完整藏文原文 · 德格版页 当前仅加载第 40 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་སྙོམས་ཀྱི་ཕྱིར་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དག་ཏུ་ཞུགས་པའི་ཚེ་བདག་ཉིད་བསོད་ནམས་ཆུང་བས་བསོད་སྙོམས་མ་རྙེད་པ་ན། དེ་དག་དེའི་ཚེ་དེ་བཞིན་གཤེགས་པ་ཡིད་ལ་བྱས་ནས་འདི་སྐད་ཅེས་
D53.040.0178a01.01དེ་བཞིན་གཤེགས་པ་དགེ་བའི་རྩ་བའི་ཚོགས་ཐམས་ཅད་ཡོངས་སུ་རྫོགས་པ་དེ་ཉིད་ཀྱང་ཇི་ལྟར་ལྷུང་བཟེད་བཀྲུས་པས་ཞུགས་པ་བཞིན་དུ་ཕྱིར་བྱུང་ན། བདག་ཅག་དགེ་བའི་རྩ་བ་ཆུང་ངུ་དང་ལྡན་པ་རྣམས་ལྟ་སྨོས་ཀྱང་ཅི་དགོས་ཏེ། བསོད་སྙོམས་མ་རྙེད་པ་འདིས་བདག་ཅག་ཡོངས་སུ་གདུང་བར་
D53.040.0178a02.01མི་བྱའོ་ཞེས་བརྗོད་པར་འགྱུར་བའི་དོན་གྱི་དབང་འདི་གཟིགས་པས་དེ་བཞིན་གཤེགས་པ་བསོད་སྙོམས་ཀྱི་ཕྱིར་བྲམ་ཟེའི་གྲོངས་ལ་ཅན་དུ་ཇི་ལྟར་ལྷུང་བཟེད་བཀྲུས་པས་ཞུགས་པ་བཞིན་དུ་ཕྱིར་བྱུང་བར་བསྟན་ཏོ། །གཞན་ཡང་བདུད་སྡིག་ཅན་གྱིས་བྲམ་ཟེ་དང་། ཁྱིམ་བདག་རྣམས་བྱིན་གྱིས་
D53.040.0178a03.01བརླབས་པས་ན་དེ་ལྟར་བསོད་སྙོམས་མི་སྟེར་ཏོ། །ཞེས་ཟེར་ན་དེ་ཡང་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། བདུད་སྡིག་ཅན་གྱིས་དེ་བཞིན་གཤེགས་པའི་བསོད་སྙོམས་ཀྱི་བར་ཆད་བྱེད་པར་མི་ནུས་པའི་ཕྱིར་ཏེ། འོན་ཀྱང་དེ་བཞིན་གཤེགས་པའི་བྱིན་གྱི་བརླབས་ཀྱིས་བདུད་སྡིག་ཅན་གྱིས་
D53.040.0178a04.01བྲམ་ཟེ་དང་ཁྱིམ་བདག་རྣམས་ཀུན་དུ་བྱིན་གྱིས་བརླབས་པ་ཡིན་གྱི། དེ་བཞིན་གཤེགས་པ་ལ་ནི་ལས་ཀྱི་སྒྲིབ་པ་ཅུང་ཟད་ཀྱང་མེད་དེ། སེམས་ཅན་དེ་དག་ཉིད་ཡོངས་སུ་སྨིན་པར་བྱ་བའི་ཕྱིར་དེ་བཞིན་གཤེགས་པས་ཐབས་ལ་མཁས་པ་དེ་ལྟ་བུ་བསྟན་པར་མཛད་དོ། །དེ་བཞིན་གཤེགས་
D53.040.0178a05.01པས་ཞལ་ཟས་བཅད་ཅིང་ཆད་པ་དེ་ན་བདུད་དང་བདུད་ཀྱི་རིས་ཀྱི་ལྷ་དང་། ལྷའི་བུ་གཞན་དག་ཀྱང་དགེ་སྦྱོང་གཽ་ཏ་མ་དང་། །ཉན་ཐོས་དག་ཡིད་མི་བདེ་བར་མི་འདུག་གམ་ཞེས་དེ་བཞིན་གཤེགས་པ་ཉན་ཐོས་ཀྱི་དགེ་འདུན་དང་བཅས་པའི་ཐུགས་ལ་སེམས་པར་བྱེད་དེ། དེ་དག་ཉིན་མཚན་དུ་དེ་བཞིན་
D53.040.0178a06.01གཤེགས་པ་ཉན་ཐོས་ཀྱི་དགེ་འདུན་དང་བཅས་པའི་ཐུགས་ལ་སེམས་ཀྱིས་སེམས་པར་བྱེད་པ་ན་ཐུགས་ཀྱི་གནས་གཅིག་ཙམ་ལ་ཡང་མཐོ་བ་མེད་ཅིང་དམའ་བ་མེད་ལ་སྔོན་ཇི་ལྟ་བ་བཞིན་དུ་ཕྱིས་ཀྱང་དེ་བཞིན། ཕྱིས་ཇི་ལྟ་བ་བཞིན་དུ་སྔོན་ཡང་དེ་བཞིན་ཏེ། ཡིད་མི་བདེ་བ་མེད་པར་ཡང་དག་
D53.040.0178a07.01