པ་ཡིན་ན། །དེ་ལ་མི་བླུན་པོ་ཁ་ཅིག་སྨན་པའི་རྒྱལ་པོ་འཚོ་བྱེད་ཀྱིས་དགེ་སློང་མཽད་གལ་གྱི་བུ་ལ་རྗེས་མེད་པ་དང་།
D53.040.0176b03.01གུས་པར་སྒྲིམ་པ་མེད་པ་མ་ཡིན་པར་བསྟན་ཅིང་དྲིས་ན་ཡང་རིངས་པ་རིངས་པ་ཁོ་ནར་སྙུན་གྱི་གསོས་སྨན་བསྟན་པ་ལས་ན། དེ་བཞིན་གཤེགས་པ་ནི་སྐུ་ལ་སྙུན་མངའ་བ་ཡིན་ནོ་སྙམ་པ་དང་། དེ་བཞིན་གཤེགས་པའི་སྐུ་དེ་ལ་ཡང་ཉེས་དམིགས་དག་སྣང་སྟེ། ཆོས་མཐོང་བ་རྣམས་ལ་
D53.040.0176b04.01ཡང་དེ་ལྟ་བུའི་བག་མེད་པ་དག་འབྱུང་བར་འགྱུར་ན་སོ་སོའི་སྐྱེ་བོ་དག་ལ་ལྟ་སྨོས་ཀྱང་ཅི་དགོས། ཞེས་སྒྲ་ཇི་བཞིན་ཁོ་ནར་འཛིན་པར་བྱེད་དེ། དེ་དག་ཀྱང་རང་ཡང་ཉམས་པར་བྱས་ལ་གཞན་ཡང་ཉམས་པར་བྱེད་པ་ཡིན་ནོ། །གསོལ་པ། བཅོམ་ལྡན་འདས་དེ་བཞིན་གཤེགས་པ་ནི་གཞན་མུ་
D53.040.0176b05.01སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་དག་དང་ལྷན་ཅིག་ཏུ་ཚིག་གིས་རྩོད་པར་བྱེད་དོ། །ཞེས་གསུངས་པ་དེ་ཇི་ལྟར་བལྟ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ཡང་ངས་ཕྱི་མའི་སྐྱེ་བོ་དག་དེ་བཞིན་གཤེགས་པ་ཉིད་ལ་ཡང་དགྲ་བོ་དང་། ཕྱིར་རྒོལ་བ་
D53.040.0176b06.01དག་ཡོད་ན་བདག་ཅག་ལྟ་ལ་སྨོས་ཀྱང་ཅི་དགོས། སྙམ་དུ་སེམས་པ་དག་ལ་ཐུགས་བརྩེ་བས་དེ་སྐད་ཅེས་གསུངས་པ་དག་ཡིན་ན། དེ་ལ་མི་བླུན་པོ་དེ་དག་དེ་བཞིན་གཤེགས་པ་ལ་ཡང་དགྲ་བོ་དང་། ཕྱིར་རྒོལ་བ་དག་ཡོད་དོ། །ཞེས་སྒྲ་ཇི་བཞིན་ཁོ་ནར་འཛིན་པར་བྱེད་དེ། རིགས་ཀྱི་
D53.040.0176b07.01